प्रदेश

काठमाडौं– मकवानपुरको थाहा नगरपालिकाअन्तर्गत पर्ने दामनस्थित एभरेस्ट पानोरमा रिसोर्टमा अचेत अवस्थामा फेला परी उपचारका क्रममा मृत्यु भएका ८ जना भारतीय पर्यटकको पहिचान खुलेको छ । मृत्यु हुनेमा भारत केरेलका रत केरलाका ३८ वर्षीय रन्जित कप, ३४ वर्षीय इन्द्र कप, ३७ वर्षीय प्रवीण, ३२ वर्षीया सरिया, ५ वर्षीय अभी, ७ वर्षीया अर्चना, ५ वर्षीय बैशनव, ९ वर्षीया बन्द्रा रहेका छन् । मंगलबार बिहान अचेत अवस्थामा फेला परेका उनीहरुको उपचारका क्रममा काठमाडौंको धुम्बाराहीस्थित ह्याम्स अस्पतालमा मृत्यु भएको हो । मंगलबार बिहान अचेत अवस्थामा फेला परेपछि ८ जनालाई नै हे‍लिकोप्टरमार्फत उपचारका लागि ह्याम्स अस्पताल पुर्‍याइएको थियो । प्रहरीका अनुसार १५ जनाको समूहमा अघिल्लो हप्ता घुम्नका लागि भन्दै उनीहरु नेपाल आइपुगेका थिए । पानोरमा रिसोर्टमा सुत्दा उनीहरुले ग्यास हिटर प्रयोग गरेका थिए । कोठाका...

मोहसिन अलि मियाँगोरखा । कम्युनिष्ट सरकार नाता र दाताको भुमरीमा फसेको नेपाली काँग्रेसका नेता रामहरी खतिवडाले आरोप लगाएका छन् । नेपाल प्रेस युनियन गोरखाले सोमबार सदरमुकाममा आयोजना गरेको पत्रकार भेटघाट कार्यक्रममा बोल्दै उनले पछिल्लो समय सरकार नातावाद र दातावादमा फसेको बताए । ‘दुईतिहाई सरकारबाट जनताले धेरै अपेक्षा गरेका थिए’ पूर्व साँसद समेत रहेका खतिवडाले भने ‘तर अपेक्षा ठिक उल्टो भइदियो, अहिले सरकार नाता र दाता हेरे अघि बढेको छ ।’ सभामुखको चुन्नका लागि नेकपालाई धौ–धौ भएको बताउदै उनले संसदीय ब्यवस्था समेत असफल बनाउन सरकार स्वयम लागिपरेको बताए । ‘कसका मान्छेलाई सभामुख बनाउने भन्ने किचलोले ४ महिना बित्यो, आफ्नै आन्तरिक किचलोमा सरकार डुब्यो’ उनले भने ‘संसदीय ब्यवस्थाको अपमान सरकार आफैले गर्दैछ ।’ प्रधानमन्त्री केपी शर्मा ओली वालुवाटारबाट शिंहदरबार जान नसक्ने अवस्था सृजना भएको बताउदै खति...

गोरखा । ऐतिहासिक एवं धार्मिक स्थलहरुको संरक्षण र प्रवद्र्धन गर्न माग गर्दै गोरखाका नागरिक समाजले पुरातत्व विभागलाई ज्ञापन पत्र बुझाएका छन । भ्रमण बर्षमा अत्याधिक पर्यटक भित्राउनुपर्ने भन्दै जिल्लाका ऐतिहासिक संरचनाको संरक्षणमा जोड दिन माग गर्दै नागरिक साझा सवाल गोरखाको नेतृत्वमा नागरिक समाजले गोरखा संग्रहालयका प्रमुख नवराज अधिकारी मार्फत पुरातत्व विभागलाई ज्ञापन पत्र बुझाएका हुन् । संयोजक स्थानेश्वर दुवाडीद्धारा हस्ताक्षर गरिएको पत्रमा गोरखा दरवार पुर्ननिर्माणमा भइरहेको लापरवाही र ढिलासुस्तीप्रति ध्यानाकर्षण भएको बताइएको छ । दरवार पुर्ननिर्माणको म्याद सकिदा ४० प्रतिशत पनि काम सम्पन्न हुन नसकेको भन्दै नागरिक साझा सवालले पुरातत्व विभागलाई आवस्यक पहल र ठेकेदार कम्पनीलाई दवाव दिन आग्रह गरेको छ । त्यस्तै भ्रमण बर्षलाई लक्षित गर्दै गोरखा संग्रहालय हप्ताको सातै दिन खुला गर्ने ब्यवस्था मि...

