राजनीति

नेपालअखबार, काठमाडाैं । प्रतिनिधि सभा बैठक आज बस्दै छ । बैठक दिउँसो १ बजे बस्ने संसद् सचिवालयले जनाएको छ । बैठकमा सञ्चार तथा सूचना प्रविधिमन्त्री ज्ञानेन्द्र बहादुर कार्कीले राष्ट्रिय सभाको सन्देश सहितको ‘नेपाल मिडिया काउन्सिल विधेयक, २०७६ माथि विचार गरियोस् भनी प्रस्ताव प्रस्तुत गर्ने सम्भावित कार्यसूची छ । त्यसैगरी कानून, न्याय तथा संसदीय मामिला मन्त्री गोविन्द प्रसाद शर्माले ‘वेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन) विधेयक, २०७९ लाई दफावार छलफलका लागि समितिमा पठाउन प्रस्ताव प्रस्तुत गर्ने कार्यसूची रहेको छ ।...

नेपालअखबार, काठमाडौं । राष्ट्रियसभाका सदस्य मोहम्मद खालिदले वैवाहिक अंगीकृतलाई नागरिकता दिने बित्तिकै राष्ट्र नै खतरामा पर्छ भन्ने मानसिकता रहेको भन्दै यो दुःखद रहेको बताएका छन् । बिहीबार राष्ट्रियसभामा नागरिकता विधेयकमाथि छलफलमा भाग लिँदै उनले नेपालमा अवसरको अभावको कारण देखाउँदै अहिले भारतीयहरु नेपालीलाई छोरी दिन नै नमान्ने समस्या रहेको बताए। ‘अहिले भारतीयहरु नेपालमा बिहे गर्न खोजेकै छैनन्, समस्या यहाँ छ,’ खालिदले भने, ‘उनीहरुको भनाइ छ– तिमीकहाँ जागिर छैन । खेती छैन। समस्या नै समस्या छ । कुनै अवसर छैन । आफ्नो छोरी दिएर उसको भविष्य किन बिगार्ने ?’ ‘समस्या यहाँ छ कि नेपालीलाई भारतीयहरुले आफ्नो चेलिबेटी दिन मानिरहेको छैन । हामीलाई के लागिरहेको छ भने करौंडौ संख्यामा नेपालमा आएर नेपाल कब्जा गरिहाल्छ । यस्तो अवस्था छैन,’ उनले थपे । धेरै नेपाली भारतमा बसेका छन् कि धेरै भारतीय नेपालमा...

नेपालअखबार, काठमाडाैं । सुमन सायमी नेतृत्वको ‘स्वतन्त्र तथा बैकल्पिक शक्तिको लौरो अभियान’ ले राष्ट्रिय झण्डा र लौरोसहित केही प्रतिनिधिमुलक उम्मेद्वारहरुको उम्मेदवारी घोषणा गरेको छ । बिहीबार ललितपुरमा आयोजित कार्यक्रममा अधिकांश सहभागीहरु काँधमा राष्ट्रिय झण्डा र लौरो बोकेर सहभागी भएका थिए । कार्यक्रममा लतिलतपुर क्षेत्र नं ३ बाट राजाराम तण्डुकार, काठमाडौ ८ बाट सुमन सायमी, रुपन्देही ५ बाट भिष्मकुमार राना लगायतले मंसिरको निर्वाचनका लागि उम्मेदवारी दिने  घोषणा गरेका छन् ।...

नेपालअखबार, सुर्खेत । नेपाल कम्युनिस्ट पार्टी (एकीकृत समाजवादी ) का सम्मानित नेता एवम् पूर्वप्रधानमन्त्री झलनाथ खनालको उपस्थितिमा नेकपा एमाले लगायत विभिन्न पार्टी परित्याग गरि दर्जनौँ बढी नेता तथा कार्यकर्ताहरू एकीकृत समाजवादीमा प्रवेश गरेका छन् । एकीकृत समाजवादी सुर्खेतद्वारा बुधबार प्रदेश राजधानी वीरेन्द्रनगरमा आयोजित जिल्ला स्तरीय कार्यकर्ता भेलामा विभिन्न पार्टीका जिम्मेवार  नेताहरूका साथै युवाहरू नेकपा एकीकृत समाजवादीमा प्रवेश गरेका हुन् । जिल्ला कमिटी अध्यक्ष मोहन बडुवालको अध्यक्षतामा सम्पन्न भेलामा एमाले नेतृ सिता शर्मा, एमालेका पुराना नेता खेमराज गिरीका साथै विभिन्न पार्टी आबद्ध सुरेश नेपाली, घनश्याम अधिकारी, कुबेर कार्की, सोहन शाही, दिवस मल्ल, श्याम बिष्ट, राजेन्द्र शाही लगायत ७५ जनाले एकीकृत समाजवादी रोजेका हुन् । जिल्ला भेलालाई सम्बोधन गर्दै प्रमुख अतिथि सम्मानित नेता...

