विश्व

नेपालअखबार, काठमाडौं । युरोपियन युनियन (इयु) ले प्रविधि उद्योगसँगको लडाइँमा मंगलबार ठूलो सफलता हासिल गरेको छ। इयुको सर्वोच्च अदालत (कोर्ट अफ जस्टिस अफ द युरोपियन युनियन) ले एप्पल र गुगलसँगको पुरानो मुद्दामा आदेश दिएसँगै इयुले ठूलो सफलता हात पारेको हो। प्रतिस्पर्धालाई खुम्च्याएको भन्दै इयुको नियामक निकायले लामो समयदेखि एप्पल र गुगलमाथि कारबाही गर्दै आएको थियो। मंगलबार कोर्ट अफ जस्टिसले गरेको एप्पल सम्बन्धी आदेश इयुले सन् २०१६ मा सो कम्पनीलाई आयरल्याण्ड सरकारलाई १३ अर्ब युरो (आजको मूल्यमा करिब १४.४ अर्ब डलर) कर तिर्न दिएको आदेशसँग सम्बन्धित छ। एप्पल र आयरल्याण्ड सरकारबीचको गैरकानुनी सहमतिले करमा भारी छुट दिएर युरोपमा व्यवसाय गर्न दिएको आरोप थियो। यसरी गैरकानुनी काम गरेको भन्दै इयुले आयरल्याण्ड सरकारलाई सो रकम तिर्न एप्पललाई आदेश दिएको थियो। प्रति १० लाख युरोको नाफामा एप्पलले ५० य...

नेपालअखबार, काठमाडौं । भियतनाममा ‘यागी’ नाम दिइएको शक्तिशाली तुफानले ६० जनाभन्दा बढीको मृत्यु भएको छ । तुफानले फुथोक प्रान्तको फोङचाउ पुल भत्किँदा सवारी साधनहरु रेड नदीमा खस्दा कम्तिमा १३ जना बेपत्ता छन् । २४० भन्दा बढी मानिसहरु घाइते छन् । विद्यालयहरु बन्द गरिएको छ । तुफानले उत्तरी क्षेत्रको जनजीवन अस्तव्यस्त छ । ठाउँ–ठाउँमा बाढी र पहिरोले सडकहरु अवरुद्ध छन् । घरहरु उजाडिएका छन् । विद्युत आपूर्ति बन्द हुँदा १५ लाख भन्दा बढी मानिस प्रभावित भएका छन् । तटीय क्षेत्रबाट करिब ५० हजार जनालाई सुरक्षित स्थानमा सारिएको छ । तुफान शक्तिशाली र विनाशकारी भएकाले यसलाई ‘सुपर टाइफुन’ भनिएको छ । ‘सुपर टाइफुन’ शनिबार भियतनामको भूमिमा बज्रिएको थियो । यागी तुफानलाई भियतनाममा तीन दशकपछिको शक्तिशाली भनिएको छ । तुफानको वेग २०३ किलोमिटर प्रतिघण्टाको थियो । यो यस वर्ष एसियामा देखापरेको सबैभन्दा शक्तिशा...

नेपालअखबार, काठमाडौं । जलवायु परिवर्तनसम्बन्धी संयुक्त राष्ट्रसंघीय संरचना महासन्धि (युएनएफसीसीसी) का पक्ष राष्ट्रहरुको २९औँ सम्मेलन (कोप–२९) ‘जलवायु वित्त’का विषयमा बढी केन्द्रित हुने भएको छ । कोप–२९ आगामी नोभेम्बर ११ देखि २२ तारिख (आगामी कात्तिक २६ देखि मंसिर ७ गते) सम्म अरजरबैजानको बाकुमा हुँदैछ । यो सम्मेलनमा ‘क्लाइमेट फाइनान्स’ र ‘कार्बन क्रेडिट’का विषय छलफलको सबैभन्दा प्राथमिक सूचीमा रहेकाले पनि यस सम्मेलनलाई फाइनान्स कोप भनिएको हो । वन तथा वतावरण मन्त्रालयको जलवायु परिवर्तत व्यवस्थापन महाशाखाका प्रमुख एवं सहसचिव डा बुद्धिसागर पौडेलले कोप–२९ मा ‘क्लाइमेट फाइनान्स’ र ‘कार्बन क्रेडिट’ विषयलाई अन्तिम रुपम दिने र रकमको स्रोतसमेत निर्धारण गर्ने काम हुने भएकाले यो सम्मेलन जलवायु वित्तका दृष्टिकोणले महत्वपूर्ण हुने बताए । ‘जलवायु वित्तमा नयाँ सामूहिक परिमाणित लक्ष्य (एनसिक्यूजी) ला...

