समाचार

नेपालअखबार, काठमाडौँ । एमबीबीएस तथा बीडीएस इन्टर्न चिकित्सकहरूले निर्वाह भत्ता कार्यान्वयन गर्न माग गरेका छन् । आगामी साउन १८ गतेभित्र चिकित्सा शिक्षा आयोगको पूर्ण बैठकबाट आफ्ना मागहरू निर्णय गरी कार्यान्वयन गर्न अल्टिमेटम दिएका हुन् । एमबीबीएस, बीडीएस इन्टर्न स्टाइपेन्ड एकरूपता अभियानका संयोजक डिल्ली हरिजनले यही साउन १९ सम्म माग सम्बोधन नभए नभए माइतीघरमा अनसन बस्ने घोषणा गरे । प्रधानमन्त्री तथा चिकित्सा शिक्षा आयोगका अध्यक्ष बालेन्द्र शाहलाई सम्बोधन गर्दै बुझाइएको ज्ञापनपत्रमा उनीहरूले सस्मित पोखरेलको अध्यक्षतामा गठित राय–सुझाव कार्यदलले आगामी असार ३० गते पेस गरेको प्रतिवेदन तत्काल कार्यान्वयन गर्न माग गरेका छन् । प्रतिवेदनले इन्टर्न चिकित्सकहरूलाई स्वास्थ्य सेवाको आठौँ तहको प्रारम्भिक तलबमानको ५० प्रतिशत बराबर निर्वाह भत्ता सबै सार्वजनिक तथा निजी शिक्षण संस्थाले अनिवार्य उपलब...

नेपालअखबार, काठमाडौँ । जनता समाजवादी पार्टी (जसपा) नेपालका सांसद मोहम्मद खालिदले देशमा दोहोरिँदै आएका साम्प्रदायिक तनावका घटनाको गहिरो अध्ययन गर्न उच्चस्तरीय जाँचबुझ आयोग गठन गर्न सरकारसँग माग गरेका छन्। शुक्रबार राष्ट्रिय सभाको बैठकमा बोल्दै उनले यस्तो माग गरेका हुन्। साम्प्रदायिक उन्माद कुनै पनि समाज र राष्ट्रका लागि घातक हुने चेतावनी उनले दिए। सुनसरी र सिरहासहित मधेसी जिल्लामा उत्पन्न तनाव कम गर्न राज्यको प्रतिक्रियामा ढिलाइ भएको टिप्पणी उनले गरे। सरकारले अहिले देखाइरहेको संवेदनशीलता दुई दिनअघि नै देखाएको भए अवस्था यति जटिल नबन्न सक्ने उनको दाबी छ। सांसद खालिदले सत्तारुढ राष्ट्रिय स्वतन्त्र पार्टीका सभापति रवि लामिछानेले सामाजिक सद्भाव कायम गर्न खेलेको भूमिकाको प्रशंसा गर्दै उनलाई धन्यवादसमेत दिए। तराई मधेस क्षेत्रमा बारम्बार यस्ता घटना दोहोरिनुको कारणबारे गम्भीर अनुसन्धान आवश्...

नेपालअखबार, विराटनगर । मोरङको रतुवामाई नगरपालिका–१० सोमबारेबाट शुक्रबार दिउँसो १ हजार ३३ किलो गाँजा बरामद भएको छ । उर्लाबारीबाट आमबारीतर्फ जाँदै गरेको को १ ख ४३७३ नम्बरको मिनी ट्रकबाट नेपाल प्रहरी र सशस्त्र प्रहरीको संयुक्त टोलीले गाँजा नियन्त्रणमा लिएको हो । इलाका प्रहरी कार्यालय सिजुवा र सशस्त्र प्रहरी बल चुनीबारीको टोलीले दिउँसो साढे २ बजेतिर उक्त परिमाणको गाँजा बरामद गरेको मोरङ प्रहरीले जनाएको छ । प्रहरीले चालक धनकुटाको पाख्रीबास नगरपालिका–९ का अन्दाजी २८ वर्षीय उमेश तामाङलाई पक्राउ गरेको छ ।...

नेपालअखबार, काठमाडौँ। नेपाली कम्युनिस्ट पार्टी(नेकपा)ले गत भदौमा भएको जेनजी आन्दोलनको क्रममा जलेको केन्द्रीय कार्यालय बनाउने भएको छ। शुक्रबार पार्टी केन्द्रीय कार्यालय पेरिसडाँडामा बसेको बैठकले पार्टी कार्यालय बनाउने निर्णय गरेको हो।केन्द्रीय कार्यालय चन्दा नउठाई बनाउने निर्णय भएको नेता देवेन्द्र पौडेलले बताए।‘केन्द्रीय कार्यालय चन्दा नउठाई बनाउने निर्णय भएको छ। पार्टी पङ्क्तिबाट व्यवस्थित कार्यालय बनाउन आह्वान गर्ने भनिएको छ’, पौडेलले भने।...

