विश्व

नेपालअखबार,इजिप्ट । अमेरिका र हमासबिच गाजामा भएको युद्धविरामपछि पहिलो पटक प्रत्यक्ष वार्ता भएको छ । स्रोतहरूका अनुसार यो वार्ता अमेरिकी मध्यस्थतामा भएको नाजुक सहमति अगाडि बढाउने प्रयास स्वरूप गरिएको हो ।  मंगलबार राति कायरोमा अमेरिकी वरिष्ठ सल्लाहकार आर्य लाइटस्टोनको नेतृत्वको टोलीले हमासका प्रमुख वार्ताकार खलिल अल–हय्यासँग भेट गरेको बताइएको छ । लाइटस्टोनसँगै गाजाका लागि ‘बोर्ड अफ पिस’का उच्च प्रतिनिधि निकोले म्लाडेनोभ पनि वार्तामा सहभागी थिए । वार्ताका क्रममा अल–हय्याले इजरायलले युद्धविरामको पहिलो चरणअन्तर्गत गरेका हवाई आक्रमण रोक्ने र मानवीय सहायता बढाउने जस्ता प्रतिबद्धताहरू पूर्ण रूपमा कार्यान्वयन गर्नुपर्नेमा जोड दिएका थिए । यसपछि मात्रै अर्को चरणमा अघि बढ्न सकिने उनले बताएका छन् । गत अक्टोबरमा भएको युद्धविरामले गाजामा दुई वर्ष लामो युद्ध अन्त्य गरे पनि विशेष गरी हमासको शासन वा ...

नेपालअखबार,काठमाडौं । अमेरिका र इरानबीच अप्रिल २१ मा सकिन लागेको युद्धविरामअघि नै शान्ति सम्झौतामा पुग्ने प्रयास तीव्र पारिएको छ। अमेरिकी सञ्चारमाध्यमका अनुसार, केही मतभेदहरू बाँकी रहे तापनि दुवै पक्षबीचको वार्ता सकारात्मक दिशामा अघि बढेको छ ।विशेषगरी, इरानको आणविक कार्यक्रमलाई लिएर भइरहेको वार्तामा उल्लेखनीय प्रगति भएको बताइएको छ। पाकिस्तान, इजिप्ट र टर्कीले यस प्रक्रियामा मध्यस्थकर्ताको भूमिका निभाइरहेका छन्। सम्झौताका लागि ‘ब्याक च्यानल’ सम्पर्कहरू जारी छन् र मस्यौदा प्रस्तावहरू आदानप्रदान भइरहेका छन्। अमेरिकी उपराष्ट्रपति जेडी भान्स, स्टिभ विटकफ र जेरेड कुश्नरले वार्ताको मस्यौदा आदानप्रदान गरिरहेका छन्। यसै क्रममा पाकिस्तानका सेना प्रमुख आसिम मुनीरले तेहरानमा इरानी अधिकारीहरूसँग महत्त्वपूर्ण भेटवार्ता गरेका छन्। उनले इरानी विदेशमन्त्री अब्बास अराघचीसँग भेट गरिसकेका छन् र उनी अमेर...

नेपालअखबार,काठमाडौं । मध्यपूर्वमा जारी तनावबीच इसराइल र लेबननबीच अमेरिकामा वार्ता भएको छ। अमेरिकाको मध्यस्थतामा राजधानी वासिङ्टन डिसीमा मंगलबार इसराइल र लेबननबीच प्रारम्भिक वार्ता भएको हो। अमेरिकी विदेशमन्त्री मार्को रूबिओको पहलमा भएको वार्तामा अमेरिकाका लागि इसराइलका राजदूत यचिल लेटर र लेबननकी राजदूत नाडा मोवाद थिए। अमेरिकाबाट विदेशमन्त्री रूबिओ, संयुक्त राष्ट्रसंघका लागि अमेरिकी राजदूत माइक वाल्ज, लेबननका लागि अमेरिकी राजदूत माइकल इसा लगायत थिए। वार्ता करिब २ घन्टा चलेको अन्तर्राष्ट्रिय समाचार संस्था रोयटर्सले जनाएको छ। वार्तालाई दुवै पक्षले सकारात्मक भनेका छन्। सन् १९४८ मा इसराइल स्थापना भएयता औपचारिक रूपमा युद्धकै अवस्थाबाट गुज्रिरहेका दुई देशका प्रतिनिधि एउटै टेबलमा बसेको यो दुर्लभ क्षण हो। यद्यपि यो पूर्ण औपचारिक वार्ता भन्दा पनि प्रारम्भिक वार्ता हो। यसमा एक-अर्काको अ...

