समाचार

नेपालअखबार, तनहुँ । नेपाली कांग्रेस तनहुँले आगामी फागुन २१ गते हुने प्रतिनिधिसभा सदस्य निर्वाचनका लागि दुवै क्षेत्रबाट उम्मेदवार सिफारिस गरेको छ । पार्टीको शुक्रबार सम्पन्न जिल्ला कार्यसमितिको बैठकले क्षेत्र नम्बर १ र २ बाट प्रत्यक्षतर्फ प्रतिनिधिसभा सदस्य उम्मेदवार, समानुपातिक उम्मेदवार र राष्ट्रियसभा सदस्य उम्मेदवार सिफारिस गरेको हो । क्षेत्र नम्बर १ बाट प्रत्यक्षतर्फ केन्द्रीय सदस्य गोविन्द भट्टराईसहित १० जना सिफारिस गरिएको पार्टीका सचिव लक्ष्मीभक्त खनालले जानकारी दिए । यस्तै क्षेत्र नम्बर २ बाट केन्द्रीय सदस्य शङ्कर भण्डारीसहित सात जनाको नाम सिफारिस गरिएको छ । खनालका अनुसार राष्ट्रियसभाका लागि केन्द्रीय सदस्य ध्रुव वाग्लेसहित सात जनाको नाम सिफारिस गरिएको छ । क्षेत्र नम्बर १ प्रतिनिधिसभा सदस्य प्रत्यक्षतर्फ गोविन्द भट्टराई, रामचन्द्र पोख्रेल, सरिता गुरुङ, दीपक भट्टराई, डा जगदीश...

नेपालअखबार, रौतहट । रौतहटको माधवनारायण नगरपालिका–६ माधोपुरमा विद्युत् सर्ट भएर आगलागी हुँदा एक फुसको घर पूर्ण रूपमा जलेर नष्ट भएको छ। शुक्रवार राति करिब ११ः५० बजे सतनारायण यादवका  ४० वर्षीय छोरा भोजेन्द्र राय यादवको खरको छानो भएको फुसको घरमा घरभित्रकै विद्युत् तार सर्ट भई आगो लागेको हो। आगलागीबाट घरभित्र रहेको धान, गहुँ, गरगहना, फर्निचर, लत्ताकपडा तथा नगद १ लाख ५० हजार रुपैयाँसहित करिब ८ लाख रुपैयाँ बराबरको क्षति भएको प्रारम्भिक अनुमान गरिएको जिल्ला प्रहरी प्रवक्ता डिएसपी विष्णुप्रदीप बस्यालले बताएका छन्। घटनामा कुनै मानवीय वा चौपाया क्षति नभएको प्रहरीको भनाइ छ।आगलागीको खबर प्राप्त हुनासाथ प्रहरी चौकी माधोपुरबाट  खटिएको टोली तथा स्थानीय बासिन्दाको सहयोगमा करिब १२ः५५ बजे आगो पूर्ण रूपमा नियन्त्रणमा लिइएको प्रहरीले जनाएको छ। घटना सम्बन्धी थप अनुसन्धान भइरहेको जिल्ला प्रहरी कार्या...

नेपालअखबार, काठमाडौँ । त्रिभुवन विश्वविद्यालय (त्रिवि)को ५१ औं दीक्षान्त समारोह आगामी पुस १० गते हुने भएको छ। परीक्षा नियन्त्रण कार्यालय बल्खुले सूचना जारी गर्दै दीक्षान्त समारोह २०२५ डिसेम्बर २५ अर्थात् पुस १० गते बिहीबार दशरथ रंगशालामा सम्पन्न हुनेछ। समारोहमा सहभागी हुने विद्यार्थीहरूले बिहान ९ बजेदेखि समारोह स्थलमा प्रवेश गर्नुपर्नेछ। विद्यावारिधि (पीएचडी) उपाधि तथा दीक्षान्त पदक प्राप्त गर्ने विद्यार्थीहरूलाई अगाडिको पंक्तिमा नाम उल्लेखित सिटमा बस्ने व्यवस्था मिलाइएको छ। दीक्षान्त समारोहका लागि गाउन, स्कार्फ तथा टोपी वितरण पुस ९ गतेदेखि पुस ८ गतेसम्म बिहान ९ बजेदेखि अपराह्न ४ बजेसम्म परीक्षा नियन्त्रण कार्यालय बल्खुमा हुनेछ। गाउन लिन आउँदा दीक्षान्त समारोहमा सहभागी हुनका लागि अनलाइन फाराम भरेको गाउन कलेक्सन कार्ड र पार्टिसिपेसन फाराम अनिवार्य रूपमा ल्याउनुपर्ने त्रिविले ...