नेपालअखबार, महाेत्तरी।  भूमि व्यवस्था, सहकारी तथा गरिवी निवारण मन्त्री शशी श्रेष्ठले गरिवी निवारणका लागि आवश्यक सम्पूर्ण कामहरु सरकारले योजना बनाएर गर्न शुरु गरिसकेको बताउनु भएको छ । महोत्तरीको बर्दीवास नगरपालिका वडा नं. १२ बाट गरिव परिवार परिचयपत्र वितरण कार्यको आज सुभारम्भ गर्दै मन्त्री श्रेष्ठले पहिचान कार्य सम्पन्न भएका २ लाख २३ हजार ३ सय ३० घरपरिवारलाई परिचयपत्र वितरण गर्ने कार्यको आज शुरुवात गरेको बताउनुभयो । २३ जिल्लाका २१४ स्थानीय तहहरुबाट ११ लाख ८ हजार ८ सय ३६ घर परिवारको तथ्यङ्क संकलन भई २ लाख २३ हजार ३ सय ३० गरिव घरपरिवार पहिचान गर्ने कार्य सम्पन्न भई परिचयपत्र वितरणको कार्य सुभारम्भ गरिएको हो । मन्त्री श्रेष्ठले अहिलेको सरकार र मन्त्रालय तल्ला तहका नागरिलाई रोजगारी सिर्जना गर्ने, सम्मानपूर्वक जीवन यापन गर्ने र नागरिकको जीवनस्तर कसरी उकास्ने भन्नेतर्फ ध्यान केन्द्रित गरेर काम...

नेपालअखबार, धनगढी । नेकपा एमालेका अध्यक्ष केपी शर्मा ओलीले अगामी निर्वाचनमा १५० सिट जित्ने दाबी गरेका छन् । कञ्चनपुरको महेन्द्रनगरमा बुधबार आयोजना गरिएको पार्टीको आमसभालाई सम्बोधन गर्दै ओलीले प्रत्यक्ष र समानुपातिकतर्फ गरेर एमालेले १५० सिट जित्ने दाबी गरेका हुन् । एमाले सत्ता बाहिर हुँदा समेत पार्टीमा प्रवेश गर्ने जनलहर बढेको उल्लेख गरेका ओलीले एमालेले जिते मात्र देशले जित्ने दाबी गरे । ‘गठबन्धनले जिते देश हार्छ, विकास र समृद्धि हार्छ त्यसैले एमालेले जित्नुपर्छ । देशलाई जिताउने अभियानमा सबै सरिक हुनुस्,’ ओलीले भने, ‘आउँदो चुनावमा हामी प्रत्यक्ष र समानुपातिक गरेर कम्तीमा १५० सिट जित्नेछौं र दुनिया चकित पर्नेछ ।’ सत्तारुढ गठबन्धनमा नेताहरु देखिए पनि जनता भने एमालेमै रहेको जिकिर उनको थियो । गठबन्धन सरकार राष्ट्रियताको रक्षा, विकास र समृद्धिका पक्षमा काम गर्न नसकेर शक्ति राष्ट्रसामू न...

नेपालअखबार, काठमाडाैं । नेपाली कांग्रेसका महामन्त्री गगन थापाले मंसिर ४ मा हुने चुनावमा आफू काठमाडौं क्षेत्र नम्बर ४ बाटै उठ्ने बताएका छन्। कास्की क्षेत्र नम्बर १ बाट बुधबार थापाको नाम उम्मेदवारका लागि आवेदन परेपछि उनले आफू काठमाडौं क्षेत्र नम्बर ४ बाटै उठ्ने प्रष्टाएका हुन्। उनले कास्की क्षेत्र नम्बर १ का कांग्रेस नेता तथा कार्यकर्तालाई धन्यबाद पनि दिएका छन्। ‘कास्की क्षेत्र नम्बर १ मा पार्टीका साथीहरूले स्नेहपूर्वक चाहना राखेर प्रतिनिधिसभा सदस्य उम्मेदवारका लागि मेरो पनि नाम प्रस्तुत गर्नु भएकोमा त्यो सद्भावका लागि धन्यवाद,’ आज अपरान्ह ट्वीट गर्दै थापाले भने, ‘मैले काठमाडौँ क्षेत्र नम्बर ४ बाट नै मेरो उम्मेदवारीको तयारी गरिरहेको छु। र स्वाभाविक रूपमा म उम्मेदवार हुने यहीँबाट हो।’ थापा २०७४ सालमा भएको चुनावमा काठमाडौं ४ बाटै निर्वाचित भएका थिए।...

