समाचार

नेपालअखबार,काठमाडौँ। अमेरिकी राष्ट्रपति डोनाल्ड ट्रम्पको प्रशासनले आफ्नो दोस्रो कार्यकालमा ३ लाखभन्दा बढी अमेरिकी भिसा रद्द गरेको छ। अमेरिकी विदेश मन्त्रालयका प्रवक्ता टोमी पिगोटले मंगलबार सामाजिक सञ्जाल एक्समार्फत उक्त जानकारी दिएका हुन्। उनका अनुसार ट्रम्प प्रशासनले इतिहासमै अन्य कुनै पनि प्रशासनको तुलनामा तीव्र गतिमा भिसा रद्द गरेको छ। सन् २०२५ जनवरीमा ट्रम्पले दोस्रो कार्यकाल सुरु गरेयता रद्द गरिएका भिसाको संख्या अगस्ट १० सम्म १ लाख ७५ हजारभन्दा बढी थियो। पछिल्लो तथ्यांकले केही सातायता भिसा रद्द गर्ने क्रम तीव्र भएको रोयटर्सले जनाएको छ। ट्रम्प प्रशासनले भिसामा अमेरिका आएका विदेशीले कानुन उल्लंघन गर्ने, ठगी गर्ने वा राष्ट्रिय सुरक्षामा खतरा उत्पन्न गर्ने गतिविधि गरेमा कुनै सहनशीलता नअपनाइने बताएको छ। प्रशासनले आप्रवासन नियन्त्रण र देशनिकाला अभियानलाई आन्तरिक सुरक्षा सुधार गर्ने...

नेपालअखबार,काठमाडौँ। प्रधानमन्त्री बालेन्द्र शाहले असत्यमाथि सत्यको विजय प्राप्त भएको उपलक्ष्यमा उत्सव मनाउने दिन विजयादशमीका अवसरमा देश तथा विदेशमा रहेका सर्वसाधारणमा सुख, शान्ति, समृद्धि र उत्तरोत्तर प्रगतिको हार्दिक मङ्गलमय शुभकामना व्यक्त गरेका छन्। सामाजिक सञ्जाल फेसबुकमार्फत शुभकामना सन्देश जारी गर्दै प्रधानमन्त्री शाहले पौराणिक मान्यता अनुसार यसै दिन दुर्गा भवानीले महिषासुर जस्तो आसुरी शक्तिमाथि विजय प्राप्त गरेको र भगवान् रामले पनि असत्यका प्रतीक रावणको अन्त्य गरेको दिनका रूपमा लिइने उल्लेख गरेका हुन्। विजयादशमी मनाउँदै गर्दा मान्यजनबाट दुर्गा भवानीको प्रसादस्वरूप टीका, जमरा र आशीर्वाद ग्रहण गर्ने परम्परा रहेको उनले बताएका छन्। दुर्गा भवानीले विजय प्राप्त गरे जस्तै हरेक सत्कर्ममा विजय प्राप्त गर्न सकियोस् भन्ने कामना मान्यजनहरूले गर्ने र आशीर्वाद ग्रहण गर्न टाढा रहेका मान्यजन...

नेपालअखबार,भक्तपुर । प्रत्येक वर्ष विजयादशमीका दिन भक्तपुरको ब्रह्मायणी मन्दिरमा लाग्ने ब्रह्मायणी जात्रामा रातिदेखि नै दर्शनार्थीको भीड लागेको छ । नवदुर्गाको शक्तिपीठका रूपमा मानिने ब्रह्मायणी मन्दिरमा आज त्रिपुरा सुन्दरी प्रकट हुने जनविश्वासअनुरूप परम्परादेखि नै विजयादशमीका दिन भव्य मेला लाग्ने गर्छ । भक्तपुरवासी धिमेबाजा बजाउँदै मध्यरातिदेखि नै घरघरबाट ब्रह्मायणीमा मेला भर्न पुगेका छन् । व्रत बसेकाहरू घरदेखि मन्दिरसम्म घस्रिँदै, पल्टिँदै र शरीरमा ५, ७ तथा १८ वटा दीप (दियो) बालेर ब्रह्मायणी मन्दिर जाने र पूजा गर्ने प्रचलन छ । यहाँका बासिन्दाले शरीरमा बत्ती बालेर र शरीर नापेर ब्रह्मायणीसम्मको यात्रा पूरा गरेका छन् । यो परम्पराले मनोकाङ्क्षा पूरा हुने र धर्म प्राप्त हुने जनविश्वास छ । मन्दिरमा आज नवदुर्गा प्रकट हुने विश्वासका साथ दिनभरि नै भव्य मेला लाग्ने गर्छ । नेवार समुदायमा आज...

