विश्व

नेपालअखबार, काठमाडौँ । साउदी अरबको सरकारी तेल कम्पनी साउदी अरामकोको पूर्वी सहर धहरानस्थित प्रशासनिक भवनमा मिसाइल आक्रमण भएको छ। आक्रमणबाट भवनको केही भागमा आगलागी भएको साउदी ऊर्जा मन्त्रालयले जनाएको छ। घटनामा मानवीय क्षति भने नभएको साउदीको ऊर्जा मन्त्रालयलाई उद्धृत गर्दै अन्तर्राष्ट्रिय समाचार संस्था रोयटर्सले लेखेको छ। ऊर्जा मन्त्रालयले बुधबार जारी गरेको विज्ञप्तिमा मंगलबार राति भएको घटनापछि अधिकारीहरूले आवश्यक कदम चालेको जनाएको छ। रोयटर्सका अनुसार अरामकोको मुख्य परिसरमा ब्यालिस्टिक मिसाइल प्रहार भएको थियो। कम्पनीका एक अधिकारीले परिसरमा रहेको कार्यालय भवनका माथिल्ला तीन तलामा क्षति पुगेको बताएका छन्। घटनाबारे जानकार अन्य दुई व्यक्तिले पनि भवनमा आगलागी भएको बताएका थिए। अरामकोको उक्त परिसरमा कम्पनीको प्रमुख सञ्चालन केन्द्र छ। यसले कम्पनीका स्थल तथा समुद्रमा रहेका तेल उत्खनन...

नेपालअखबार,काठमाडौं । अमेरिकी विदेशमन्त्री मार्को रुबियो १७ देखि २२ अक्टोबरसम्म उज्बेकिस्तान र भारतको भ्रमणमा जाने भएका छन्। अमेरिकी विदेश मन्त्रालयले जारी गरेको विज्ञप्ति अनुसार रुबियोले भारतको मुम्बई र जामनगरको भ्रमण गर्नेछन्। उज्बेकिस्तानमा विदेशमन्त्री रुबियोले ‘सीफाइव प्लस वन’ मन्त्रीस्तरीय बैठकमा भाग लिनेछन्। अमेरिकी विदेश मन्त्रालयका अनुसार, “उज्बेकिस्तानमा विदेशमन्त्री रुबियो ‘सीफाइव प्लस वन’ मन्त्रीस्तरीय बैठकमा सहभागी हुनुहुनेछ। यो कूटनीतिक मञ्चमार्फत हुने रणनीतिक सहयोगले अमेरिका र मध्य एसियाली देशहरूका लागि अझ शान्तिपूर्ण र समृद्ध भविष्यलाई प्रवर्द्धन गर्छ भन्ने कुरामा जोड दिनु यसको उद्देश्य हो।” रुबियोले उज्बेकिस्तान, काजाकिस्तान, ताजाकिस्तान, तुर्कमेनिस्तान र किर्गिजस्तानका वरिष्ठ अधिकारीहरूसँग द्विपक्षीय बैठकहरूमा पनि भाग लिनेछन्। यो ऐतिहासिक भ्रमणमा उनले २०० भन्दा बढी ...

नेपालअखबार,काठमाडौं । साउदी अरबले राजधानी रियादस्थित किङ खालिद अन्तर्राष्ट्रिय विमानस्थलमा हुथी विद्रोहीले गरेको घातक आक्रमणको विषयमा अनुसन्धान थालेको छ । हुथीले प्रहार गरेको क्षेप्यास्त्रलाई हवाई प्रतिरक्षा प्रणालीले किन रोक्न सकेन भन्ने विषयमा अनुसन्धान केन्द्रित रहेको अन्तर्राष्ट्रिय सञ्चारमाध्यमले जनाएका छन् । इरानसमर्थित हुथी विद्रोहीले रियादस्थित किङ खालिद अन्तर्राष्ट्रिय विमानस्थलमा गरेको आक्रमणबाट कम्तीमा १३ जनाको मृत्यु भएको छ । ३०० भन्दा बढी घाइते छन् । प्रारम्भिक अनुसन्धानले हुथी विद्रोहीले पहिले धेरै ड्रोन प्रहार गरेर त्यसपछि क्रुज र ब्यालिस्टिक क्षेप्यास्त्र प्रहार गरेको देखिएको छ । यमनबाट प्रहार गरिएका ड्रोन र क्षेप्यास्त्रले एक हजार किलोमिटरभन्दा बढी दूरी पार गरेर रियाद विमानस्थललाई निशाना बनाएका थिए । अनुसन्धानले आक्रमणको पूर्वसूचना हवाई प्रतिरक्षा प्रणालीले किन दि...

