विश्व

नेपालअखबार,काठमाडौं । इजरायल र लेबनानबीच युद्धविरामको सम्झौता गर्ने तयारी भइरहेको छ । यसबारे छलफल गर्न इजरायलको मन्त्रिपरिषद् बैठक बस्दै छ । यो बैठकमा ६० दिन युद्धविराम गर्ने र लेबनानको भूमिबाट इजरायली सेना फिर्ता हुने प्रस्तावबारे छलफल हुने बीबीसीले जनाएको छ । इजरायलले लेबनानमा रहेका इरान समर्थित लडाकु समूह हिजबुल्लाहमाथि आक्रमण गर्दै आएको छ । प्रत्युत्तरमा लेबनानले पनि इजरायलमाथि आक्रमण गर्दै आएको छ । गत आइतबार मात्रै लेबनानको भूमिबाट हिजबुल्लाहले इजरायलमाथि २५० रकेट प्रहार गरेको थियो । अमेरिकी अधिकारीले इजरायल–लेबनानबीच युद्धविरामको सम्भावनाबारे अभिव्यक्ति दिएका छन् । अमेरिकाको राष्ट्रिय सुरक्षा परिषदका प्रवक्ता जोन किर्बीले भनेका छन्, ‘हामी युद्धविराम गर्ने सहमतिको बिन्दु नजिकै पुगेका छौं ।’ अमेरिकी समाचार वेबसाइट एक्सियोस ने लेखेको छ, ‘इजरायल–हिजबुल्लाहबीच जारी युद्ध ...

नेपालअखबार , काठमाडौं । अमेरिकामा एउटा केरा ६२ लाख डलर (८३ करोड रुपैयाँ भन्दा बढी) मा बिक्री भएको छ। क्रिप्टोकरेन्सीका व्यवसायी जस्टिन सनले लिलामीमा राखिएको एउटा केरा ६२ लाख डलरको बोली लगाएर किनेका हुन्। यो केरालाई इटालियन कलाकार एवं व्यंग्यकार मौरिजियो क्याटेलानले ‘कमेडियन’ नाम दिएर कलाकृतिको रूपमा प्रस्तुत गरेका थिए। न्यूयोर्कमा रहेको चर्चित अक्सन हाउस सदबिजमा यसको लिलामी भएको हो। केरालाई एक भित्तामा टेपले टाँसिएको थियो। उक्त केरा किन्ने व्यक्ति क्रिप्टोकरेन्सी ट्रोनका संस्थापक सन हुन्। उनले यसको भुक्तानी पनि क्रिप्टोमार्फत गरेका हुन्। ‘यो कलाले भविष्यमा थप विचार र छलफललाई प्रेरित गर्ने र इतिहासको हिस्सा बन्नेमा म विश्वस्त छु,’ उनले सामाजिक सञ्जाल एक्समा लेखेका छन्। यस्तै उनले किनेको यो केरालाई खाने पनि ट्विटमा उल्लेख गरेका छन्। ‘आउने दिनमा अद्वितीय कलात्मक अनुभवको र...

नेपालअखबार,काठमाडौं । रूसले युक्रेनको राजधानी किभमा लामो दूरीको मिसाइलबाट आक्रमण गरेको छ । युक्रेनले रूसमा गरेको आक्रमणको दुई दिनपछि रूसले पनि पहिलोपटक युक्रेनमा इन्टरकन्टिनेन्टल ब्यालिस्टिक मिसाइल (आईसीबीएम) आक्रमण गरेको हो । रूसले हजारौं किलोमिटरको हतियारसहित पहिलो पटक हमला गरेको युक्रेनको वायुसेनाले बिहीबार जानकारी दिएको छ । रूसले गरेको आक्रमणबाट १६ र १७ वर्षका युवासहित १५ जना घाइते भएका बीबीसीले जनाएको छ । उनीहरूलाई उपचारका लागि अस्पताल भर्ना गरिएको छ । तर उनीहरूको स्वास्थ्य अवस्था बारे सूचना प्राप्त भइसकेको छैन । आईसीबीएमले ५ हजार ५०० किलोमिटरभन्दा बढीको दायरामा आक्रमण गर्न सक्छ । यो विशेषगरी आणविक हतियार प्रक्षेपण गर्न प्रयोग गरिने अन्तर्राष्ट्रिय सञ्चार माध्यमहरूले लेखेका छन् । युक्रेनले रूसमाथि बुधबार अमेरिकी र बेलायती मिसाइल स्टर्म शैडो क्रुजबाट आक्रमण गरेको थियो । एक ...