सिरानचोक गाउँपालिका ८ फिनामटारमा एक वृद्धाको घाँटी रेटेर हत्या गरिएको छ । छोराबुहारीसंग अलग्गै बस्दै आएकी ७० बर्षिया मनमाया श्रेष्ठको बुधबार राती धारिलो हतियार प्रयोग गरेर हत्या गरिएको भेटिएकाे जिल्ला प्रहरी कार्यालय गोरखाले जनाएको छ । बुधबार खाना खाएर सुतेकी श्रेष्ठ बिहान ढिलासम्म नउठेपछि छिमेकीले खोज्न जादा मृत भेटेका थिए । बिहान करिब ११ बजे खबर आएपछि इलाका प्रहरी चौकी जौबारीबाट टोली खटाइएको थियो । ‘उहाँ घरमा एक्लै बस्नुहुदो रहेछ, खाना खाएर सुतेको मान्छे बिहान ढिलासम्म नउठेपछि छिमेकीले ढोका फोरेर हेर्दा मृत भेटाएछन’ एसपी ओम प्रसाद अधिकारीले भने ‘घाँटीमा धारिलो हतियार प्रहार भएको देखिन्छ ।’ घटनाको छानबिनका लागि बिहिबार नै जिल्ला प्रहरी कार्यालयबाट समेत इन्सपेक्टर राजु खत्रीको नेतृत्वमा टोली खटाइएको एसपी अधिकारीको भनाई छ । ‘हामीले बिहिबार नै इन्स्पेक्टरको कमाण्डमा टोली पठाएका छ...

माघे सक्रान्ती मेला हेरेर फर्कदा भीरबाट लडेर घाइते भएका एक युवकको मृत्यु भएको छ । शहिद लखन गाउँपालिकाको घैरुङमा मेला हेरेर घर फर्कदै गरेका ताङ्लीचोकका २३ बर्षिय मौसम थापा मगर बुधबार राती बतासे नजिकैको भीरबाट लडेर घाइते भएका थिए । मादक पदार्थ सेवन गरी साथीसंग घर फर्कदै गरेका थापा राती करिब ११ बजे भिरबाट लडेपछि स्थानीयले उद्धार गरेर तांलिचोक स्वास्थ्य चौकी पु¥याएका थिए । शरिरमा घाउचोट नदेखिएपछि होश आउने आशामा उनलाई आफन्त र परिवारले राती नै घर लगेका थिए । घाइते थापाको राती होश आएपनि बिहान एक्कासी समस्या देखिएपछि जिल्ला अस्पताल ल्याइएको थियो । तर अस्पताल पु¥याइए लगत्तै चिकित्सकले उनलाई मृत घोषणा गरेको जिल्ला प्रहरी कार्यालयका एसपी ओम प्रसाद अधिकारीले जानकारी दिए ।...

सत्तारूढ दल नेपाल कम्युनिष्ट पार्टी (नेकपा) का नेता नारायणकाजी श्रेष्ठले सभामुख नेकपाको पक्षमा राख्नका लागि उपसभामुखले राजीनामा दिनुपर्ने बताएका छन् । बुधबार गृहजिल्ला गोरखा आएका श्रेष्ठले पत्रकार भेटघाटका क्रममा सो कुरा बताएका हुन् । ‘संविधानले एउटै पार्टीका सभामुख र उपसभामुख हुन नपाउने व्यवस्था गरेको छ । हाम्रो पार्टी संसद्को सबैभन्दा ठूलो पार्टी भएकाले रिक्त पदमा आफ्नो दाबी गर्नु र सभामुख पद हासिल गर्नु स्वाभाविक हो’ उनले भने ‘त्यसको लागि वर्तमान उपसभामुखले राजीनामा दिएर बाटो खोलिदिनुपर्ने आवस्यक देखिन्छ ।’ सभामुखको निर्वाचन प्रकृया अघि बढाउनका लागि पनि शिवमाया तुम्बाहाम्फेले पदबाट राजिनामा दिनुपर्ने उनको तर्क छ । ‘उहाँले राजीनामा नदिँदासम्म सभामुख हाम्रो पार्टीले पाउने सम्भावनाको अन्त्य हुन्छ’ नेकपाका प्रवक्ता समेत रहेका श्रेष्ठले भने ‘स्वविवेक प्रयोग गरेर पहिला नै पद छोड्न...