नेपालअखबार, मोरङ । हात्तीको आक्रमणबाट मोरङको सुन्दरहरैचामा एक जनाको मृत्यु भएको छ।सुन्दरहरैचा नगरपालिका–१२ बिराटचोकका ६० वर्षीय भवकृष्ण घिमिरेको घटनस्थलमै मृत्यु भएको प्रहरीले जनाएको छ। इलाका प्रहरी कार्यालय बेलबारीका प्रमुख प्रहरी निरिक्षक राजिव गिरीका अनुसार घिमिरे दूध बिक्रीका लागि स्थानीय डेरीमा जाने क्रममा जङ्गली हात्तीको आक्रमणमा परेका थिए। आज बिहान करिव ६:३० बजे बिराटचोकस्थित बस्तीको बीचमै घिमिरेलाई आक्रमण गरेको थियो।...

नेपालअखबार, काठमाडौं । प्रधानमन्त्री सुशीला कार्कीले नेपाल प्रिमियर लिग (एनपीएल) को उपाधिका लागि फाइनल खेलमा प्रतिष्पर्धा गरिरहेका दुवै टिमलाई शुभकामना दिएकी छन् । त्रिवि अन्तर्राष्ट्रिय क्रिकेट रंगशालामा शनिबार उपाधिका लागि प्रतिष्पर्धा गरिरहेका लुम्बिनी लायन्स र सुदूरपश्चिम रोयल्सलाई उनले सोसल मिडिया प्लेटफर्म एक्समार्फत् शुभकामना दिएकी हुन् । ‘सुदूरपश्चिम रोयल्स र लुम्बिनी लायन्स दुवैलाई शुभकामना । यस उत्सवले सिंगो देशलाई जिताएको छ, जगाएको छ,’ प्रधानमन्त्री कार्कीले लेखेकी छन्, ‘सारा नेपालीलाई जोड्दै, सुरक्षा संशय चिर्दै नेपाल शान्त, सुन्दर र सक्षम छ भन्ने सन्देश विश्वभर पुर्‍याएको छ ।’ लुम्बिनी लायन्स नेपालको राष्ट्रिय टोलीका कप्तान रोहित पौडेलको कप्तानीमा रहेको छ भने सुदूरपश्चिमको नेतृत्व गरिरहेका दिपेन्द्रसिंह ऐरी राष्ट्रिय टोलीका उपकप्तान हुन् । लायन्स र रोयल्सबीचको खेल दिउँसो स...

नेपालअखबार, काठमाडौँ । पाकिस्तानका सेना प्रमुख असीम मुनिरका पूर्वप्रतिद्वन्दी तथा जासुसी संस्था आईएसआईका प्रमुखलाई १४ वर्षको जेल सजाय दिइएको छ। पाकिस्तानको एक सैन्य अदालतले जनरल फैज हमीदलाई १४ वर्षको जेल सजाय सुनाएको भनेर फाइनान्सियल टाइम्सले जनाएको छ। हमीद एक समय मुनिरका प्रमुख प्रतिस्पर्धी थिए। हाल जेलमा रहेका तत्कालीन प्रधानमन्त्री इमरान खानले २०१९ मा मुनिरलाई हटाएर हमीदलाई आईएसआईका प्रमुख बनाएका थिए। आईएसआईका प्रमुखलाई पाकिस्तानमा सेना प्रमुखपछि सबैभन्दा शक्तिशाली सैनिक अधिकृत मानिन्छ। खान प्रधानमन्त्री भएका बेला हमीदलाई भावी सेना प्रमुखका रूपमा लिइन्थ्यो। तर सेनाको पहलमा खानको सरकार अप्रिल २०२२ मा अविश्वासको मतबाट ढलेको केही महिनापछि मुनिर सेना प्रमुख भएका थिए। सेनाविरूद्ध खानले २०२३ मा गरेको देशव्यापी आन्दोलनमा साथ दिएको भनेर हमीदलाई पनि खानलाई जस्तै गिरफ्तार गरि...

नेपालअखबार, रौतहट । भौतिक पूर्वाधार तथा यातायात, सहरी विकास एवं ऊर्जामन्त्री कुलमान घिसिङले आगामी फागुन २१ गते हुने प्रतिनिधिसभाको निर्वाचनमा सही नेतृत्व चयन गर्न आग्रह गरेका छन्। रौतहटको चन्द्रपुर–८ मर्धरमा शुक्रबार ‘जन्मदिनलाई सतकर्ममा जोडौँ’ अभियान अन्तर्गत आयोजित वृक्षरोपण जन्मोत्सव कार्यक्रमको उद्घाटन गर्दै मन्त्री घिसिङले देशको परिवर्तनका लागि राजनीतिक नेतृत्व सही हुनुपर्ने बताएका हुन्। उनले देशले नयाँ र सक्षम नेतृत्व खोजिरहेको अवस्थामा आउँदो निर्वाचनमा देशलाई माया गर्ने र देशप्रति समर्पित नेतृत्व छान्नसमेत आग्रह गरे। जनताका आशा र अपेक्षा धेरै भएको बताउँदै मन्त्री घिसिङले भने, “तीन महिनाभित्र सक्ने किसिमको काम हामी गरेर देखाउँछौँ, तर तीन महिनापछि पनि धेरै काम गर्नुपर्ने हुँदा सही नेतृत्व छान्ने काम जनताको हो।” उनले काम गर्न नसक्ने निर्माण व्यवसायीलाई धमाधम कारबाही गरिरहेको उ...

