विश्व

नेपाल अखबार, पेरिस । महामारीका रुपमा फैलिएको कोरोनाभाइरसबाट विश्वभर दुई करोडभन्दा बढी मानिस संक्रमित भएका छन् । विश्व स्वास्थ्य संगठनकाअनुसार बुधबार दिउँसोसम्म कोरोनाभाइरसको संक्रमणबाट विश्वभर ७ लाख ४६ हजारको मृत्यु भएको छ । स्वास्थ्य अधिकारीहरुका अनुसार कोरोनाभाइरसको संक्रमण सबैभन्दा बढी देखिएका मुलुकहरुमा संयुक्तराज्य अमेरिका, ब्राजिल, मेक्सिको, भारत र रसिया समेतका मुलुकहरु रहेका छन् । संयुक्तराज्य अमेरिकामा ५३ लाखभन्दा बढी मानिस संक्रमित भएका छन् भने ब्राजिलमा ३१ लाख, भारतमा २३ लाख, रसियामा ९ लाख, दक्षिण अफ्रिकामा ५ लाख ६६ हजार, मेक्सिकोमा ४ लाख ९२ हजार, पेरुमा ४ लाख ८९ हजार तथा कोलम्बियामा ४ लाख १० हजार संक्रमित छन् । कोरोनाभाइरसको संक्रमणबाट मृत्यु भएका नागरिक पनि संयुक्तराज्य अमेरिकामा सबैभन्दा बढी छन् । पछिल्लो विवरणअनुसार अमेरिकामा हालसम्म १ लाख ६७ हजार, ब्राजिलमा १ लाख ३ हजार, ...

नेपाल अखबार, एजेन्सि। विश्वभर कोरोना भाइरस संक्रमितको संख्या दुई करोड नाघेको छ। पछिल्लो २४ घण्टामा विश्वभर दुई लाख ५४ हजार सात सय २७ जनामा संक्रमण पुष्टि भएसँगै संक्रमितको संख्या दुई करोड पाँच लाख दुई सय ९७ पुगेको छ। विश्वभरी नै कोरोना संक्रमणदर घटन सकेको छैन। पछिल्लो २४ घण्टामा सबैभन्दा धेरै संक्रमित भारतमा देखिएका छन्। पछिल्लो २४ घण्टामा भारतमा ६१ हजार दुई सय ५२ जनामा संक्रमण पुष्टि भएको वर्ल्डओमिटरमा उल्लेख छ। भारतपछि ब्राजिल र अमेरिकामा धेरै संक्रमित देखिएका छन्। यस अवधिमा ब्राजिलमा झण्डै ५५ हजार र अमेरिकामा ५२ हजार पाँच सय भन्दा धेरैमा संक्रमण पुष्टि भएको छ। भारतमा संक्रमितको संख्या २३ लाख २८ हजार नाघेको छ भने ४६ हजार एक सय ८८ जनाले ज्यान गुमाएका छन्। यो बुधबार बिहान ६ बजेसम्मको तथ्यांक हो। पछिल्लो २४ घण्टामा भारतमा आठ सय ३५ जनाले ज्यान गुमाएका छन्। यस अवधिमा सबैभन्दा धेरै अमेरिकामा १...