नेपालअखबार,काठमाडौं । नवलपरासी पश्चिमको सुनवल नगरपालिका–४ स्थित सगरमाथा होटलमा खाद्य स्वच्छता तथा सरसफाइको अवस्था कमजोर पाइएको छ । भान्सामा बासी खानेकुरा भेटिनुका साथै खानेपानीको स्रोतसमेत फोहोर रहेको अनुगमन प्रतिवेदनले देखाएको छ । खाद्य प्रविधि तथा गुण नियन्त्रण विभागअन्तर्गतको खाद्य प्रविधि तथा गुण नियन्त्रण कार्यालय, भैरहवा र खाद्य प्रविधि तथा गुण नियन्त्रण डिभिजन कार्यालय, कपिलवस्तुलाई विभागले दिएको निर्देशनअनुसार अनुगमन गर्दा होटलमा विभिन्न कैफियत भेटिएका हुन् । विभागका अनुसार होटलमा खानामा प्रयोग हुने काठ र फलामका टुक्रासमेत भेटिएका थिए । होटलको सरसफाइको अवस्था निकै कमजोर रहेको, खानेपानीको स्रोत फोहोर ठाउँमा रहेको र भान्सामा आवश्यक सामग्री अव्यवस्थित रूपमा राखिएको पाइएको प्रतिवेदनमा उल्लेख छ । अनुगमनका क्रममा होटल बन्द अवस्थामा रहेकाले सुनवल नगरपालिका–४ का वडा अध्यक्षको पहलमा...

नेपालअखबार, मुस्ताङ । हिन्दु तथा बौद्ध धर्मालम्बीहरुको साझा धार्मिक तीर्थस्थलका रुपमा परिचित मुक्तिनाथ मन्दिरमा सर्वसाधारणलाई दशैंको टीका लगाइने भएको छ । मन्दिरका पुजारी कृष्णप्रसाद सुवेदीले दशैंको अवसरमा सर्वसाधारणलाई टीका, जमरा र आर्शीवाद दिने कार्यक्रम रहेको जानकारी दिएका हुन् । विजया दशमीको शुभ साइतको दिन अक्षता रुपी टीका, जमरा लगाएर सर्वसाधारणलाई आशीर्वाद दिइने पुजारी सुवेदीको भनाइ छ । आफन्त, मान्यजन र परिवारबाट टाढा भएका तथा अभिभावक नभएकालाई मुक्तिनाथ मन्दिरमा दशैं टीका लगाइदिने व्यवस्था गरिएको हो । दशैंको दिन बिहान ५ बजेदेखि मुक्तिनाथमा नृत्य आराधना सुरु हुनेछ । अराधना सकिएलगत्तै दशैंको टीका लगाउने कार्यक्रम रहेको पुजारी सुवेदीले जानकारी दिए । भगवानको नृत्य कर्म करिब २ घण्टासम्म चल्नेछ ।...

नेपालअखबार,काठमाडौं । राष्ट्रपति रामचन्द्र पौडेलले विजया दशमीमा शुभसाइतमा गुरु पुरोहितबाट टीका जमरा ग्रहण गर्ने भएका छन् । शीतल निवासस्थित राष्ट्रपति कार्यालयमा राष्ट्रपति पौडेलले शुभ साइत १०:२६ मिनेटमा गुरू पुरोहितबाट टीका, जमरा र आशीर्वाद ग्रहण गर्ने राष्ट्रपतिका प्रेस सल्लाहकार किरण पोखरेलले जानकारी दिए ।विगतमा वर्षहरूमा राष्ट्रपतिले सर्वसाधारणलाई टीका लगाइदिने गरेको भएपनि गत वर्षदेखि मुलुकले विषम परिस्थितिको सामना गर्नु परेको र शान्तिपूर्ण तथा हर्षोउल्लासको वातावरण नभएको हुँदा उक्त कार्यक्रम गरिएको छैन ।...

