विश्व

नेपालअखबार,बैंकक । थाइल्यान्ड र कम्बोडियाबिचको विवादित सीमामा फेरि लडाइँ सुरु भएको छ, जसमा थप मृत्यु भएको र हजारौँ मानिस विस्थापित भएका खबर आएका छन्। कम्बोडियाले रातभरि थाइ सेनाले गरेको गोलाबारीमा थप दुई नागरिक मारिएको बताएको छ, जसले गर्दा कम्बोडियातर्फ मृत्यु हुनेको कुल सङ्ख्या ६ पुगेको छ। थाइल्यान्डले भने कम्तीमा एक सैनिक मारिएको जानकारी दिएको छ। नोम पेन्हको रक्षा मन्त्रालयका अनुसार, मंगलबार मध्यरातपछि थाइ सेनाले बान्टेय मीनचे सीमा प्रान्तमा गोलाबारी गरेको थियो, जसमा राष्ट्रिय सडकमा यात्रा गरिरहेका दुई नागरिकको मृत्यु भयो। सूचना मन्त्री नेथ फिआक्ट्राले एएफपीलाई बताएअनुसार, सोमबार प्राह विहियर र ओडार मीनचेयमा थाइ गोलाबारीमा चार कम्बोडियाली नागरिकको मृत्यु भएको थियो। दुवै पक्षले एकअर्कालाई हिंसा सुरु गरेको आरोप लगाएका छन्। थाइल्यान्डले आफ्ना सेनाले कम्बोडियाको गोलाबारीको जवाफ...

नेपालअखबार,काठमाडौं । जापानको उत्तर–पूर्वी क्षेत्रमा सोमवार राति शक्तिशाली भूकम्प गएको छ । ७.६ म्याग्निच्युड तीव्रता मापन भएको भूकम्पबाट कम्तिमा पनि ३० जना घाइते भएका छन् । भूकम्पका कारण हजारौं मानिसहरू घरबाट बाहिर निस्कनुपरेको बीबीसीले जनाएको छ । जापानको मौसम विज्ञान एजेन्सीका अनुसार भूकम्प स्थानीय समयानुसार सोमबार राति २३:१५ बजे गएको थियो । भूकम्पको केन्द्र आओमोरी क्षेत्रको तटभन्दा झण्डै ८० किलोमिटरको दूरी जमिनमुनि ५० किलोमिटर (३१ माइल) को गहिराइमामा थियो । भूकम्पपछि देशमा सुनामीको चेतावनी जारी गरिएको थियो । अहिले चेतावनीलाई हटाइएको छ । यद्यपि, तटहरूमा २७ इन्चसम्मका लहरहरू देखिएका छन् । भकम्पका कारण केही रेल सेवाहरू रोकिएको छ भने हजारौं घरहरूमा विद्युत् आपूर्ति बन्द भएको छ । अधिकारीहरूले आगामी दिनमा पनि भूकम्प आउन सक्ने चेतावनी दिँदै आम नागरिकलाई कम्तिमा पनि एक हप्तासम्म ‘हाई अलर्ट’ ...

नेपालअखबार,काठमाडौं । लामो समयदेखि रूससँगको युद्ध सामना गरिरहेका युक्रेनका राष्ट्रपति भ्लोदोमिर जेलेन्स्कीले बेलायतका प्रधानमन्त्री किएर स्टार्मर, फ्रान्सका राष्ट्रपति इमानुयल म्याक्रो र जर्मनीका चान्सलर फ्रिड्रिख मर्त्जसँग भेटवार्ता गरेका छन् । उनले सोमबार लन्डनमा बेलायती प्रधानमन्त्री स्टार्मर, फ्रन्सेली राष्ट्रपति म्याक्रो र जर्मन चान्सलर मर्त्जसँग भेटवार्ता गरेका हुन् । भेटवार्ताका क्रममा पछिल्लो साता युक्रेनी र अमेरिकी अधिकारीका तर्फबाट तयार गरिएको एक नयाँ शान्ति प्रस्तावमा चर्चा भएको बीबीसीले जनाएको छ । युरोपियन देशका नेताहरूले युद्ध समाप्तिको दिशामा कदम अगाडि बढाउनका लागि युक्रेनलाई समर्थन बढाउने र रूसमाथि दबाव बनाउने ‘अहम् समय’ भएको बताएका छन् । अमेरिकाले युक्रेनमाथि रूससँग सम्झौताका लागि दबाव सिर्जना गरिरहेको भन्दै उनीहरूले युक्रेनको सुरक्षा सुनिश्चितताका अझै काम गर्न आवश्यक र...