नेपालअखबार, काठमाडौं।  नेकपा ( एकीकृत समाजवादी ) का अध्यक्ष माधवकुमार नेपालले आफ्ना पार्टीका नेता तथा कार्यकर्तालाई आ आफ्नो जिल्लाको निर्वाचन क्षेत्रमा  जान निर्देशन दिनुभएको छ । युवा संघ नेपालले आजबाट आयोजना गरेको महाकाली  मेची जागरण अभियानलाई सम्बोधन गर्दै अध्यक्ष नेपालले नेता तथा कार्यकर्ताहरूलाई आआफ्नो निर्वाचन क्षेत्रमा जान निर्देशन दिनुभएको हो । अध्यक्ष नेपालले भन्नुभयो , ‘यो काठमाडौंमा पलेटी कसेर बस्ने काम नगर्नुहोस्, आ आफ्नो जिल्ला जानुहोस् , आ आफ्नो निर्वाचन क्षेत्रमा जानुहोस् । निर्वाचन लक्षित कार्यक्रम गर्नुहोस् ।’ प्रत्येक निर्वाचन क्षेत्रमा एकीकृत समाजवादीको प्रत्यक्ष उम्मेदवार नभएपनि समानुपातिकमा भोट खसाल्नै पर्ने भन्दै उहाँले , ‘जिल्ला जान मात्रै ठूलो कुरो होइन, तपाईं उम्मेदवार बन्ने हो कि होइन, त्यो ठूलो कुरा होइन । पार्टीको पक्षमा मत खस्ने कि नखस्ने कुरा ठूलो हो । त्...

नेपाल अखबार,  काठमाडाैं। सरकारले विश्व बैंक समूहको अन्तर्राष्ट्रिय विकास संस्थाबाट डिजिटल नेपाल एक्सलरेसन परियोजनाको लागि १७ अर्ब रुपैयाँ बराबरको सहुलियत ऋण लिने भएको छ । सोमवार बसेको मन्त्रिपरिषद् बैठकको निर्णय मंगलवार सार्वजनिक गर्दै सञ्चार तथा सूचना प्रविधि मन्त्री ज्ञानेन्द्र बहादुर कार्कीले विश्व बैंक समूहको अन्तर्राष्ट्रिय विकास संस्थाबाट डिजिटल नेपाल एक्सलरेसन परियोजनाको लागि १७ अर्ब रुपैयाँ सहुलियतपूर्ण ऋण स्वीकार गर्ने निर्णय गरेको बताए । बैठकले आर्थिक वर्ष २०७९/०८० का लागि उद्योग, वाणिज्य तथा आपूर्ति मन्त्रालयअन्तर्गतका आयोजनाहरुका लागि राजपत्राङ्कित स्तरका ८ र सातौँ तहका गरी जम्मा ३० पदको अस्थायी दरबन्दी स्वीकृत गरेको छ । त्यस्तै आर्थिक वर्ष २०७९/०८० का लागि ऊर्जा, जलस्रोत तथा सिँचाई मन्त्रालय मातहतका आयोजनाका लागि विभिन्न श्रेणीका राजपत्राङ्कित अधिकृत तहका ४३१ पदहरुको अस्थाय...

नेपालअखबार, काठमाडौं  ।अर्थमन्त्री जनार्दन शर्मा ‘प्रभाकर’ले राष्ट्रसेवक कर्मचारी र श्रमिकहरूको न्यूनतम तलब, भत्ता तथा पारिश्रमिक पुनरावलोकन गर्न बनेको उच्चस्तरीय तलब सुविधा आयोगका संयोजक तथा सदस्यहरूलाई नियुक्ति पत्र प्रदान गर्नु भएको छ । मंगलबार मन्त्रालयमा आयोजित एक कार्यक्रमका बीच मन्त्री शर्माले आयोगका संयोजक तथा दुई सदस्यलाई नियुक्ति पत्र प्रदान गर्नुभएको हो । आर्थिक बर्ष २०७९र२०८० बजेटको बुदा नम्बर ३६७ मा ९रास्ट्र सेवक कर्मचारीको न्युनतम तलब र सुबिधा पुनरावलोकन गर्न र श्रमिकहरुको तलब सुबिधा को अध्ययन गरि नेपाल सरकारलाइ सिफारिस गर्न एक उच्च स्तरिय तलब सुबिधा आयोग गठन गरिनेछ०उल्लेख भए अनुशार अर्थ मन्त्रि शर्माको प्रस्तावमा मन्त्रिपरिषदले यहि भदौ ६ गते आयोग गठन गरेको थियो। आयोग पूर्व मुख्यसचिव लीलामणि पौड्यालको संयोजकत्वमा गठन भएको हो । संयोजक पौड्यालसहित सदस्यहरू पूर्व सचिव विमल...