नेपाल अखबार,एजेन्सि। संसारभरी कोरोना संक्रमितको मृत्युको आँकडा ७ लाख पार हुँदा र कोरोना संक्रमितको संख्या दुई करोड पुगिसक्दा पनि विश्व स्वास्थ्य संगठनले कोरोना महामारीबाट विजय पाउे आशा अझै पनि बाँकी भएको बताएको छ । डब्ल्यूएचओले पूरा संसारलाई प्रभावित गर्ने यो महामारीसँग जुधन्का लागि उठाइएको कदममा कहिले पनि ढिलाइ नभएको स्पष्टिकरण दिएको छ । डब्ल्यूएचओका प्रमुख टेड्रनेस एडहनम गेब्रियाससले पत्रकार सम्मेलनमा यस हप्ता संसारभरी संक्रमितको कूल आँकडा दुई करोड पार हुने र मृतकको संख्या साढे सात लाख पुग्ने बताएका छन् । उनले भने, ‘यो आँकडा पछाडि एउटा ठूलो पीडा र तनाव लुकेको छ । यो महामारीका कारण गुमेको प्रत्येकको जीवन मूल्यवान छ । मलाई थाहा छ, तपाईंमध्ये धेरैजना यतिबेला पीडामा हुनुहुन्छ र संसारका लागि यो मुश्किलको समय हो । तर आशाको किरण बाँकी नै छ भनेर स्पष्ट गर्न चाहन्छु । यो महामारी नष्ट गर्न अहिल...

नेपाल अखबार, एजेन्सि । अमेरिकी राष्ट्रपति कार्यालय ह्वाइट हाउस अगाडि गोली चलेको छ । राष्ट्रपति डोनाल्ड ट्रम्पले पत्रकार भेटघाट गरिरहेको बेला गोली चलेको हो । गोली चलेको खबर पाएपछि केहीबेर पत्रकार भेटघाट कार्यक्रम प्रभावित भएको थियो । पत्रकार भेटघाटको क्रममा सुरक्षाकर्मीले ट्रम्पलाई केही भनेपछि उनी कार्यक्रम छाडेर भित्र अर्को कोठामा गएका थिए । करिब नौ मिनेटपछि राष्ट्रपति ट्रम्प बाहिर आए र पत्रकारहरुलाई गोली चलेको जानकारी दिए । उनले भने, ‘लाग्छ स्थिति नियन्त्रणमा छ ।’ ट्रम्पले पत्रकारहरुलाई दिएको जानकारीअनुसार अमेरिकी सेक्रेट सर्भिसका व्यक्तिहरुले एक हतियारधारी संदिग्ध व्यक्तिमाथि गोली चलाएका छन् । घाइतेलाई अस्पताल लगिएको छ । ट्रम्पका अनुसार ह्वाइट हाउस बाहिर फेन्सिङ्ग भएको स्थानमा गोली चलेको थियो । त्यो स्थानबाट वित्तमन्त्री र अर्का एक अधिकारीलाई त्यहाँबाट सुरक्षित स्थानमा लगिएको थियो । ट्रम...

नेपाल अखबार, एजेन्सि  । भारतको राजस्थानस्थित जोधपुर जिल्लामा एकै परिवारका ११ जना मृत फेला परेका छन्। उनीहरूको हत्या भएको आशंका गरिएको छ। भारतीय सञ्चारमाध्यमका अनुसार पास्कितानबाट विस्थापित उनीहरूको शव जोधपुर जिल्लाको देचु थाना क्षेत्रको खेतमा फेला परेका हुन्। छेउमा विषका बोतल र सुई पाइएको स्थानीय प्रहरीले जनाएको छ। पहिले खानामा निद्रा लाग्ने औषधि हालेर खुवाएको र त्यसपछि सबैको हातमा विषयुक्त सुई लगाइएको प्रहरीको प्रारम्भिक अनुसन्धानले देखाएको भारतीय सञ्चारमाध्यमले उल्लेख गरेका छन्। परिवारका एक जना ३७ वर्षका केवल राम मात्रै बाँच्न सफल भएका छन्। उनी छुट्टै सुतेकाले बाँचेको बताइएको छ। उनीहरूको हत्या आफ्नै छोरी ३८ वर्षीया लक्ष्मीले गरेको आशंका प्रहरीले गरेको छ। किनकि परिवारमा उनी नै सुई लगाउन जान्ने अर्थात् नर्सिङ पढेकी थिइन्। उनैलै परिवारका १० सदस्यको हातमा विषयुक्त सुई लगाएर पछि आफूले पनि खुट...

