गाजा क्षेत्रमा विस्थापितको शिविरमा आक्रमण हुँदा २९ जनाको मृत्यु
नेपालअखबार , काठमाडौं । दक्षिणी गाजामा विस्थापितहरुको अस्थायी शिविरमा इजरायलले आक्रमण गर्दा २९ जनाको मृत्यु भएको छ ।
इजरायलले भने आफ्नो आक्रमण विस्थापित भएकाहरुमाथि लक्षित नभई हमासका लडाकुहरुप्रति लक्षित रहेको जनाएको छ । शरणार्थी शिविरमा आक्रमण भएको भए त्यसको जाँच गर्ने इजरायलले जनाएको छ ।
हमासले सन्चालन गरेको स्वास्थ्य मन्त्रालयले भने खान युनिसको पूर्वतर्फ पर्ने अबसाना अल कबिरा गाउँमा रहेको अल आवदा स्कुलको गेट अगाडि हवाई हमला भएको थियो । सो स्थानमा युद्धबाट विस्थापित भएकाहरुको अस्थायी शिविर थियो ।
इजरायली सेनाले भनेको छ-सो स्थानमा सात अक्टुबरमा इजरायलमा आक्रमण गर्नेहरु त्यहाँ थिए र हमासको ‘मिलिटरी विङ्ग’का सदस्यहरुलाई निशाना बनाउनका लागि सटिक प्रहार गर्ने हतियार प्रयोग गरिएको थियो ।
सात अक्टुबरमा इजरायलमा हमासले आक्रमण गर्दा १२ सय जनाको मृत्यु भएको थियो भने नेपालका विपिन जोशीस...










