विश्व

नेपालअखबार, वासिङ्टन डिसी । अमेरिकी सेनाले इरानमाथि ‘आत्मरक्षा’ का लागि भन्दै हवाई आक्रमण गरेको छ। यसका साथै खाडी मुलुकहरू र पानीजहाजलाई लक्षित गरी इरानले प्रहार गरेका ब्यालेस्टिक क्षेप्यास्त्र तथा ड्रोनहरूलाई बिचमै खसालिदिएको दाबी अमेरिकी पक्षले गरेको छ। स्ट्रेट अफ होर्मुजमा अवस्थित क्युशम टापुमा अमेरिकी सेनाले गरेको यो हमला मध्यपूर्वभर इरानले गर्न खोजेको आक्रमणको जवाफ भएको अमेरिकी सेन्ट्रल कमाण्ड (सेन्टकम) ले जनाएको छ। यता इरानले भने बदलास्वरुप एक ‘क्षेत्रीय मुलुक’ मा रहेका अमेरिकी सैन्य अखडा र हेलिकप्टरहरूमा क्षेप्यास्त्र तथा ड्रोनमार्फत आक्रमण गरेको दाबी गरेको छ। सेन्टकमका अनुसार तेहरानले कुवेततर्फ दुई र बहराइनतर्फ तीनवटा क्षेप्यास्त्र प्रहार गरेको थियो। तीमध्ये केही बाटोमै खसेका थिए भने केहीलाई आकाशमै ध्वस्त पारिएको थियो। महिनौँदेखि जारी युद्ध अन्त्य गर्ने विषयमा भएको युद्धविर...

नेपालअखबार, बेरुत । इजरायली सेनाले दक्षिण लेबनानमा रहेको ऐतिहासिक एवं रणनीतिक रूपमा महत्त्वपूर्ण बोफोर्ट किल्ला आफ्नो नियन्त्रणमा लिएको छ । इजरायलका प्रधानमन्त्री बेन्जामिन नेटन्याहुले हिजबुल्लाहविरुद्धको सैन्य अभियानमा यसलाई एउटा ‘निर्णायक परिवर्तन’ को रूपमा वर्णन गरेका छन् । इजरायली स्थल सेना आफ्नो सुरुवाती सिमारेखा लिटानी नदीभन्दा निकै अगाडि बढेर लेबनानी भू-भागको गहिराइसम्म पुगेका बेला यो सफलता मिलेको हो । इजरायलको यो पछिल्लो सैन्य परिचालन र द्वन्द्व बढाउने कार्यको बेलायत, फ्रान्स र जर्मनीले कडा आलोचना गरेका छन् । यसैबिच, इजरायल डिफेन्स फोर्सेज (आईडीएफ) ले दक्षिण लेबनानको ठुलो क्षेत्रका बासिन्दाहरूलाई तत्काल सुरक्षित स्थानमा जान चेतावनी दिएको छ । लेबनानका प्रधानमन्त्रीले भने इजरायलले सर्वसाधारणमाथि ‘सामूहिक सजाय’ दिने काम गरिरहेको आरोप लगाएका छन् । इजरायलले हालैका दिनहरूमा जहरा...

नेपालअखबार,काठमाडौँ । अमेरिका-इरान युद्ध अन्त्य गर्ने प्रारम्भिक सम्झौता हुन लागेपछि तेल र ग्यास बोकेका जहाजहरू स्ट्रेट अफ हर्मुज पार गर्न थालेका छन्। पछिल्ला दिनमा तीनवटा तरल प्राकृतिक ग्यास (एलएनजी) बोकेका जहाज हर्मुज भएर पाकिस्तान, चीन र भारततर्फ प्रस्थान गरेको भनेर जहाज ट्र्याकिङ तथ्याङकको हवाला दिंदै समाचार संस्था रोयटर्सले जनाएको छ। साथै, झन्डै तीन महिनादेखि अलपत्र परेको इराकी कच्चा तेल बोकेको एउटा ठूलो जहाज पनि चीनतर्फ लागेको छ। यी जहाजहरू खाडी क्षेत्रबाट यसै महिना बाहिरिएका केही ठूला जहाजको जस्तै इरानले निर्देशन दिएको मार्ग प्रयोग गरेर निस्केका हुन्।  गत हप्ता कूल ६० लाख ब्यारेल कच्चा तेल बोकेका तीनवटा ठूला जहाजहरू चीन र दक्षिण कोरियातर्फ लागेका थिए। अमेरिका-इरान सम्झौता हुने सम्भावना बढेसँगै हर्मुज पार गरेर तेल बोकेका जहाज बाहिरिन थालेपछि पछिल्ला दिनमा कच्चा तेलको अन्तर्र...