नेपालअखबार,   टोकियो । जापानमा यो वर्षको पहिलो छ महिनामा करिब ४० हजार मानिसहरू घरमा एक्लै मरेका छन् । यो तथ्याङ्क जापानी प्रहरीको प्रतिवेदनमा दिइएको हो । राष्ट्रिय प्रहरी एजेन्सीका अनुसार तीमध्ये करिब ४ हजार जनाको शव मृत्यु भएको एक महिनापछि फेला परेको थियो भने १ सय ३० जनाको शव झण्डै एक वर्षदेखि बेपत्ता रहेका थिए । संयुक्त राष्ट्रसंघका अनुसार हाल जापानमा सबैभन्दा बढी वृद्ध जनसङ्ख्या रहेको छ । अनि एक्लोपन पनि त्यहाँ एक गम्भीर समस्या हो। जापानी प्रहरी एजेन्सीले प्रतिवेदनले देशमा एक्लै बस्ने र एक्लै मर्न बाध्य हुने वृद्धवृद्धाहरूको समस्यालाई उजागर गर्न मद्दत गर्ने आशा गरेको छ। राष्ट्रिय प्रहरी एजेन्सीको तथ्याङ्क अनुसार घरमा एक्लै बस्ने करिब ३७ हजार २२७ व्यक्ति मृत अवस्थामा फेला परेका छन् । यी मध्ये ७० प्रतिशत व्यक्ति ६५ वा माथिका थिए। करिब ४० प्रतिशत मानिसको शव एकै दिनमा फेला ...

नेपालअखबार, काठमाडौं । बोत्स्वानामा विश्वकै दोस्रो ठूलो हिरा फेला परेको छ। बिबिसीका अनुसार क्यानेडियन फर्म लुकारा डायमन्ड कर्पोरेसनको स्वामित्वमा रहेको बोत्स्वानास्थित खानीमा २,४९२ क्यारेट हिरा फेला परेको हो। सन् १९०५ मा दक्षिण अफ्रिकामा फेला परेको ३,१०६ क्यारेटको कुलिनन हिरा अहिलेसम्मकै सबभन्दा ठूलो हो। यसलाई काटेर नौवटा पत्थर बनाइएको थियो। तीमध्ये धेरै बेलायती राजमुकुटहरूमा जडित छन्। अहिले फेला परेको हिरा कुलिननपछिको दोस्रो ठूलो हो। लुकारा डायमन्ड कम्पनीले एक विज्ञप्ति जारी गर्दै यो हिरा फेला परेको जानकारी दिएको हो। 'यो असाधारण २,४९२ क्यारेटको हिरा फेला परेकोमा हामी अत्यन्तै खुसी छौं,' लुकाराका अध्यक्ष विलियम ल्याम्बले विज्ञप्तिमा भनेका छन्। कम्पनीले सार्वजनिक गरेको तस्बिरअनुसार यो हिरा मानिसको हत्केलाभरिको छ। लुकाराले मेगा डायमन्ड रिकभरी एक्स-रे प्रविधि प्रयोग गरेर यो हिर...

नेपालअखबार,काठमाडौं । अमेरिकाको कट्टर विरोधी इरानले राष्ट्रपति पदको निर्वाचन अभियान ह्याक गरेको पुष्टि भएको छ । एक हप्ता अघि नै डोनाल्ड ट्रम्पका अभियन्ताले साइबर महला भएको बताए पनि सरकारी अधिकारीहरुबाट पुष्टि भएको थिएन । तर अमेरिकाको संघीय अनुसन्धान व्युरो (एफबीआई)ले पनि त्यसको पुष्टि गरेको बीबीसीले जनाएको छ । एफबीआई र अन्य संघीय एजेन्सीहरुले संयुक्त विज्ञप्ति जारी गरेर भनेका छन्, ‘इरानले हाम्रो लोकतान्त्रिक संस्थानहरुमा मतभेद र अविश्वास सिर्जना गर्न अमेरिकी चुनावमा हस्तक्षेप गर्ने निर्णय गरेको छ ।’ यसै महिनाको सुरुवातमा ट्रम्पका अभियन्ताहरुले चुनाव प्रचार अभियानको वेबसाइट ह्याक गरेर गोप्य दस्तावेज लिक गर्ने र फैलाउने काममा इरानका व्यक्तिहरुको संलग्नता भएको आरोप लगाएका थिए । तर इरानले त्यसको खण्डन गरेको थियो । विश्वको दिग्गज आईटी कम्पनी माइक्रोसफ्टले हप्ता दिन अगाडि अमेरिकी राष्ट्...

नेपालअखबार, काठमाडौं । रुसको कामचट्का प्रान्तमा शक्तिशाली भूकम्प गएपछि ज्वालामुखी विष्फोट भएको छ । तटीय क्षेत्रमा सुनामीको चेतावनी पनि जारी गरिएको छ । अधिकारीहरुका अनुसार आइतबार बिहान करिब सात बजेतिर कामचटका प्रान्तको पेट्रोपावलोव्स्क–कामचत्स्की शहरबाट करिब ९० किलोमिटर पूर्व समुद्री तटमा ७ म्याग्निच्युडको भूकम्प गएको थियो । भूकम्पपछि शिवलुच क्षेत्रमा ज्वालामुखी विष्फोट भएको रुसको सरकारी सन्चार माध्यम तासले जनाएको छ । त्यसबाट निस्किएको खरानी समुद्री सतहबाट करिब आठ किलोमिटर माथिसम्म फैलिएको छ । त्यहाँबाट लावा पनि बाहिरिएको छ । सीएनएनका अनुसार शिवलुच ज्वालामुखी भूकम्पको केन्द्र पेट्रोपावलोव्स्क–कामचत्स्कीबाट करिब २८० माइल टाढा छ । पेट्रोपावलोव्स्क–कामचत्स्की तटीय शहर हो । यहाँ करिब १ लाख ८१ हजार जनसंख्या छ । यो कामचटका प्रान्तमा पर्दछ ।...

