विश्व

नेपालअखबार,कुवेत । कुवेतको विदेश मन्त्रालयले स्टकहोमको मस्जिद बाहिर कुरान जलाएको घटनामा स्विडेनका राजदूतलाई बोलाएर विरोध जनाएको छ । कुवेतको आधिकारिक समाचार एजेन्सी कुनाले शुक्रबार उप विदेश मन्त्री जर्राह जाबेर अल-अहमदले स्वीडेनका राजदूत लिस्लोट एन्डरसनलाई औपचारिक रूपमा कुवेतसँग विरोध गर्न बोलाएको जनाएको छ । स्वीडेनमा कुरान जलाउने घटना लगातार भइरहेको तर स्वीडेनले यसमा निरन्तर सहमति दिइरहेको कुवेतको आरोप छ । कुवेतले यसमा कारबाही नगर्ने स्वीडेनको नीतिको आलोचना गरेको छ। कुवेतले स्वीडेन सरकारलाई यस्ता विरोध प्रदर्शनलाई अनुमति दिन बन्द गर्न र यस्ता घटना दोहोरिन नदिनका लागि जिम्मेवार व्यक्तिलाई कारबाही गर्न स्वीडेनसँग माग गरेको छ । यसअघि कुवेतको संसद्को विदेश मामिला समितिले स्वीडेनका राजदूतलाई बोलाएर कुरान जलाएको विषयमा विरोध गर्न परराष्ट्र मन्त्रालयसँग माग गरेको थियो ।...

नेपालअखबार, क्यानबेरा । क्वाक्वेरेली साइमन्ड्स (क्यूएस) विश्व विश्वविद्यालयले र्याङ्किङमा बुधबार अष्ट्रेलियाका तीन विश्वविद्यालयले पहिलो पटक शीर्ष २० मा प्रवेश पाएका छन् । मेलबर्न विश्वविद्यालय १४ औं स्थानमा परेको छ भने सिड्नी विश्वविद्यालय र न्यु साउथ वेल्स विश्वविद्यालय १९  औं स्थानमा छन्। अष्ट्रेलिया विश्वविद्यालय की प्रमुख कार्यकारी क्याट्रिओना ज्याक्सनले,"आजका उत्कृष्ट नतिजाहरूले अष्ट्रेलियाका विश्वविद्यालयलाई विश्वव्यापी शैक्षिक प्रतिस्पर्धामा अगाडि उभ्याएको," बताइन् । उनका अनुसार र्याङ्किङ प्रणालीले रोजगारीको नतिजा, दिगोपन र अन्तर्राष्ट्रिय अनुसन्धान सहकार्यलाई नयाँ सूचकका रूपमा प्रस्तुत गर्नेछ ।-(रासस-सिन्ह्वा)...

नेपालअखबार, एजेन्सी । अमेरिकी पूर्वराष्ट्रपति बाराक ओबामाको अभिव्यक्तिलाई लिएर भारतको सत्तारूढ दल भारतीय जनता पार्टी आक्रोशित भएको छ । ओबामाले अमेरिकी सञ्चार माध्यम सीएनएनसँगको अन्तर्वार्तामा भारतले अल्पसंख्यकको अधिकारको रक्षा नगरेमा फेरि विभाजन आउन सक्ने टिप्पणी गरेका थिए । उनले सत्तारूढ दलका नेताहरूलाई अनुदार लोकतन्त्रवादीको संज्ञा दिएका थिए । उक्त कुराकानीमा ओबामालाई अनुदार लोकतन्त्रवादीसँग राष्ट्रपति बाइडेनले गर्नुपर्ने व्यवहार र सम्बन्ध विस्तारमामा पुर्‍याउनुपर्ने ख्यालबारे प्रश्न सोधिएको थियो । भारतीय प्रधानमन्त्री नरेन्द्र मोदीले अमेरिकी संसदमा सम्बोधन गर्नुअघि ओबामालाई चर्चित टेलिभिजन एंकर क्रिष्टिआन अमनपोरले प्रश्न गरेकी थिइन् । ‘यस्तो अवस्थामा भारतीयसँग राष्ट्रपति बाइडेनले कसरी व्यवहार गर्नुपर्छ वा कसरी सम्बन्ध अघि बढाउनुपर्छ?’ अमनपोरको प्रश्न थियो । अमनपोरको प्रश्नमा ओब...