नेपालअखबार,थाइल्याण्ड ।  थाइल्याण्ड र कम्बोडियाबीच सीमानामा पुनः झडप भएको छ। गत जुलाईमा दुई देशका सेनाबीच सिमानामा ५ दिनसम्म आक्रमण प्रत्याक्रमण भएपछि अमेरिकी राष्ट्रपति डोनाल्ड ट्रम्प र मलेसियाका प्रधानमन्त्री अनवर इब्राहिमको मध्यस्थतामा युद्धविराम भएको थियो। सोमबार दुवै देशले एक अर्कामाथि युद्धविराम उल्लंघनको आरोप लगाउँदै हमला गरेको अन्तर्राष्ट्रिय समाचार संस्था रोयटर्सले जनाएको छ। यसले दुई देशबीच पुनः संकट उत्पन्न हुने संकेत गरेको छ। सोमबार बिहान दुवै देशले एक अर्कामाथि सीमानामा पहिले हमला गरेको आरोप लगाएका छन्। थाइ सेनाले कम्बोडियाली सेनाबाट भएको गोलाबारीमा परी आफ्नो एक सैनिकको मृत्यु र दुई जना घाइते भएपछि जबाफस्वरू हवाई आक्रमण गरेको बताएको छ। थाइ सेनाका मेजर जनरल विन्थाइ सुवारीले चोङ आन मा पास क्षेत्रमा रहेका कम्बोडियाका सैन्य समर्थन केन्द्रहरूलाई लक्ष्य बनाएर आक्रमण...

नेपालअखबार,काठमाडौं । अफगानिस्तानले पाकिस्तानी सेनाको आक्रमणमा परी चार अफगान नागरिकको मृत्यु भएको पुष्टि गरेको छ । सीमा क्षेत्रमा पर्ने अफगान शहर स्पिन बोल्दकका चार नागरिकको पाकिस्तानी सेनाको आक्रमणमा परी मृत्यु भएको अधिकारीहरूले पुष्टि गरेका हुन् । यसअघि कन्धार शहरको एक अस्पताल स्रोतलाई उद्धृत गर्दै बीबीसीले स्थानीय अस्पतालमा चार जनाको शव ल्याइएको समाचारमा उल्लेख गरेको थियो । अफगान र पाकिस्तान दुवैले शुक्रबार राति गोलीबारी भएको पुष्टि गरेका थिए । चार घण्टासम्म चलेको संघर्षको सुरूवातका लागि दुवै मुलुकले एक–अर्कामाथि दोष लगाएका छन् । पाकिस्तानका प्रधानमन्त्री शहबाज शरीफका प्रवक्ता मुशर्रफ जैदीले तालिबानले बिना कुनै कारण गोलीबारी गरेको आरोप लएका छन् । तालिबानका एक प्रवक्ताले पनि पाकिस्तानले आक्रमण गरेपछि आफूहरू जवाफ दिन बाध्य भएको प्रतिक्रिया दिएका छन् । पछिल्लो झडपका कारण पाकिस्तानका ...

नेपालअखबार,काठमाडौँ । भारतका विभिन्न विमानस्थलहरूमा शुक्रबार यात्रुहरूको भिड लागेको थियो। देशका सबैभन्दा ठूलो मध्येको एयरलाइन्स इन्डिगोको एक हजारभन्दा बढी उडान एकै दिन रद्द भएपछि शुक्रबार विमानस्थल अस्तव्यस्त बनेको हो। अमेरिकी पत्रिका द न्युयोर्क टाइम्सका अनुसार इन्डिगोको दैनिक उडान हुने आधाभन्दा बढी जहाजको उडान शुक्रबार रद्द भएको थियो। यात्रुहरुले समयमै आफूले टिकट लिएको जहाजको उ८न रद्द भएको विषयमा जानकारी पनि नपाएका कारण विमानस्थलमा भिड लागेको थियो। उडान रद्द भएपछि विमानस्थलमा अलपत्र परेका यात्रुहरू आ-आफ्नो सामान बोकेर बसिरहेका तस्बिर र भिडिओ भाइरल बनेको छ। यात्रुहरू मात्रै होइनन् भारतीय नेताहरूले समेत नागरिकलाई दुःख दिएको भन्दै एयरलाइन्स र सरकारको आलोचना गरेका छन्। एकै दिन यतिका धेरै उडान किन रद्द भयो? न्युयोर्क टाइम्सका अनुसार इन्डिगोले मंगलबारदेखि नै क्रमशः उडान कटौती...

नेपालअखबार,काठमाडौँ । अमेरिकामा जन्मेकै आधारमा नागरिकता पाउने कि नपाउने भन्ने विषयमा त्यहाँको सर्वोच्च अदालतले छिनोफानो गर्ने भएको छ। राष्ट्रपति डोनाल्ड ट्रम्पले गत जनवरीमा आफ्नो दोस्रो कार्यकाल सम्हालेलगत्तै अमेरिकामा जन्मेकै आधारमा नागरिकता पाउने व्यवस्था रोक्नेगरी कार्यकारी आदेश जारी गरेका थिए। उक्त आदेशविरूद्धको रिट संघीय अदालत हुँदै अन्तिम फैसलाका लागि सर्वोच्च अदालत पुगेको हो। शुक्रबार सर्वोच्च अदालतले यसबारे चाँडै फैसला गर्ने निर्णय गरेको अन्तर्राष्ट्रिय समाचार संस्था रोयटर्सले जनाएको छ। अन्तर्राष्ट्रिय सञ्चारमाध्यमहरूको अनुसार सर्वोच्चले ढिलासम्म आगामी २०२६ को जुन महिनासम्म  अन्तिम फैसला सुनाइसक्नेछ। अमेरिकी आप्रवासन नीतिमा दुरगामी असर पार्नसक्ने यो कानुनी लडाइँले १९औँ शताब्दीको संवैधानिक प्रावधानको दीर्घकालीन व्याख्यालाई नै चुनौती दिएको छ। तल्लो अदालतहरूले यो आदे...