नेपालअखबार,काठमाडौं । रूसी राष्ट्रति भ्लादिमिर पुटिनले उत्तर कोरियालाई ७० वटा जीवजन्तु उपहार दिएका छन्। ‍ रूस मस्कोस्थित केन्द्रीय चिडियाखानामा रहेका विभिन्न ७० वटा जीवजन्तुलाई बुधबार उत्तर कोरिया पठाइएको हो। त्यसरी पठाइएको जीवजन्तुहरूमा एउटा अफ्रीकी सिंह, दुइटा भालु, याक र दर्जनौं प्रजातीका चराहरू रहेका छन्। मस्कोको चिडियाखानाबाट ती सबै उपहार एउटा कार्गो विमानमा लिएर रूसका वातावरणमन्त्री अलेक्जेन्डर कोज्लोफ बुधबार प्योङयाङ गएका थिए। प्योङयाङको एउटा सरकारी समाचार संस्थाले पनि पुटिनको उपहार प्राप्त भइसकेको उल्लेख गरेको छ।  बिबिसीका अनुसार युक्रेनविरूद्ध रूसी लडाईंमा सहभागी हुन उत्तर कोरियाले हजारौं सैनिक पठाएको खुलासा भएको केही सातामा पुटिनले किमलाई उपहार पठाएका हुन्। दुई देशबीचको सम्बन्ध सुमधुर रहेको सन्देश दिन रूस र उत्तर कोरियाले एक अर्कालाई जीवजन्तु उपहार पठाउँदै आएका छन्...

नेपालअखबार,काठमाडौं । युक्रेनले अमेरिकाबाट पाएको लामो दुरीको मिसाइल रुसी भूमिमा प्रहार गरेको छ । अमेरिकी राष्ट्रपति जो बाइडेनले लामो दुरीका मिसाइलबाट रुसी भूमिमा आक्रमण गर्न अनुमति दिएपछि युक्रेनले मंगलबार आक्रमण गरेको हो । युक्रेनले मंगलबार रुसको सीमावर्ती ब्रियान्स्क क्षेत्रमा ‘ए.टी.एसी.एम.एस.’ मिसाइलबाट आक्रमण गरेको रुसी रक्षा मन्त्रालयले जनाएको छ । युक्रेनले प्रहार गरेका ६ वटा मिसाइलहरुमध्ये ५ वटालाई आकाशमै ध्वस्त बनाएको पनि मन्त्रालयले जनाएको छ । तर त्यसका केही टुक्रा खस्दा एक सैन्य अड्डामा आगलागी भएको थियो । यद्यपि आगो तत्काल निभाइएकाले ठूलो क्षति नभएको रुसी अधिकारीहरुको भनाइ छ । रुससँग युद्ध सुरु भएको एक हजारौं दिनमा युक्रेनबाट पहिलोपटक लामो दुरीको हमला भएको हो । रुसले २४ फेब्रुअरी सन् २०२२ मा युक्रेनमाथि आक्रमण सुरु गरेको थियो । युक्रेनको यो आक्रमणबाट रुस क्रुद्ध भएको छ...

नेपालअखबार,काठमाडौं।  रूसी राष्‍ट्रपति भ्लादिमिर पुटिनले भारत भ्रमण गर्ने भएका छन्। भारतीय समाचार पत्र हिन्दुस्तान टाइम्सका अनुसार पुटिनले छिट्टै भ्रमण गर्ने भएको हो। तर मिति तय भने भइसकेको छैन। रूसी राष्ट्रपति कार्यालयका प्रवक्ता दिमित्री पेस्कोभले टाइम्ससँगको कुराकानीमा भ्रमणबारे जानकारी गराएका हुन्। ‘भ्लादिमिर पुटिनको भारत भ्रमण गर्ने मिति छिट्टै घोषणा हुन्छ र रूसले यसको तयारी थाल्नेछ,’ उनले भनेका छन्।...

नेपालअखबार,काठमाडौँ ।  यस वर्षको विश्वप्रसिद्ध ‘सिड्नी शान्ति पुरस्कार’ रेडक्रस तथा रेडक्रिसेन्ट सोसाइटीको अन्तर्राष्ट्रिय महासङ्घ (आइएफआरसी) लाई प्रदान गरिएको छ ।  सिड्नी विश्वविद्यालय अष्ट्रेलिया, सिड्नी पिस फाउण्डेशनद्वारा स्थापित सो पुरस्कार विश्वमा शान्ति, न्याय, अहिंसा तथा मानवीय सेवामा अतुलनीय योगदान पुर्याएबापत हरेक वर्ष प्रदान गरिन्छ । सिड्नीमा सोमबार आयोजित कार्यक्रममा आइएफआरसीका महासचिव जगन चापागाईँले सो पुरस्कार ग्रहण गरेको आइएफआरसीले जनाएको छ । आइएफआरसीको सर्वोच्च पद महासचिवमा पुग्ने चापागाईँ पहिलो नेपाली हुन् । रेडक्रस तथा रेडक्रिसेन्ट अभियानलाई सशक्त बनाउन उनले अतुलनीय नेतृत्व प्रदान गर्दै आएका छन् यही नेतृत्वका कारण महासचिवमा  दोस्रो कार्यकालका लागि पनि सेवारत हुनुहुन्छ । विशेष गरेर कोरोना महामारीका समयमा सङ्कटासन्न समुदायलाई मानवीय सहयोगका लागि विश्वव्यापी रूपमा उनले...