नेपाल अखबार, एजेन्सि। सी थु फ्योले बहुमूल्य रत्न जेड खोजी गरिरहेका बेला जमिन हल्लिएको महसुस गरे। एक्काइस वर्षीय उनी उत्तरी म्यान्मारमा रहेको कचिन प्रान्तस्थित विश्वको सबैभन्दा ठूलो 'जेड' खानीमा काम गरिरहेका थिए। खाल्डोमा बहुमूल्य रत्न 'जेड' खोजिरहेका सयौँ मानिसमध्ये उनी एक थिए। पहिरो झर्दै गर्दा उनी भाग्न खोजे तर त्यसअघि नै उनी पानी, हिलो र ढुङ्गाबीच फसे। "मेरो मुख हिलोले भरिएको थियो भने ढुङ्गामा ठोक्किइरहेको थिएँ र पानीको छालले बारम्बार धकेलिरहेको थियो," उनले भने। "म मर्दैछु जस्तो महसुस भयो।" तर उनी बच्न सफल भए। अस्पतालमा उनले आफ्ना सातजना साथीहरू बाहिर निस्कन असफल भएको थाहा पाए। खानी क्षेत्रमा गएको उक्त पहिरोमा पुरिएर करिब २०० जनाको मृत्यु भएको थियो। तस्बिरको क्याप्शन,पहिरोमा पुरिएर करिब २०० जनाको मृत्यु भएको थियो "हामी दाजुभाइ जस्तै थियौँ। एउटै खाटमा सुत्थ्यौँ...

नेपाल अखबार, एजेन्सि। पछिल्लो २४ घण्टामा कोरोना संक्रमणको कारण विश्वमै सबैभन्दा धेरैको मृत्यु भारतमा भएको छ। संक्रमणमा पनि भारतले विश्वका सबै देशलाई उछिनेको छ। संक्रमण र मृत्युदर उच्च रहेका अमेरिका र ब्राजिलमा भन्दा पनि पछिल्लो २४ घण्टामा भारतमा कोरोनाको कारण धेरैको मृत्यु भएको वर्ल्डओमिटरमा उल्लेख छ। पछिल्लो २४ घण्टामा संक्रमणको कारण भारतमा एक हजार १३ जनाले ज्यान गुमाएका छन्। ६२ हजार एक सय १७ जनामा संक्रमण पुष्टि भएको छ। यसबीचमा भारतपछि मेक्सिकोमा धेरैले ज्यान गुमाएका छन्। मेक्सिकोमा ६ सय ९५, ब्राजिलमा पाँच सय ९३, अमेरिकामा पाँच सय २५ जनाले ज्यान गुमाएका छन्। अमेरिकामा ४७ हजार आठ सय २०, ब्राजिलमा २२ हजार दुई सय १३, मेक्सिकोमा साढे ६ हजारमा संक्रमण पुष्टि भएको छ। पछिल्लो २४ घण्टामा विश्वभर चार हजार सात सय ८३ जनाको कोरोना संक्रमणको कारण ज्यान गएको छ भने दुई लाख १९ हजार भन्दा धेरैमा संक्रमण ...