नेपालअखबार,काठमाडौँ।  साउदी अरबमा हुथी विद्रोहीले लगातार हमला गरिरहेका छन्। पछिल्लो एक सातामा पाँचवटा विमानस्थलमा कम्तीमा १० पटक आक्रमण भएको अन्तर्राष्ट्रिय सञ्चारमाध्यमहरूले जनाएका छन्। राजधानी रियादको अन्तर्राष्ट्रिय विमानस्थलमा मात्रै पटकपटक आक्रमण भएको छ। पूर्वी सहर दमामको विमानस्थल र साउदी अरबको प्रमुख तेल कम्पनी अराम्कोका केन्द्र पनि निशानामा परेको हुथी समूहको दाबी छ। आइतबार रियाद विमानस्थलको टर्मिनल ४ मा भएको आक्रमणमा एक जनाको मृत्यु भएको छ। आक्रमणमा ११ जना घाइते भएको अन्तर्राष्ट्रिय समाचार संस्था रोयटर्सले जनाएको छ। त्यसको अघिल्लो दिन शनिबार भएको आक्रमणमा १३ जनाको मृत्यु र ३०० भन्दा बढी घाइते भएको साउदी अधिकारीहरूले जनाएका थिए। एक साताभित्र रियाद विमानस्थलमा भएका आक्रमणमा मृत्यु हुनेको सङ्ख्या १८ पुगेको रोयटर्सले जनाएको छ। आक्रमणको जिम्मेवारी यमनका इराननिकट हुथी व...

नेपालअखबार,काठमाडौं । साउदी अरबको राजधानी रियादस्थित अन्तर्राष्ट्रिय विमानस्थलमा शनिबार भएको आक्रमणमा कम्तीमा १२ जनाको मृत्यु भएको छ। आक्रमणमा परी कम्तिमा ३०९ जना घाइते भएको साउदीको नागरिक उड्डयन प्राधिकरणलाई उद्धृत गर्दै अन्तर्राष्ट्रिय समाचार संस्था रोयटर्सले लेखेको छ। मृत्यु हुनेहरूमा ४ जना साउदी नागरिक, बंगलादेशका दुई र अमेरिका, जोर्डन, प्यालेस्टाइन, सिरिया, सुडान तथा इजिप्टका एक–एक जना नागरिक रहेको प्राधिकरणले जनाएको छ। इरान समर्थित हुथी विद्रोहीले तेस्रोपटक विमानस्थलमा आक्रमण गरेका हुन्। यो हमलालाई पछिल्लो एक दशकभन्दा बढी अवधिमा साउदी अरबमा भएको यो सबैभन्दा घातक आक्रमण भनिएको छ। आक्रमणको पूर्वचेतावनी नदिइएको र घाइतेलाई एम्बुलेन्स तथा हेलिकप्टरमार्फत अस्पताल पुर्‍याइएको अधिकारीहरूले बताएका छन्। घाइतेहरू केहीको अवस्था गम्भीर छ। आक्रमणपछि रियाद विमानस्थल बन्द गरिएको...

नेपालअखबार,काठमाडौं । मध्य अमेरिकी देश पानामामा ७.७ म्याग्निच्युडको शक्तिशाली भूकम्प गएको छ । शुक्रबार गएको भूकम्पका कारण राजधानी पानामा सिटीसम्म धक्का महसुस भएको छ भने विभिन्न स्थानमा भवन, सडक र पुलमा क्षति पुगेको छ । अमेरिकी भूगर्भ सर्वेक्षण (यूएसजीएस) का अनुसार स्थानीय समयअनुसार शुक्रबार दिउँसो १ः५६ बजे भूकम्प गएको हो । यसको केन्द्रबिन्दु राजधानी पानामा सिटीबाट केही घण्टाको दूरीमा रहेको अजुएरो प्रायद्वीपको पितालोसा अरिबा क्षेत्रबाट करिब ९ माइल दक्षिणपश्चिममा थियो । भूकम्पपछि शक्तिशाली परकम्पसमेत गएका छन् । दिउँसो ४ः२५ बजे गएको परकम्पको प्रारम्भिक तीव्रता ६.९ म्याग्निच्युड मापन गरिएको थियो । भूगर्भविद्हरूले तत्कालका लागि परकम्पलाई मुख्य जोखिमका रूपमा औँल्याएका छन् । भूकम्पको केन्द्रबिन्दु नजिकै रहेको तटीय सहर एल भेनाओमा अवस्थित एल सिटियो होटल भत्किएको छ । होटल भत्किँदा मानवीय क्...

नेपालअखबार,काठमाडौँ । पूर्वप्रधानमन्त्री इमरान खानको रिहाइ माग्दै पाकिस्तान तहरिक-ए-इन्साफ (पिटिआई) को आन्दोलन चर्किरहेका बेला पाकिस्तानमा चारवटा प्रान्तलाई विभाजन गरेर नयाँ प्रान्त बनाउने बहस अघि आएको छ। प्रशासनिक सुधारको तर्कसहित अघि सारिएको यो प्रस्तावले स्थापित राजनीतिक दलको शक्ति र सेनाको बढ्दो प्रभावबारे प्रश्न उठाएको छ। पाकिस्तानको राजनीतिमा पछिल्ला केही सातादेखि जेलमा रहेका इमरान खानको रिहाइ माग गर्दै उनको दल पिटिआईले गर्ने प्रदर्शन चर्चाको केन्द्रमा छ। सरकार र पिटिआईबीच वार्ता असफल भएपछि अक्टोबर ४ मा खानका समर्थक इस्लामाबादतर्फ मार्चमा निस्किए। राजधानी प्रवेश गर्ने सडकमा कन्टेनर राखेर अवरोध खडा गरियो र सुरक्षा व्यवस्था कडा पारियो। यसले राजनीतिक तनावसँगै यातायात र व्यापारमा समेत असर पारेको समाचार आएका छन्। तर पाकिस्तानको राजनीतिक संकटलाई इमरान खानको रिहाइको माग र सडक प्...