नेपालअखबार, काठमाडौं ।युक्रेनका राष्ट्रपति भोलोदिमिर जेलेन्स्कीले अमेरिकामा डोनाल्ड ट्रम्पले जिम्मेवारी सम्हालेपछि रूस-युक्रेन युद्ध चाँडै सकिने बताएका छन्। युक्रेनको सरकारी रेडियोसँगको कुराकानीमा जेलेन्स्कीले अब ह्वाइट हाउस नेतृत्व गर्ने टिमको नीतिले लडाइँ अन्त्य हुने बताएका हुन्। 'परिस्थिति कठिन छ। अब ह्वाइट हाउस नेतृत्व गर्ने टिमको नीतिले युक्रेनमा रूसको लडाइँ अन्त्य हुनेछ,' जेलेन्स्कीले भनेका छन्। युक्रेनमा रूसको लडाइँ अन्त्य ट्रम्पको प्रतिबद्धता समेत रहेको जेलेन्स्कीले स्मरण गराए। 'यो उनीहरुको दृष्टीकोण हो, समाजप्रति गरेको प्रतिबद्धता हो र उनीहरूका लागि यो महत्वपूर्ण पनि छ,' जेलेन्स्कीले भनेका छन्। जेलेन्स्कीले युक्रेनी भूभागमा अर्को वर्षभित्र युद्ध अन्त्य गर्नका लागि आफ्नो पक्षबाट भरमग्धुर प्रयत्न हुने बताए। ट्रम्पले जनवरीमा अमेरिकी राष्ट्रपतिको कार्यभार सम्हाल्नेछन...

नेपालअखबार,बेरुत । हिजबुल्लाहका मिडिया प्रमुख मोहम्मद अफिफ लेबनानको बेरुत सहरमा इजरायली हवाई आक्रमणमा मारिएका छन् । हिजबुल्लाहले यसको पुष्टि गरेको हो। लेबनानको स्वास्थ्य मन्त्रालयले इजरायली आक्रमणमा चार जनाको मृत्यु भएको बताए पनि मन्त्रालयले ती व्यक्तिहरू को थिए भन्ने बताएको छैन। मोहम्मद अफिफ सार्वजनिक रूपमा देखिने हिजबुल्लाहका थोरै नेता मध्ये थिए। अफिफ अन्तिम पटक गत सोमबार पत्रकार सम्मेलनमा देखिएका थिए ।इजरायली आक्रमणमा १४ जना घाइते भएको लेबनानको स्वास्थ्य मन्त्रालयले जनाएको छ इजरायल डिफेन्स फोर्स (आईडीएफ) ले आइतबार लेबनानको दक्षिणी उपनगरहरूमा हिजबुल्लाहको छवटा स्थानमा आक्रमण गरेको बताएको छ। इजरायलले गत हप्तादेखि आफ्नो आक्रमणलाई तीव्र पारेको छ। यसअघि हिजबुल्लाह नेता हसन नसरल्लाह पनि इजरायली आक्रमणमा मारिएका थिए।...

नेपालअखबार,तेल अभिभ । इजरायलका प्रधानमन्त्री बेन्जामिन नेतन्याहुको घरमा बम आक्रमण भएको छ । उत्तरी इजरायलको कैसरिया सहरमा रहेको नेतन्याहुको घरलाई निशाना बनाएर दुई वटा फ्याश बम प्रहार गरिएको थियो । बगैँचामा गएर खसेको बताइएको छ । प्रहरीले शनिवार यसको जानकारी दिएको थियो । आक्रमणको समयमा घरमा नेतन्याहु र उनको परिवारको सदस्य कोही पनि नभएकोले कसैलाई पनि क्षति भएको खबर नआएको प्रहरीले एक विज्ञप्तिमा भनेको छ । यस घटनापछि रिसाएका इजरायली रक्षा मन्त्री इजरायल काट्जले सबै रातो घेरा पार गरेको भन्दै माइक्रो ब्लगिङ वेबसाइट एक्समा एउटा पोस्ट गरेका छन् । सुरक्षा र अन्य न्यायिक निकायहरूलाई आवश्यक कदम उठाउन काट्जले भनेका छन् । एक्समा एउटा पोस्टमा इजरायली राष्ट्रपति इसहाक हर्जोगले पनि यो घटनाको निन्दा गर्दै यसबारे छानबिन भइरहेको बताएका छन् । अक्टोबरमा पनि नेतन्याहुको घरलाई निशाना बनाएर ड्रोन हमला गरिएको ...