नेपाल अखबार, एजेन्सी । चीनका चिकित्सकहरुले देशको जनसंख्यालाई अर्को एक भाइरसबाट पनि खतरा रहेको जनाएका छन् । साधारणतया यो संक्रमण किराले टोकेपछि फैलिन्छ, तर मानिसबाट पनि फैलनसक्ने विज्ञहरुले बताएका छन् । एसएफटिएस भाइरसले यस वर्ष चीनको पूर्वी जियाङसुर अन्हुुई प्रान्तका झन्डै ६० जनालाई संक्रमित गरिसकेको छ । र, त्यसमध्ये ७ जनाको मृत्यु भएको छ । प्राणघातक यस रोगको लक्षणका रुपमा ज्वरो, खोकी, थकान र वान्ता रहेका छन् । त्यस्तै, यसले ह्वाइट ब्लड सेल्सलाई कम गर्दै लान्छ । एसएफटिएस् नौलो रोग भने होइन, यस रोग पहिलोपटक  २००९ मै हुवेइ र हेनान प्रान्तमा देखिएको थियो । अहिले फेरि फैलिरहेको यस भाइरसको मृत्युदर १६ देखि ३० प्रतिशत रहेको चिनियाँ इन्फर्मेशन सिस्टम फर डिजिज कन्ट्रोल एन्ड प्रिभेन्सनले जनाएको छ ।  ‘प्रारम्भिक रुपमा यो संक्रमण किराको टोकाइले फैलने भएपनि मानिसबाट मानिसमा हुने संक्रमणलाई नजर अन्दाज ग...

नेपाल अखबार, बेरुत । लेबनानको राजधानी बेरुतस्थित बन्दरगाहमा भएको बिस्फोटका क्रममा एक सय ४१ फिट गहिरो खाडल बनेको अनुसन्धानकर्ताहरुले बताएका छन् । बन्दरगाहमा भण्डारण गरिएको एमोनियम नाइट्रेट नामको रसायन गत मंगलबार बिस्फोट हुँदा १५० जनाभन्दा बढीको मृत्यु हुनुका साथै बन्दरगाह र त्यस वरपरका घरहरुमा व्यापक क्षति पुगेको थियो । अमेरिकी भूगर्भ इन्स्टिच्यूटले बिस्फोटबाट ३।३ म्याग्नीच्यूडको भूकम्प बराबरको धक्का महशुस गरिएको जनाएको छ ।  बिस्फोटका कारण कम्तीमा ६ हजार मानिस घाइते हुनुका साथै घर भत्केका कारण तीन लाखभन्दा बढी मानिस बिस्थापित भएका छन् । लेबनानको मुटुमा भएको यस बिस्फोटको जिम्मेवारी उच्च राजनीतिक नेतृत्वले लिनुपर्ने माग गर्दै सरकार विरोधी प्रदर्शनहरु हुन थालेका छन् । बेरुत भन्सार तथा बन्दरगाहका साथै सुरक्षा निकायहरुले बन्दरगाहमा भण्डारण गरिएको रसायन जोखिमपूर्ण अवस्थामा रहेको भन्दै तत्काल निर्...

नेपाल अखबार, घाज्नी । अफगानिस्तानको घाज्नी प्रान्तमा शनिबार प्रहरी चौकीलाई लक्षित गरी भएको कार बम बिस्फोटमा ७ जनाको मृत्यु हुनुका साथै १६ जना घाइते भएका छन् । गृह मन्त्रालयका प्रवक्ता तारेक एरियनका अनुसार सशस्त्र विद्रोहीहरुले बिस्फोटक पदार्थले भरिएको कार घाज्नी शहरको बाहिरी इलाकामा रहेको कोटाल रावा प्रहरी चौकीमा साँझ ७:४५ बजे बिस्फोट गराएका थिए । प्रवक्ता तारेकले उक्त घटनाको अनुसन्धान थालिएको जानकारी दिए । प्रान्तीय सरकारका प्रवक्ता वाहिदुल्लाह जुमाजादाले पनि घटनाको पुष्टि गर्दै आक्रमणकारीहरु प्रहरी चौकीभित्र प्रवेश गर्न खोजेका तर प्रहरीको प्रतिकारले उनीहरुको त्यो प्रयास सफल हुन नपाएको बताए । उक्त आक्रमणको घटना ४०० जना विवादास्पद तालिबान बन्दीका विषयमा निर्णय गर्न लोया जिर्गा अर्थात समाजका ज्येष्ठ एवं प्रबुद्ध वर्गको बैठक बसिरहेका समयमा भएको छ । लोया जिर्गा बैठकमा अफगानिस्तानका विभिन्न भा...