नेपालअखबार, काठमाडौँ । स्ट्रेट अफ हर्मुजबाट आवतजावत गर्ने जहाजहरूबाट शुल्क लिने विषयमा इरान र ओमानबीच छलफल भइरहेको खुलेको छ। अमेरिकाको चेतावनीका बाबजुद इरान र ओमानले हर्मुजमा जहाजहरूबाट शुल्क लिने विषयमा छलफल गरेको भनेर अमेरिकी अखबार द न्युयोर्क टाइम्सले जनाएको छ। इरानले हर्मुजमा जहाजहरूबाट शुल्क उठाउन यसअघि पर्सियन गल्फ स्ट्रेट अथोरिटी (पिजिएसए) नामको समुद्री नियामक निकाय नै गठन गरेको थियो। पिजिएसएले जहाजहरूलाई अनिवार्य ‘भेसल इन्फरमेसन डिक्लेरेसन’ फाराम भर्नुपर्ने, फारममा जहाजको नाम, पहिचान नम्बर, पुरानो नाम, झण्डा बोकेको देश, गन्तव्य, कार्गो विवरण, जहाज मालिक र चालक दलको राष्ट्रियतासम्म खुलाइनुपर्ने भनेको थियो। ती सबै विवरण सम्बन्धित जहाजहरूले हर्मुज पार गर्नुअघि नै इमेलमार्फत पठाउनुपर्ने भनेको थियो। हर्मुजमा अमेरिकाको पनि नाकाबन्दी कायम रहेकाले इरानले निकाय नै बनाए पनि त्...

नेपालअखबार,काठमाडौँ ।  इरानका सर्वोच्च नेता मोज्तबा अली खामेनीले उच्च प्रशोधित युरेनियम देशबाहिर नपठाउन निर्देशन दिएको खुलेको छ। उच्च प्रशोधित युरेनियम इरान-अमेरिका वार्ताको सबैभन्दा बढी विवाद र पेचिलो विषय बन्दै आएको छ। दुई वरिष्ठ इरानी स्रोतहरूलाई उद्धृत गर्दै अन्तर्राष्ट्रिय समाचार संस्था रोयटर्सले युरेनियम तेहरानबाट बाहिर नपठाउन भनेर खामेनीले निर्देशन दिएको जनाएको छ। इरानसँग झन्डै ४०० किलो उच्च प्रशोधित युरेनियम छ। अमेरिका र इसराइलले त्यो युरेनियम इरानले राख्न नपाउने सर्त राख्दै आएको छ। अमेरिकी राष्ट्रपति ट्रम्पले त उच्च प्रशोधित युरेनियम इरानले वाशिङ्टनलाई हस्तान्तरण गर्नुपर्ने पनि बताएका थिए। तर खामेनीले देशभित्रै राख्न निर्देशन दिएपछि लामो समयदेखि अवरूद्ध इरान-अमेरिका वार्ता थप जटिल बन्ने संकेत देखिएको भनेर रोयटर्सले लेखेको छ। यसले ट्रम्पको मुख्य मागलाई पनि चुनौती ...

नेपालअखबार, काठमाडौं । अमेरिकाका विदेशमन्त्री मार्को रुबियो भारत आउने भएका छन् । रुबियोको भारत भ्रमण शनिबारदेखि सुरू हुँदैछ । ‘आकाशवाणी’ का अनुसार विदेशमन्त्री रुबियो चार दिने भारत भ्रमणमा आउन लागेका छन् । भ्रमणका दौरान उनी दिल्ली, जयपुर, कोलकाता र आगरा जाने कार्यक्रम तय भएको छ । भ्रमण अघि रुबियोले भारत अमेरिकाको ‘एक महत्वपूर्ण सहयोगी र साझेदार’ भएको बताएका छन् । भारतका साथ कयौं मुद्दाहरूमा काम गर्नुपर्ने उनको भनाइ छ । बीबीसीका अनुसार मिडियासँग कुरा गर्दै रुबियोले भनेका छन्, ‘हामी भारतले खरिद गर्न चाहेजति एनर्जी बेच्न चाहन्छौं । अमेरिका यतिबेला उत्पादन र निर्यातको ऐतिहासिक स्तरमा छ । हामी यसलाई अझै बढाउन चाहन्छौं ।’होर्मुज स्ट्रेटमा आवतजावत बन्द रहेका कारण संसारभर ऊर्जा संकट जारी छ । भारतमा पनि त्यसको असर देखिएको छ । यद्यपि, भारत सरकारले देशमा पर्याप्त इन्धन मौजदात रहेको दाबी गर्दै आएको...