नेपालअखबार,सप्तरी ।  सप्तरीको राजविराजमा कर्फ्यु आदेश जारी भएको छ। सप्तरीका प्रमुख जिल्ला अधिकारी श्याम कृष्ण थापाले शुक्रबार बिहान  ८ बजेदेखि लागू हुने गरी राजविराज क्षेत्रमा अनिश्चितकाली कर्फ्यु आदेश जारी गरेका हुन्। राजविराज नगरपालिकाभित्र पूर्वमा खाडो खोला, पश्चिममा हुलाकी राजमार्गको जमुनी थलही, उत्तरमा रूपनी रोडको बसविट्टी चोक र दक्षिणमा विष्णुपुर गाउँपालिकाको कोशी पश्चिम मूल नहरसम्म चार किल्ला तोकेर कर्फ्यु आदेश जारी गरिएको हो। जिल्लाको पछिल्लो सुरक्षा स्थितिको विश्लेषणका आधारमा आन्दोलन वा हुलदंगा भई शान्ति सुरक्षा भंग हुन जान देखिएकाले कर्फ्यु जारी गरिएको प्रशासनले जनाएको छ। जिल्ला सुरक्षा समितिको शुक्रबार नै बसेको बैठकले कर्फ्यु आदेश जारी गर्ने निर्णय गरेको थियो कर्फ्यु अर्को आदेश नभएसम्म जारी रहने प्रजिअ थापाले जानकारी दिएका छन्। कर्फ्यु आदेश उल्लंघन गरिए नियमानुसार...

नेपालअखबार,काठमाडौँ ।  पाकिस्तानको ब्रोड पिक हिमाल आरोहणका क्रममा विश्वप्रसिद्ध नेपाली आरोही निर्मल पुर्जासहित १० जना आरोही सम्पर्कविहीन भएका छन्। बिहीबार दिउँसोको हिमपहिरोमा परी पुर्जा नेतृत्वको १० सदस्यीय आरोहीको टोली सम्पर्कविहीन भएको भनेर पाकिस्तानी मिडिया र केही अन्तर्राष्ट्रिय सञ्चारमाध्यमहरूले समाचार लेखेका छन्। हिमपहिरोपछि अन्तर्राष्ट्रिय आरोही टोलीसँग उनीहरूको सम्पर्क विच्छेद भएको पाकिस्तानको पर्वतारोहरण सम्बन्धी संस्था अल्पाइन क्लब अफ पाकिस्तानलाई उद्धृत गरेर बिबिसीले लेखेको छ। कराकोरम पर्वतशृंखलाको ८,०४७ मिटर अग्लो ब्रोड पिकमा आरोहण गरिरहेको टोलीमा पाकिस्तान, अमेरिका, चीन, ओमान र नेपालका पर्वतारोही सहभागी रहेको अमेरिकी टेलिभिजन नेटवर्क सिएनएनले लेखेको छ। प्रारम्भिक विवरणअनुसार टोलीमा पाँच नेपाली, एक अमेरिकी, एक चिनियाँ, एक ओमानी र अन्य सदस्य रहेका छन्। टोलीका नेता पु...

नेपालअखबार,काठमाडौँ ।  प्रधानमन्त्री बालेन शाहले मधेसकेन्द्रित दलका नेताहरूसँग सिंहदरबारमा छलफल गरेका छन्। प्रधानमन्त्री शाहले आज प्रधानमन्त्री तथा मन्त्रिपरिषद कार्यालयमा मधेसबाट प्रतिनिधित्व गर्ने विभिन्न राजनीतिक दलका नेताहरूसँग छलफल गरेको उनको सचिवालयले जानकारी दिएको छ। ‘प्रधानमन्त्रीज्यूले मधेसबाट प्रतिनिधित्व गर्ने विभिन्न राजनीतिक दलका नेताहरूसँग छलफल सुरू गर्नुभएको छ,’ सचिवालयले भनेको छ, ‘प्रधानमन्त्री तथा मन्त्रिपरिषद्को कार्यालयमा जारी छलफलमा सुनसरीलगायत मधेसका केही जिल्लामा उत्पन्न तनाव समाधानबारे छलफल भइरहेको छ।’ छलफलमा जनमत पार्टीका अध्यक्ष सिके राउन, जसपाका अध्यक्ष महन्थ ठाकुर, राष्ट्रिय मुक्ति पार्टीका अध्यक्ष राजेन्द्र महतो, लालबाबु राउत, समिम मियाँ अन्सारी, राम के शर्मा, आम जनता पार्टीका अध्यक्ष प्रभु शाह, रास्वपा सांसद अमरेशकुमार सिंह, शरतसिंह भण्डारी, जयकान्त रा...