नेपालअखबार, एजेन्सि।  रूसमा विद्रोहको नेतृत्व गरेका वागनर समूहका प्रमुख यभगेनी प्रिगोजिनले बेलारूसमा शरण लिने भएका छन्।बेलारूसका राष्ट्रपति अलेक्जेन्डर लुकाशेन्कोसँगको वार्तापछि प्रिगोजिन बेलारूसमा शरण लिन लागेका हुन्। शनिबार रूसका दुई सहर आफ्नो नियन्त्रणमा  लिएको घोषणा गर्दै मस्कोतर्फ अगाडि बढेको वागनर समूहका प्रमुख प्रिगोजिनसँग बेलारूसका राष्ट्रपति लुकाशेन्कोले वार्ता गरेका थिए। उनकै अनुरोधमा मस्कोतर्फ अगाडि बढेको वागनर समूह बीचबाटै आधार शिविर फर्किएको थियो। अब लुकाशेन्कोकै मध्यस्ततामा प्रिगोजिन विद्रोह रोकैर बेलारूस शरण लिन तयार रहेको न्यूयोर्क टाइम्सले उल्लेख गरेको छ। न्यूयोर्क टाइम्सका अनुसार प्रिगोजिनलाई सुरक्षित रूपमा बेलारूस जान दिने र विद्रोहमा सहभागी भएका उनका सैनिकहरूलाई पनि कारबाही नगर्ने सहमति भएको छ। विद्रोहमा सहभागी नभएका सैनिकहरूलाई रसियन सेनामा बस्ने कि नबस्ने ...

नेपालअखबार, रूस। रुसको रोस्तोव सहरबाट फिर्ता हुँदै गर्दा वाग्नर समूहका लडाकुले हावामा फायरिङ गरिरहेको देखिए ।  सोसल मिडियामा भाइरल यो भिडियोलाई बीबीसी भेरिफाइले प्रमाणित गरेको छ । भिडियोमा सडकमा उभिएका मानिसले वाग्नर समूहका लडाकुका लागि ताली बजाएर नारा लगाइरहेको देखिएका छन् । स्थानीयले फर्किरहेका लडाकुको तस्बिर पनि खिचिरहेका छन् । शनिवार वाग्नर समूहका प्रमुख येवगेनी प्रिगोजिनले उनका २५ हजार लडाकुले युक्रेनको सीमा पार गरेर रुस छिरेर सीमा नजिकैको रोस्तोव सहरलाई आफ्नो नियन्त्रणमा लिएका छन् । केही बेरपछि तस्बिर सार्वजनिक भए, त्यसमा प्रिगोजिन रुसको दक्षिणी सैन्य मुख्यालयमा बसिरहेको देखिए । उनीहरुले त्यति बेला रक्षामन्त्रीले भेट्न नआएसम्म त्यहाँबाट नहल्लिने बताएका थिए । त्यसपछि राष्ट्रपति पुटिनले देशलाई सम्बोधन गरे र यो कामलाई पिठ्युँमा छुरा घोपेजस्तो बताए । दिनको समयमा वाग्नरका ल...

नेपालअखबार, बेइजिङ । डाक्टरलाई संसारमा भगवानको दर्जा दिइएको छ किनभने अन्तिम क्षणमा बिरामीको ज्यान बचाउने उनीहरू नै हुन् । तर आजका डाक्टरहरूले त्यसभन्दा एक कदम अगाडि बढेर केही चमत्कार पनि देखाउन थालेका छन् । चीनमा पनि यस्तै भएको छ, जहाँ चिकित्सकको टोलीले विरामीको काटिएको हात खुट्टामा जोडेर एक महिनासम्म जीवित राखेको छ । हालै मोरबिड नलेज नामक ट्वीटर पोस्ट मार्फत डाक्टरहरूको यो अद्भुत प्रयासको बारेमा थाहा पाएपछि मानिसहरू छक्क परेका छन्। यस ट्वीटमा चिनियाँ डाक्टरहरूले बिरामीको काटिएको हातलाई कसरी जीवित राख्न बिरामीको खुट्टामा टाँसेर राखेको बताइएको छ। चिनियाँ कारखानाका एक कामदारको देब्रे हात मेसिनले काटेको थियो । त्यसपछि डाक्टरहरूले यो बायाँ हातलाई बिरामीको खुट्टाले सिलाए, जसले गर्दा हातलाई खुट्टाको धमनीबाट रगत आपूर्ति हुन्छ र हात जीवित रहन्छ। खुट्टामा जोडिएको यो हातको तस्बिर सामाजिक सञ्जा...

नेपालअखबार, एजेन्सि। एट्लान्टिक महासागरमा टाइटानिकको भग्नावशेष देखाउन गएको टाइटन पनडुब्बीमा सवार सबै पाँच जनाको मृत्यु भएको छ । अमेरिकी तट रक्षक गार्डले यसको पुष्टि गरेको छ । अमेरिकी तट रक्षक गार्डका रियर एडमिरल जोन मोगरले टाइटानिक जहाजको भग्नावशेषको अगाडिको भागभन्दा १६ सय फिट मुनी पनडुब्बीका पाँच भाग भेटिएको बताएका छन् । अमेरिकी तट रक्षक गार्डले पनडुब्बीमा ठुलो विस्फोटको आवाज सुनेका थिए । टाइटनसँग सम्पर्क टुटेपछि उद्धार कार्यमा संलग्न अमेरिकी कोस्ट गार्डका सदस्यले ठुलो विस्फोटको आवाज सुने । टाइटनमा सवार पाँच जनामध्ये बाबु–छोरा शाहजादा र सुलेमान दाउदका परिवारले उनको निधनप्रति दुःख व्यक्त गरेका छन् । हमिस हार्डिङका परिवारका सदस्यले उनलाई सम्झेका छन् । पनडुब्बीमा सवार टाइटानिकको भग्नावशेष हेर्न गएका थिए । त्यसपछि गत शनिवारदेखि नै यो बेपत्ता भएको थियो । टाइटनको खोजीमा जहाजहरू बाहे...