नेपालअखबार, काठमाडौं । अमेरिकी राष्ट्रपति डोनाल्ड ट्रम्पले इरानमा युद्ध अन्त्य गराउनका लागि यसै हप्ता फेरि वार्ता सुरु हुन सक्ने सङ्केत दिएका छन् । गत शनिबार इस्लामावादमा यो वार्ता कुनै निष्कर्षविना टुङ्गिएको थियो, जसलगत्तै अमेरिकाले इरानी बन्दरगाहहरूमा नाकाबन्दी गरेको थियो । ट्रम्पले न्युयोर्क पोस्टलाई दिएको एक अन्तर्वार्तामा भनेका छन्, ‘तपाईंहरू त्यहीँ (इस्लामावाद) रोकिनुपर्छ, किनकि आगामी दुई दिनमा केही हुन सक्छ र हाम्रो झुकाव पनि त्यहीँ जाने बढी छ।’ उनको यो भनाइ यस्तो बेला आएको छ जतिबेला अमेरिकी सेनाले होर्मुज स्ट्रेटमा नाकाबन्दी गरेपछिको पहिलो २४ घण्टाभित्र त्यहाँबाट कुनै पनि जहाज पार नभएको दाबी गरेको छ। यस गतिरोधले आगामी साता सकिन लागेको दुई हप्ते युद्धविराममाथि पनि प्रश्न खडा गरेको छ । इरानको तर्फबाट ट्रम्पको भनाइमा हालसम्म कुनै प्रतिक्रिया आएको छैन, तर संयुक्त राष्ट्रसङ्...

नेपालअखबार,काठमाडौं । इरानले आफ्ना छिमेकी देशहरू साउदी अरब, युएई, कतार, बहराइन र कुवेतसँग युद्धमा भएको क्षतिको क्षतिपूर्ति माग गरेको छ। इरानका तर्फबाट संयुक्त राष्ट्रसङ्घका राजदूत अमिर सइद इरावानीले संयुक्त राष्ट्रसङ्घका महासचिव एन्टोनियो गुटेरेसलाई एउटा पत्र पठाएका छन्। पत्रमा यी पाँच देशहरूले अन्तर्राष्ट्रिय कानुनको उल्लङ्घन गरेका र अब उनीहरूले इरानलाई भएको क्षतिको पूर्ण भरपाई गर्नुपर्ने उल्लेख छ । बीबीसीका अनुसार, इरानी राजदूत अमिर सइद इरावानीले लेखेको पत्रलाई समाचार एजेन्सी आईआरएनएले प्रकाशित गरेको छ। पत्रमा लेखिएको छ, ‘यी पाँच देशहरूले अन्तर्राष्ट्रिय कानुनको उल्लङ्घन गरेका छन् र इरानप्रतिको आफ्नो जिम्मेवारी पूरा गरेका छैनन्। त्यसैले अब उनीहरूको अन्तर्राष्ट्रिय जिम्मेवारी तय भइसकेको छ। उनीहरूले इरानलाई भएको सम्पूर्ण क्षतिको पूर्ण रूपमा भरपाई गर्नुपर्छ, जसमा भौतिक र मानसिक दुवै प...

नेपालअखबार,काठमाडौं । इरान र अमेरिकाबीचको विवादले फेरि एकपटक उग्र रूप लिएको छ । अमेरिकी राष्ट्रपति डोनल्ड ट्रम्पले होर्मुज स्ट्रेट अफ होर्मुजबाट हुने इरानी ढुवानीलाई रोक्ने धम्की दिएपछि इरानी सेनाले कडा प्रतिकारको चेतावनी दिएको हो । इरानी सञ्चारमाध्यम आईआरआईबीमार्फत जारी गरिएको आधिकारिक बयानमा अमेरिकाको यो धम्कीलाई ‘गैरकानुनी’ र ‘समुद्री डकैती’जस्तो व्यवहार भनिएको छ । इरानले आफ्ना बन्दरगाहमाथि कुनै पनि प्रकारको नाकाबन्दी वा आक्रमण भए त्यसको नतिजा अमेरिका मात्र नभई समग्र खाडी क्षेत्रले भोग्नुपर्ने संकेत गरेको छ । इरानी सेनाले छिमेकी खाडी राष्ट्रलाई समेत लक्षित गर्दै यस क्षेत्रका बन्दरगाहहरूको सुरक्षा या त सबैका लागि हुने वा कसैका लागि पनि नहुने स्पष्ट पारेको छ । यदि अमेरिकी सेनाले इरानी बन्दरगाहलाई निशाना बनाए फारसको खाडी र ओमान सागरका कुनै पनि बन्दरगाह सुरक्षित नरहने उसले चेतावनी दिएको...