नेपालअखबार, मेक्सिको ।  मेक्सिकोको उत्तरपश्चिमी राज्य सिनालोआस्थित एक जेलमा कैदीहरूबीच झडप हुँदा १० जनाको मृत्यु भएको छ भने अन्य १६ जना घाइते भएका छन्। मृत्यु हुनेमा नौ कैदी र जेलमा भेटघाटका लागि आएका एक बालक रहेका छन्। अलजजिराका अनुसार, सिनालोआ राज्यको मजाटलान सहरस्थित एल कास्टिलो कारागारमा बिहीबार झडप भएको हो। राज्यको सार्वजनिक सुरक्षा सचिवालयले घटनाबारे जानकारी दिँदै घाइते १६ कैदीलाई उपचारका लागि अस्पताल लगिएको जनाएको छ। सिनालोआका सार्वजनिक सुरक्षा सचिव सिनुहे टेलेजले सामाजिक सञ्जालमा सार्वजनिक गरेको भिडियोमा मृत्यु हुने आगन्तुक नाबालक रहेको बताएका छन्। घटनापछि विभिन्न सुरक्षा निकायका सुरक्षाकर्मी परिचालन गरिएको थियो। अधिकारीहरूका अनुसार अहिले जेलको अवस्था नियन्त्रणमा आएको छ र सुरक्षाकर्मी घटनास्थलमै तैनाथ छन्। मृतकका परिवारलाई घटनाबारे जानकारी दिन सामाजिक कार्यकर्ताहरू परिच...

नेपालअखबार,काठमाडौं । इटलीमा चुनावी प्रणाली परिवर्तन गर्ने विवादास्पद विधेयकमाथि आज संसद्को तल्लो सदनमा अन्तिम मतदान हुँदैछ। प्रधानमन्त्री जर्जिया मेलोनी नेतृत्वको सरकारले अघि बढाएको नयाँ चुनावी कानुनमा ४२ प्रतिशत मतको सीमा पूरा गर्ने सबैभन्दा बढी मत पाउने पार्टी वा गठबन्धनलाई संसद्मा १०५ सिटको बोनस दिने प्रस्ताव छ। यो बोनसमा तल्लो सदन चेम्बर अफ डेपुटिजका लागि ७० र माथिल्लो सदन (सिनेट) का लागि ३५ सिट छन्। तर यी सिट संसद्को कुल सङ्ख्यामा थपिने होइनन्। इटलीको संसद्मा रहेका कुल ६०० सिटभित्रैबाट ७० र ३५ सिट बोनसका रूपमा विजयी गठबन्धनलाई दिइनेछन्। विधेयकअनुसार बोनस पाउन एउटै पार्टी वा गठबन्धनले चेम्बर अफ डेपुटिज र सिनेट दुवैमा कम्तीमा ४२ प्रतिशत मत पाउनुपर्छ। ४२ प्रतिशत नपुगेमा वा दुवै सदनमा सबैभन्दा बढी मत पाउने पार्टी वा गठबन्धन फरक भएमा बोनस सिट दिइने छैन र सिट समानुपातिक प्रणालीबाट...

नेपालअखबार,काठमाडौं । फ्रान्समा विद्यार्थीहरुले थप स्रोतसाधनको माग गर्दै थालेको आन्दोलन चर्किंदै जाँदा सयौं उच्च मावि प्रभावित भएका छन् । केही स्थानमा तोडफोड र आगजनीका घटना भएका छन् । साथै कर्मचारी, विद्यार्थी र प्रहरीहरु घाइते भएका छन् । प्रहरीको दंगा नियन्त्रणसम्बन्धी हतियारका कारण युवा प्रदर्शनकारी गम्भीर रूपमा घाइते हुन थालेपछि सरकारको आलोचना पनि बढेको छ । यसबाट राष्ट्रपति इम्यानुएल म्याक्रोनको सरकार दबाबमा परेको बताइएको छ । गृहमन्त्री लरेन्ट नुनेजका अनुसार हालसम्म प्रहरीले ६ हजार १०० भन्दा बढीलाई पक्राउ गरेको छ भने ७१५ जना प्रहरी अधिकारी घाइते भएका छन् । गृहमन्त्री नुनेजले प्रहरीको प्रतिक्रिया लगभग सबै घटनामा परिस्थितिअनुसार उचित रहेको दाबी गरेपछि आक्रोश बढेको बताइएको छ । स्रोत साधनको माग गर्दै सुरु भएको थियो प्रदर्शन फ्रान्सको राष्ट्रिय आदर्श वाक्य ‘स्वतन्त्रता, समानता, भ्रातृत्व...