नेपालअखबार,काठमाडौँ । शरद ऋतुमा बगैँचा सफा गर्दा सबै बिरुवा काटेर हटाउनु आवश्यक छैन । केही बारहमासी बिरुवालाई जाडोभरि उभिएकै अवस्थामा छोड्दा चराचुरुङ्गी र लाभदायक कीराले खाना तथा आश्रय पाउँछन् भने केही बिरुवा काटेर हटाउँदा रोग र कीराको प्रकोपबाट जोगाउन सकिन्छ । त्यसैले कुन बिरुवा राख्ने र कुन हटाउने भन्ने सही निर्णयले बगैँचाको स्वास्थ्य, रोग नियन्त्रण र अर्को वर्षको फूल फुल्ने क्षमतामा महत्त्वपूर्ण प्रभाव पार्छ । जाडोमा बीउका टाउका भएका बारहमासी बिरुवा छोड्दा बसाइँ नसर्ने चराले खाना पाउँछन् भने परागसेचन गर्ने तथा अन्य लाभदायक कीराले आश्रय पाउँछन् । एलियम, एस्टर, ठूला पात भएको लुपिन, ब्ल्याक आइड सुसन, चकलेट फ्लावर, कन्फ्लावर, गोल्डेनरोड, मिल्कवीड, र्‍याटलस्नेक मास्टर, स्निजविड र ट्रम्पेट बेलजस्ता बिरुवा यसका उदाहरण हुन् । वसन्तमा फूल फुल्ने धेरैजसो झाडीले अघिल्लो वर्ष बढेका हाँगामा...

नेपालअखबार, काठमाडौं । अमेरिकाले युक्रेनलाई रूसी क्षेप्यास्त्र आक्रमणबाट जोगिन सहयोग गर्ने महत्त्वपूर्ण गुप्तचर सूचना उपलब्ध गराउने काम पुनः सुरू गरेको युक्रेनी राष्ट्रपति भोलोदिमिर जेलेन्स्कीले बताएका छन्। आइतबार प्रकाशित अन्तर्वार्तामा जेलेन्स्कीले अमेरिकाबाट गुप्तचर सूचना आदानप्रदान गर्ने काम केही समय अवरूद्ध भए पनि पछि पुनः सुरू भएको बताएका हुन्। ‘यसका लागि हामी निकै आभारी छौं। अहिले यो काम भइरहेको छ,’ उनले अमेरिकी टेलिभिजन एनबीसीको कार्यक्रम ‘मिट द प्रेस’ मा भने। युक्रेनले आफ्ना सहरहरूमा रूसले निरन्तर प्रहार गर्दै आएका तीव्र गतिका ब्यालिस्टिक क्षेप्यास्त्र पहिचान गर्न अमेरिकी गुप्तचर सूचनामा भर पर्दै आएको छ। अमेरिकी राष्ट्रपति डोनाल्ड ट्रम्पले यसै साता वासिङ्टनले युक्रेनसँग गुप्तचर सूचना आदानप्रदान गरिरहेको बताएका थिए। तर, केही रूसी आक्रमण हुनुअघि चेतावनी नपाएको युक्रेनी अधिक...

नेपालअखबार, काठमाडौं । चोरी गरेर भागेपछि घटनास्थलमा कुनै प्रमाण नछाडेको ठानेर अपराधी ढुक्क हुन सक्छन्। तर उनीहरूले हावामा समेत आफ्नो पहिचान खुल्ने जैविक प्रमाण छाडिरहेका हुन सक्छन्। हावामा तैरिरहेका डिएनएका सुक्ष्म अंश विश्लेषण गरेर चोरीको घटनामा संलग्न व्यक्तिको पहिचान गर्न सकिने सम्भावना एक अध्ययनले देखाएको दी इकोनोमिस्टले जनाएको छ। फरेन्सिक साइन्स इन्टरनेसनल: जेनेटिक्स नामक वैज्ञानिक जर्नलमा प्रकाशित सो अध्ययन अनुसार, नक्कली चोरीको अभ्यासमा सहभागी व्यक्तिहरूलाई उनीहरू घटनास्थलबाट गएको ३० मिनेटपछि संकलन गरिएको हावाको नमूनाबाट समेत पहिचान गर्न सकिएको छ। उसो त हावामा भेटिएको डिएनएले मात्रै कसैले अपराध गरेको प्रमाणित गर्दैन। तर घटनास्थलमा कुनै व्यक्तिको उपस्थिति पुष्टि गर्न र अनुसन्धानलाई नयाँ दिशा दिन यसले सहयोग पुर्‍याउन सक्छ। हावामा कसरी पुग्छ मानिसको डिएनए? मानिस जहाँ जान...