शहिद लखन गाउँपालिका ८ मा रहेको राम्चे आधारभुत विद्यालयको ३१ औं बार्षिकउत्सव सम्पन्न भएको छ । विद्यालय ब्यवस्थापन समितिका अध्यक्ष चन्द्र कुमार श्रेष्ठको अध्यक्षतामा भएको कार्यक्रममा गाउँपालिका उपाध्यक्ष इन्दिरा तिवारीको प्रमुख आतिथ्यता रहेको थियो । कार्यक्रम कै अवसर पारेर राम्चे भू.पू. विद्यार्थी मञ्चले अध्ययनरत विद्यार्थीलाई छात्रबृद्धि समेत वितरण गरेको सचिव राजेश श्रेष्ठले जानकारी दिए । सो अवसरमा स्थानीय बुद्धिराम श्रेष्ठले आफ्नी स्वर्गिय बुवा आमाको सम्झनामा विद्यालयमा झम्कसुन्तली स्मृती अक्षय कोषको समेत स्थापना गरेका छन् । कार्यक्रममा विद्यालयमा योगदान पु¥याउने ब्यक्तिहरुलाई सम्मान समेत गरिएको विद्यालयले जनाएको छ । बार्षिकउत्सव समारोहमा शहिद लखन गाउँपालिका ७ का वडाध्यक्ष शरण श्रेष्ठ, ड का वडाध्यक्ष काशीनाथ अम्गाई लगायतले बोलेका थिए ।...

गोरखा नगरपालिका वडा नम्बर १४ मा भएको दोस्रो भट्टबेसी कपको उपाधी सनराईज युथ क्लव जितेको छ । मंगलबार भएको फाइनल खेलमा आयोजक भट्टबेसी युथ क्लव बि समुहलाई २—१ गोल अन्तरले पछि पार्दै सनराइज क्लब तीनकिलोले उपाधी जितेको हो । बिजेता टिमले नगद ३० हजार रुपैयाँसहित ट्रफि मेडल र प्रमाण पत्र पाएको छ भने उपबिजेताले १५ हजार ट्रफि, मेडल र प्रमाणपत्र पाएको हो । प्रतियोगिताको सेमिफाईनमा पुगेका ग्रिनल्याण्ड युथ क्लव ढुङगेटारी र आयोजक टिम भट्टबेसी युथ क्लव ए समुहले नगद पाँच/पाँच हजार रुपैयाँ सहित प्रमाणपत्र प्राप्त गर्न सफल भएका छन् । क्लवका राजेन्द्र ठकुरीको अध्यक्षतामा भएको प्रतियोगिताको समापन कार्यक्रममा बिजेता टिमलाई गोरखा नगरपालिकाका नगरप्रमुख राजनराज पन्तले पुरस्कार बितरण गरेका हुन् । गोरखा नगरपालिका १४ भट्टबेसी मैदानमा २२ गतेदेखि सुरु भएको प्रतियोगितामा २१ टिमको सहभागीता रहेको थियो । प्रत...

२०७२ सालको भूकम्पले भत्काएको ताप्लेको अकला मन्दिर स्थानीयकै सकृयतामा पुर्ननिर्माण भएको छ । गोरखा नगरपालिका १ ताप्लेमा रहेको सो मन्दिर पुर्ननिर्माणका लागि स्थानीयले झण्डै ९ लाख रकम चन्दा मार्फत संकलन गरेका थिए । त्यस्तै मन्दिर निर्माणमा गोरखा नगरपालिकाबाट ५ लाख गरी कुल १४ लाख लागतमा मन्दिर पुर्ननिर्माण भएको हो । मन्दिरको मंगलवार एक कार्यक्रमका बिच गोरखा नगरपालिकाका नगरप्रमुख राजनराज पन्तले उद्घाटन गरे । मन्दिर उद्घाटन गर्दै नगरप्रमुख पन्तले स्थानियको सक्रियतामा मन्दिर निर्माण हुनु गौरबको कुरा भएको भन्दै वडामा हुने अन्य बिकास निर्माणका काममा पनि सक्रिय हुन अनुरोध गरे । धार्मिक र ऐतिहासिक संरचनाको संरक्षणमा नगर जुटेको भन्दै पन्तले यसैबाट पर्यटन प्रवद्र्धन हुने विश्वास समेत ब्यक्त गरे । कार्यक्रमकै अवसरमा मन्दिर पुर्ननिर्माणमा सहयोग गर्ने चन्दादातालाई सम्मान समेत गरिएको छ । मन्दिर...