नेपालअखबार, एजेन्सी । अमेरिकी राष्ट्रपति जो बाइडेनले भारतीय लोकतन्त्रको बिग्रँदो छविलाई वास्ता नगरी प्रधानमन्त्री नरेन्द्र मोदीलाई न्यानो आतिथ्य दिएका छन् । बाइडेनले लोकतन्त्र र अधिनायवादबीचको द्वन्द्व वर्तमान विश्वको वास्तविक संघर्ष रहेको बताउने गरेका थिए । हाल अमेरिका भ्रमणमा रहेका मोदीसँगको वार्तासम्म आइपुग्दा बाइडेन लोकतन्त्रको आधारभूत मान्यतामा अपूर्ण भएपनि महत्वपूर्ण मित्रलाई गुमाउन नहुने निष्कर्षमा पुगेको देखिन्छ । ह्वाइटहाउसले मोदीलाई रातो कार्पेट बिच्छाउँदै विशेष आतिथ्य महशुस गराउनका लागि कुनै कसर बाँकी राखेको छैन । अमेरिकाको राजकीय भ्रमणमा रहेका मोदीको सम्मानमा ह्वाइटहाउसले रात्रीभोज आयोजना गर्‍यो । अमेरिकाले मोदीको आतिथ्यता गरेको दृश्य हेर्दा यस्तो लाग्छ लोकतन्त्रको आधारभूत सिद्धान्तलाई चुनौती दिइरहेका मोदीप्रति अमेरिकाको अत्यधिक मोह छ । मोदी सरकारले प्रतिपक्षी आवाजलाई दबा...

नेपालअखबार, काठमाडौं । आन्ध्र महासागरमा डुबेको चर्चित जहाज टाइटानिकको भग्नावशेष हेर्न गएका पर्यटक चढेको पनडुब्बी वेपत्ता भएपछि त्यसको खोजी जारी छ । तर अहिलेसम्म पनडुब्बी फेला पर्ने कुनै संकेत छैन । गत आइतबार महासागरमा डुबुल्की लगाएको १ घन्टा ४५ मिनेटमा नै पनडुब्बीसँगको सम्पर्क टुटेको थियो । जबकी पनडुब्बी ८ घन्टामा टाइटानिकको भग्नावशेष अवलोकन गरेर माथि उत्रिसक्नु पर्ने थियो । टुर कम्पनी ओसियनगेटको यो पनडुब्बीमा पाकिस्तानी अरबपति शहजादा दाउद र उनका छोरा सुलेमान तथा बेलायती व्यवसायी हामिस हार्डिङ्गसहित ५ जना छन् । पनडुब्बीमा रहेको अक्सिजन सकिन लागेको छ, अब ७-८ घन्टा भन्दा बढीको अक्सिजन पनडुब्बीमा नभएकाले चिन्ता बढेको अन्तर्राष्ट्रिय सञ्चार माध्यमले जनाएका छन् । यो खोजमा अमेरिकी, क्यानडेली एजेन्सीका साथै नौसेना, समुन्द्रको गहिराइमा उत्रिने व्यावसायिक कम्पनी संलग्न छन् । खोजामा सैन्...

नेपालअखबार, एजेन्सि। पर्यटकका लागि विश्वकै चर्चित जहाज टाइटानिकको भग्नावशेष हेर्न निस्किएको पनडुब्बीमा अब ३० घण्टाको लागि मात्रै अक्सिजन बाँकी छ । आइतबारदेखि हराइरहेको यो पनडुब्बीमा पाँच यात्री सवार छन् । यसमा पाकिस्तानी मूलका अर्बपति व्यापारी शाहजादा दाउद र उनका छोरा सुलेमान दाउद, बेलायती अर्बपति व्यापारी हमिस हार्डिङ, फ्रान्सेली अन्वेषक पल हेनरी नार्गेलेट र यो साहसिक यात्राको व्यवस्थापन गर्ने कम्पनीका प्रमुख कार्यकारी स्टकटन रश समावेश छन् । अमेरिकी कोस्ट गार्डको खोजी अभियान २० हजार वर्ग किलोमिटरभन्दा ठुलो समुन्द्रमा चलिरहेको छ । यसमा क्यानेडियन नेवी, एयर फोर्स र कोस्ट गार्डसँगै न्यूयोर्क एयर नेशनल गार्डले पनि सहयोग गरिरहेका छन् । अमेरिकी कोस्ट गार्डको अनुमान अनुसार पनडुब्बीमा करिब ३० घण्टाको अक्सिजन बाँकी छ । आइतबार यात्रा सुरु भएको एक घण्टा ४५ मिनेटपछि पनडुब्बीसँग सम्पर्क ...