नेपालअखबार,वासिङ्टन डीसी । अमेरिकी संसदमा जन्मजात अमेरिकी भएकाले मात्रै सरकारका ठुला पदमा बस्न पाउने प्रस्ताव ल्याइएको छ । प्राकृतिक रूपमा अमेरिकी नागरिकता पाएका व्यक्तिलाई सत्तामा रोक्ने यस कानुनलाई लिएर बहस सुरु भएको छ । रिपब्लिकन सांसद नेन्सी मेसले संवैधानिक संशोधनको प्रस्ताव पेस गरेकी छिन् । यसमा प्राकृतिक रूपमा अमेरिकी नागरिक बनेकाहरूलाई अमेरिकी कांग्रेस तथा सङ्घीय सरकारका उच्च पदमा बस्न रोक लगाउन माग गरिएको छ । दक्षिण क्यारोलिनाबाट निर्वाचित सांसद मेसले बुधबार आफ्नो प्रस्ताव सार्वजनिक गर्दै केही डेमोक्रेट सांसदहरूलाई प्रत्यक्ष रूपमा लक्षित गरेकी थिइन् । उनले विशेष रूपमा इल्हान उमर, प्रमिला जयपाल र श्री थानेदारको नाम उल्लेख गर्दै उनीहरू जन्मँदै अमेरिकी नागरिक नभएको र अहिले अमेरिकी कांग्रेसमा बसेर कानुन बनाइरहेको टिप्पणी गरेकी थिइन् । उनीहरूमाथि मेसले अमेरिकाभन्दा अन्य देशप्रति ब...

नेपालअखबार,काठमाडौं । इरानविरुद्ध सञ्चालित ‘अपरेसन एपिक फ्युरी’ मा अमेरिकाले ठूलो हवाई क्षति बेहोरेको छ । अमेरिकी कङ्ग्रेसको रिपोर्टअनुसार यस युद्धमा अमेरिकी सेनाका ४२ वटा एयरक्राफ्ट र ड्रोन ध्वस्त वा गम्भीर रूपमा क्षतिग्रस्त भएका छन् । अमेरिकी रक्षा मन्त्रालयले यसअघि नै युद्धमा कुल साढे ४ खर्ब खर्च भइसकेको जनाएको छ । कस्तो-कस्तो विमानमा भयो क्षति ? नष्ट भएका विमानहरूमध्ये ६ वटा फाइटर र अट्याक जेट रहेका छन् । जसमा एक एफ-३५, चार एफ-१५ई स्ट्राइक इगल र एक ए-१० थन्डरबोल्ट-२ समावेश छन् । अप्रिलको सुरुवातमै इरानले अमेरिकाको एउटा एफ-१५ई जेट खसालेको थियो । सबैभन्दा बढी क्षति ड्रोनतर्फ भएको छ । कुल २५ वटा ड्रोन ध्वस्त भएका छन्, जसमा २४ वटा एमक्यु-९ रिपर र एउटा एमक्यु-४सी ट्राइटन छन् । यसबाहेक अन्य ११ वटा विमान पनि पूर्ण रूपमा नष्ट वा क्षतिग्रस्त भएका छन् । इरानमा सत्तापलटको योजना न्...

नेपालअखबार,काठमाडौं । तेलले भरिएका दुई वटा चिनियाँ पानीजहाज बुधबार स्ट्रेट अफ हर्मुजबाट निस्किएपछि अमेरिका-इरान युद्ध चाँडै अन्त्य हुन सक्ने आशा पलाएको छ। अमेरिकी राष्ट्रपति डोनाल्ड ट्रम्पले मंगलबार युद्ध 'धेरै चाँडै' समाप्त हुने बताएका थिए भने उपराष्ट्रपति जेडी भान्सले सम्झौताका लागि इरानसँग भइरहेको वार्तामा प्रगति भइरहेको जनाएका थिए। यस्तो बेलामा इराकी तेल बोकेका दुई चिनियाँ पानीजहाज हर्मुजबाट बाहिरिएपछि युद्ध अन्त्य हुने आशा बढेको रोयटर्सले जनाएको छ। यस्तो सकारात्मक संकेतका कारण कच्चा तेलको अन्तर्राष्ट्रिय मूल्यमा ह्वात्तै गिरावट आएको छ। यसअघि ट्रम्पले वार्तालाई अर्को मौका दिनका लागि मंगलबारदेखि इरानमाथि आक्रमण गर्न बनाएको योजना रोकेको बताएका थिए। अमेरिकी अनलाइन एक्सियससँग आइतबार टेलिफोन कुराकानी गर्दै समय घर्किँदै गइरहेको र इरानले सम्झौताका लागि अझ राम्रो प्रस्ताव लिएर नआए ...