नेपालअखबार,सुनसरी ।  सुनसरीको देवानगञ्ज घटनामा ज्यान गुमाएकाहरुका परिवार र सरकारबीच ७ बुदे सहमति भएसगै परिवारले शव बुझ्ने भएका छन। कप्तानगञ्जमा आइतबार  भएको गोलीकाण्डका पीडितसग वार्ता गर्न गृहमन्त्री सुधन गुरुङ मध्यरातमा देवानगन्ज पुगेका थिए। रातभरि चलेको वार्तापछि सरकार र पीडित पक्षबीच ७ बुँदे सहमति भएको हो। सहमति पत्रमा  शुक्रबार बिहान ५ बजे दुवै पक्षले हस्ताक्षर गरेको गाउँपालिका अध्यक्ष वेचन मेहताले जानकारी दिए। सम्झौतापत्रमा गृहमन्त्री सुधन गुरुङ र मृतकका तर्फबाट ओमप्रकाश मेहताका बुबा कुशदेव मेहता तथा जयप्रकाश मेहताका बुबा नरेश मेहताले हस्ताक्षर गरेका छन् । सहमति भएसँगै  परिवारले अस्पतालमा रहेका मृतक ओमप्रकाश र जयप्रकाशको शव बुझ्ने भएका छन्। सहमति अनुसार  मृतक दुवै जनालाई शहीद घोषणा गर्न सरकारले तत्काल प्रक्रिया थाल्नेछ। साथै, दुवै परिवारलाई जनही १० लाख  रूपैयाँ रा...

नेपालअखबार,काठमाडौँ । अमेरिकी राष्ट्रपति डोनाल्ड ट्रम्पले गजाको सशस्त्र समूह हमासले हतियार बुझाएर त्यहाँको शासन छाड्न सहमति गरेको दाबी गरेका छन्। ट्रम्पले बिहीबार ट्रुथ सोसलमार्फत हमास र गजाका अन्य सबै सशस्त्र समूहले हतियार बिसाउन सहमति गरेको दाबी गरेका हुन्। 'बोर्ड अफ पिसले आज हमास र गाजाका अन्य सबै सशस्त्र समूहको पूर्ण निःशस्त्रीकरणका लागि ऐतिहासिक सहमति गरेको छ। यो दिगो शान्ति र सुरक्षातर्फको एउटा स्मरणीय कदम हो,' ट्रम्पले लेखेका छन्। उनले निःशस्त्रीकरण पूरा भएपछि गाजामा नयाँ प्यालेस्टिनी सरकारले शासन गर्ने र इसराइलले पनि आफूले चाहेको सुरक्षा प्राप्त गर्ने बताएका छन्। गजामा दीर्घकालीन शान्ति स्थापनाका लागि कतार, टर्की र इजिप्टको मध्यस्थतामा महिनौंसम्मको वार्तापछि हमासले सम्झौताको सर्त स्वीकार गरेको भनेर अमेरिकी अनलाइन एक्सियसले लेखेको छ। यो सम्झौता अनुसार हमास गजाको शासनब...

नेपालअखबार, गण्डकी । गण्डकी प्रदेशसभाको बैठक आज दिउँसो २ः०० बजे बस्दैछ । गत असार २५ गते स्थगन भएको प्रदेशसभा बैठक आज बस्न लागेको हो । आजको बैठकमा प्रदेश प्रमुख डिल्लीराज भट्टबाट प्रदेशसभामा फिर्ता आएको औषधिजन्य तथा औद्योगिक प्रयोजनका लागि गाँजाखेतीलाई नियमन तथा उपयोग गर्ने सम्बन्धमा बनेको विधेयक पुनर्विचारका लागि पेस हुने  सम्भावित कार्यसूची प्रदेशसभा सचिवालयका सचिव गोविन्द पौडेलले जानकारी दिए ।‘प्रदेश प्रमुखबाट उक्त विधेयक फिर्ताका सम्बन्धमा पठाउनुभएको सन्देश प्रदेशसभामा प्रस्तुत हुन्छ, शून्य समयमा प्रदेशसभा सदस्यज्यूहरुले समसामयिक विषयमा धारणा राख्ने बैठकको कार्यसूची छ’, उनले भने । गत असार २५ गते प्रदेशसभाबाट पारित गाँजाखेतीसम्बन्धी विधेयक प्रदेश प्रमुख भट्टले पुनर्विचारका लागि गत शुक्रबार प्रदेशसभामा फिर्ता पठाएका थिए ।...