नेपालअखबार, काठमाडौँ । नेकपा (एमाले) का अध्यक्ष तथा निवर्तमान प्रधानमन्त्री केपी शर्मा ओलीले साहित्यले समाजको पथप्रदर्शक गर्नुपर्ने बताएका छन्। शुक्रबार पार्टी मुख्यालय च्यासलमा 'युगदुत' नामक पुस्तकको विमोचन गर्दै उनले साहित्य केवल आत्मसन्तुष्टिका लागि मात्रै हुन नहुने धारणा राखेका हुन्। अध्यक्ष ओलीले साहित्य समाज र मानव जीवनका लागि उद्देश्यमूलक अनुभूतिहरूको अभिव्यक्ति, अनुभवहरूको सङ्गालो, भावनाहरूको गहिराइ तथा चिन्तनको उडाइहरू मिसिएको हुनुपर्ने बताए। उनले विश्वका विभिन्न क्रान्तिको प्रेरणाको स्रोत साहित्य भएको कुरासमेत स्मरण गराए। ओलीले भने, "साहित्यलाई गन्तव्यविहीन साहित्य होइन, खाली आत्मसन्तुष्टिका लागि साहित्य होइन, साहित्य समाजका लागि, मानव जीवनका लागि उद्देश्यमूलक अनुभूतिहरूको अभिव्यक्ति, अनुभवहरूको सङ्गालो, भावनाहरूको गहिराइ, चिन्तनको उडाइ यी सबै कुराहरू मिसिएको हुनुपर्दछ।" ...

नेपालअखबार, काठमाडौँ । नेपाली कम्युनिस्ट पार्टीका नेता तथा पूर्वमन्त्री राजेन्द्रप्रसाद पाण्डेले नेकपा एमाले भित्रका असन्तुष्ट पक्षलाई मिलाएर राख्न अध्यक्ष केपी ओलीलाई सुझाव दिएका छन् । शनिबारदेखि सुरु हुने एमालेको ११ औँ महाधिवेशनबारे प्रतिक्रिया दिँदै पाण्डेले ओलीलाई सुझाव दिएका हुन् । एकता सन्देश सभालाई सम्बोधन गर्न गोरखा पुगेका उनले भने– ‘हामीलाई त पेलेर पार्टीबाट निस्कन बाध्य बनाउनुभयो । तर बाँकी रहेकालाई पनि निस्कन बाध्य नपार्नोस् । सबैलाई मिलाएर राख्नोस् । यही सुझाव छ ।’ नयाँ नेतृत्वको लागि हुन लागेको यो महाधिवेशनबाट पुनः ओलीलाई नै अध्यक्ष बनाउने गरी विधान संशोधन गरेपछि वरिष्ठ उपाध्यक्ष ईश्वर पोखरेल समूह असन्तुष्ट देखिएका छन् । पूर्वराष्ट्रपति विद्यादेवी भण्डारीको सदस्यता नवीकरण नभएपछि अन्तरविरोध चर्किएको छ । महाधिवेशनको पूर्व सन्ध्यामा दुवै पक्षले आ-आफ्ना तयारी थालेका छन् ।...

नेपालअखबार,काठमाडाैँ । नेपाल राष्ट्र बैंकले ६ अर्ब ६० करोड लगानी गर्ने भएको छ । राष्ट्र बैंकले उपदान तथा पेन्सन कोषमा रहेको उक्त रकम वाणिज्य बैंक, विकास बैंक र वित्त कम्पनीमा लगानी गर्ने भएको हो । केन्द्रीय बैंककाअनुसार ‘क’ वर्गका वाणिज्य बैंक, ‘ख’ वर्गका राष्ट्रिय स्तरका विकास बैंक र ‘ग’ वर्गका राष्ट्रियस्तरका वित्त कम्पनीमा उक्त परिमाण बराबर रकम मुद्दति निक्षेपमा लगानी गरिने छ । वाणिज्य बैंकमा ५ अर्ब २८ करोड , विकास बैंकमा ९९ करोड र वित्त कम्पनीमा ३३ करोड मुद्दती निक्षेपमा लगानी गरिनेछ । १८ डिसेम्बर २०२५ देखि १८ डिसेम्बर २०२६ सम्म ३ सय ६६ दिनको मुद्दति निक्षेपमा उक्त रकम लगानी गर्न लागिएको केन्द्रीय बैंकले जनाएको छ । निक्षेपमा रकम लिन चाहने बैंक तथा वित्तीय संस्था सञ्चालनमा आएको कम्तीमा दुई वर्ष पूरा भएको हुनुपर्ने, राष्ट्र बैंकबाट तोकिएको न्युनतम पुँजीकोष कायम गरेको हुनुपर्ने, निष...