नेपालअखबार,मस्को । रुसको कुर्स्क क्षेत्रमा आक्रमण जारी राख्दै युक्रेनले सीम नदीमा रहेको एउटा पुल भत्काएको छ । ग्लुसकोवो सहर नजिकै युक्रेनी सेनाको यो कारबाहीका कारण सहरको एक भागको अन्य स्थानबाट सम्पर्कविच्छेद भएको रुसी अधिकारीहरूलाई उद्धृत गर्दै बताइएको हो । युक्रेनी सेनाले भत्काएको उक्त पुल रुसी सैनिकलाई अत्यावश्यक सामान आपूर्ति गर्न प्रयोग गरिँदै आएको थियो । युक्रेनी राष्ट्रपति भ्लादोमिर जेलेन्स्कीका अनुसार आफ्नो सेनाले कुर्स्कमा उपस्थिति बलियो बनाउँदै गएको छ । कुर्स्क क्षेत्रको बदलामा उनीहरूले रुसलाई युक्रेनी भूभागमाथिको आफ्नो कब्जा त्याग्न पनि माग गर्न सक्ने  जेलेन्स्कीले बताएका छन् । यसअघि युक्रेनका शीर्ष कमाण्डर ओलेक्जेन्डर सिर्स्कीले युक्रेनी सेनाले रुसको कुर्स्क क्षेत्रमा आफ्नो सैन्य कार्यालय स्थापना गरेको बताएका थिए । सिर्स्कीका अनुसार सेनाले यस कार्यालयबाट रुसमाथि हमला गर्...

नेपालअखबार,  मस्को । रुसको एक अदालतले युक्रेनलाई समर्थन गर्ने संस्थालाई ५१ अमेरिकी डलर (आजको मूल्यअनुसार ६ हजार ८४९ रुपैयाँ) दान गरेको आरोपमा एक महिलालाई १२ वर्ष जेल सजाय सुनाएको छ । ‘देशद्रोह’ गरेको ठहर गर्दै ३३ वर्षीया क्सेनिया क्यारेलिनालाई उक्त जेल सजाय सुनाइएको हो । अमेरिकी र रुसी नागरिकता बोक्ने क्यारेलिनाले गत हप्ता बन्द इजलासमा गरिएको सुनुवाइमा आफ्नो गल्ती स्वीकार गरेकी थिइन् । अमेरिकाको लस एन्जलिसमा बस्दै आएकी उनले सन् २०२१ मा त्यहाँको नागरिकता लिएकी थिइन् । गत जनवरीमा परिवारलाई भेट्न रुस आएको बेला उनलाई पक्राउ गरिएको थियो । उनलाई राजधानी मस्कोबाट १ हजार ६०० किलोमिटर पूर्वमा रहेको येकाटेरिनबर्गबाट नियन्त्रणमा लिइएको थियो । अभियोजकहरुले उनलाई १५ वर्ष जेल सजाय हुनुपर्ने माग गरे पनि येकाटेरिनबर्ग अदालतले उनलाई १२ वर्षको सजाय सुनाएको थियो । उनीमाथि युक्रेनको सेनालाई हतियार उप...

नेपालअखबार, काठमाडौँ । उत्तर कोरियाले विदेशी पर्यटकका लागि खुला गर्ने भएको छ। कोरोना भाइरसको महामारी सुरू भएपछि सीमा नाका बन्द गरेको उत्तर कोरियाले पर्यटकका लागि एउटा सहर खुला गर्ने भएको बिबिसीले जनाएको छ। चीनमा रहेको दुई वटा टुर अपरेटरहरूले उत्तर कोरियाको हिमाली शहर साम्जियोन भ्रमणका लागि खुला हुने घोषणा गरेको हो। उत्तर कोरियाले कोरोना महामारी सुरू भएलगत्तै सन् २०२० देखि नै आफ्ना सीमा नाकाहरू बन्द गरेको थियो। गत वर्षदेखि मात्रै यसले खुकुलो पार्दै गएको हो। सीमा नाका बन्द गरेपछि अत्यावश्यक वस्तुको आयात रोकिएको थियो। जसले गर्दा त्यहाँ खाद्य अभाव समेत भएको थियो। ‘अहिलेसम्म साम्जियोन सहर खुल्ने आधिकारिक रूपमा पुष्टि भएको छ। यद्यपि प्याङयोङ र अन्य शहरहरू पनि पर्यटकका लागि खुल्छ भन्ने लाग्छ,’ शेनयाङको केटिजी टुरले फेसबुकमा लेखेका छन्।  बेइजिङको कोर्यो टुरले पनि भ्रमण गर्न सकिनेबार...