नेपालअखबार,काबुल । पश्चिमी अफगानिस्तानको हेरात प्रान्तस्थित एक पिकनिक स्थलमा बन्दुकधारीहरूले अन्धाधुन्ध गोली चलाउँदा कम्तीमा ११ जनाको मृत्यु भएको छ । शुक्रबार हेरातको एन्जिल जिल्लाको देह मेहरी गाउँ नजिक भएको उक्त आक्रमणमा सुरुवातमा चार जनाको मृत्यु भएको बताइएको थियो । तर गम्भीर घाइते भएका थप सात जनाको उपचारका क्रममा मृत्यु भएपछि मृतक संख्या ११ पुगेको स्थानीय अधिकारीहरूले जानकारी दिएका छन् । घटनामा घाइतेहरूलाई हेरात सहरस्थित अस्पतालमा लगिएको थियो । चिकित्सकका अनुसार पीडितहरू सिया मुस्लिम समुदायका थिए, जो स्थानीय धार्मिक स्थलमा पिकनिक मनाउन गएका थिए । सिया इस्लाम मान्ने समुदाय अफगानिस्तानमा अल्पसंख्यक भएकाले उनीहरू विगतमा पनि लक्षित आक्रमणको सिकार बन्दै आएका छन् । गृह मन्त्रालयका प्रवक्ता अनुसार मोटरसाइकलमा आएका अज्ञात बन्दुकधारीहरूले भिडभाड हुने उक्त मनोरञ्जन क्षेत्रमा अचानक गोली च...

नेपालअखबार,इस्लामावाद । अमेरिका र इरानबिचको ऐतिहासिक शान्ति वार्ता निष्कर्षविहीन बनेसँगै इरानले अमेरिकाको गम्भीरतामाथि प्रश्न उठाएको छ। इरानी विदेश मन्त्रालयका प्रवक्ता इस्माइल बाकाइले सामाजिक सञ्जालमार्फत एक विज्ञप्ति जारी गर्दै वार्ताको सफलता पूर्ण रूपमा अमेरिकी पक्षको सद्भाव र गम्भीरतामा निर्भर रहने स्पष्ट पारेका छन्। प्रवक्ता बाकाइले वार्तालाई ‘अत्यन्तै सघन’ भनी टिप्पणी गरे पनि वासिङ्टनले अघि सारेका मागहरूलाई ‘अत्यधिक र गैरकानुनी’ को संज्ञा दिएका छन्। उनले अमेरिकालाई आफ्ना जिद्दी र दबाबपूर्ण शैली छोडेर इरानको वैध अधिकार र राष्ट्रिय स्वार्थलाई स्वीकार गर्न आग्रह गरेका छन्। इरानले विशेषगरी आफ्नो सार्वभौमिकता र क्षेत्रीय स्वार्थमा आँच आउने कुनै पनि सर्त नमान्ने संकेत दिएको छ। जारी वार्तामा मुख्यगरी तीनवटा एजेन्डामा छलफल भइरहेको बाकाइले जानकारी दिएका छन्। जसमा विश्व ऊर्जा आपूर्तिको ल...

नेपालअखबार,काठमाडौं । युद्धरत अमेरिका र इरान बीच पाकिस्तानको इस्लामावादमा भएको वार्ता निष्कर्षविहीन भएको छ । वार्तामा कुनै पनि सहमति हुन नसकेको वार्तामा सहभागी अमेरिकी उपराष्ट्रपति जेडी भान्सले बताएका छन् । सघन संलग्नताका बाबजुद कुनै ठोस उपलब्धि विना नै वार्ता टुङ्गिएको हो । भान्सले अमेरिकी पक्षले झन्डै एक दिनको निरन्तर सञ्चारपछि आफ्नो ‘अन्तिम र उत्कृष्ट प्रश्ताव’ पेस गरेको दाबी गरेका छन् । छलफल ‘सद्भाव’ का साथ गरिएको थियो तर प्रस्तावले स्वीकृति पाउन नसकेको उनको भनाइ छ ।...

नेपालअखबार, काठमाडौँ । अमेरिका र इरानबीच आज वार्ता हुँदैछ। पाकिस्तानको मध्यस्थतामा राजधानी इस्लामावादमा शनिबार दुई देशबीच वार्ता हुन लागेको हो। वार्ताका लागि तेहरानको टोली इस्लामावाद आइपुगेको पाकिस्तानी अखबार द डनले पुष्टि गरेको छ। इरानबाट सभामुख मोहम्मद बाघे गालिबाफ, विदेशमन्त्री अब्बास अरागचीसहितको टोली इस्लामावाद पुगेको छ। उनीहरूलाई पाकिस्तानी सेना प्रमुख असिम मुनिरले स्वागत गरेका छन्। इरानी प्रतिनिधिमण्डलमा आर्थिक, सुरक्षा, कूटनीतिक तथा प्राविधिक विशेषज्ञहरू, सञ्चारकर्मी र सहयोगी कर्मचारीहरूसहित करिब ७० जना सदस्य रहेको अन्तर्राष्ट्रिय समाचार संस्था रोयटर्सले जनाएको छ। अमेरिकी प्रतिनिधिमण्डल भने अझै इस्लामावाद आइपुगेको छैन। उनीहरू बाटोमै रहेको रोयटर्सले जनाएको छ। अमेरिकी प्रतिनिधिमण्डलको नेतृत्व उपराष्ट्रपति जेडी भान्सले गर्नेछन्। टोलीमा राष्ट्रपति डोनाल्ड ट्रम्पका मध्...