नेपालअखबार,काठमाडौं । रूसका राष्ट्रपति भ्लादिमिर पुटिन आज (बिहीबार) भारत भ्रमणमा आउँदै छन् । उनी दुई दिवसीय भ्रमणका लागि भारत आउन लागेका हुन् । भारतीय सञ्चारमाध्यमहरूका अनुसार पुटिन बिहीबार भारतीय समयअनुसार अपराह्न ४ बजे नयाँ दिल्ली पुग्दैछन् । उनले भारतीय प्रधानमन्त्री नरेन्द्र मोदीसँग कयौं मुद्दाहरूमा छलफल गर्ने कार्यतालिका छ । पुटिनको भ्रमणलाई मध्यनजर गरी भारतको सुरक्षा व्यवस्था कडा पारिएको छ । सबै सुरक्षा अंगहरुलाई ‘हाई अलर्ट’ मा राखिएको छ । ‘पुटिनको आगमनदेखि फिर्ता हुनेसम्म सुरक्षा एजेन्सीहरूले हरेक गतिविधि निगरानी गर्ने छन्,’ नवभारत टाइम्समा समाचार छ ।...

नेपालअखबार,काठमाडौँ ।  रूसी राष्ट्रपति भ्लादिमिर पुटिनले अमेरिकी अधिकारीहरूसँग पाँच घन्टासम्म छलफल गरेका छन्। युक्रेन युद्ध अन्त्यका लागि सम्भावित शान्ति सम्झौताबारे सहमति जुटाउन भनेर अमेरिकी राष्ट्रपति डोनाल्ड ट्रम्पले आफ्ना मध्यपूर्व हेर्ने विशेष दूत स्टिभ विटकोफ र ज्वाँइ ज्यारेड कुश्नरलाई मस्को पठाएका थिए। मंगलबार क्रेमलिनमै पुटिनले उनीहरूसँग ५ घन्टासम्म कुराकानी गरेको भनेर अन्तर्राष्ट्रिय समाचार संस्था रोयटर्सले जनाएको छ। यद्यपि शान्ति सम्झौताबारे सहमति भने हुन नसकेको पुटिनका विदेश नीति सल्लाहकार युरी उशाकोभले बताएका छन्। 'सम्झौताका बुँदाहरूमा अहिलेसम्म समझदारी बनेको छैन। त्यसमा धेरै काम गर्न बाँकी छ,' उशाकोभले क्रेमलिनमा पत्रकारहरूसँग भने। उनले सम्झौतामा भएका केही प्रस्तावहरूबारे पुटिन सकारात्मक नरहेको पनि बताएका छन्। यद्यपि वार्ता रचनात्मक भएको र अमेरिका–रुसबीच आर्थ...

नेपालअखबार, काठमाडौँ ।  भेनेजुएलाका राष्ट्रपति निकोलस मदुरोका लागि अमेरिकाले ग्यारेन्टी गर्ने सुरक्षित मार्ग हुँदै आफ्नो देश छाड्ने विकल्प सीमित हुँदै गएको छ। गत महिना अमेरिकी राष्ट्रपति डोनाल्ड ट्रम्पसँग भएको छोटो टेलिफोन वार्तामा ट्रम्पले मदुरोका धेरै माग अस्वीकार गरेपछि परिस्थिति झनै जटिल भएको अन्तर्राष्ट्रिय समाचार संस्था 'रोयटर्स' ले लेखेको छ। ट्रम्प र मदुरोबीच नोभेम्बर २१ मा टेलिफोन वार्ता भएको थियो। त्यसअघि महिनौंदेखि अमेरिकाले भेनेजुएलामाथि दबाब बढाइरहेको सन्दर्भमा उक्त टेलिफोन वार्ता भएको हो। पछिल्लो समय ट्रम्पले भेनेजुएलामा कारबाही गर्ने धम्की दिएपछि मदुरोले आफ्नो सुरक्षा व्यवस्था कडा पारेका थिए। सुरक्षा खतरा महसुस गरेर मदुरोले दुई वर्षपछि राजीनामा दिन सहमत भएको समेत भर्खरै सार्वजनिक भएको छ। अमेरिकाले भेनेजुएला छेउछाउ व्यापक सेना परिचालन गरे पनि गोप्य रूपमा अमेरिकी अध...