बाराही घाट चोकमा सार्वजनिक शौचालय निर्माण नगर्न उच्च अदालतको आदेश
नेपालअखबार, पोखरा । उच्च अदालत पोखराले बाराही घाट चोकमा सार्वजनिक शौचालय निर्माणमा रोक लगाएको छ । सूर्य नेपालले निर्माण र एरोसन प्रालिले सञ्चालन गर्ने गरी शौचालय निर्माण गर्न दिने निर्णविरुद्ध ५ युवाले दिएको रिटको सुनुवाइ गर्दै उच्च अदालतले शौचालय निर्माणको काम अघि नबढाउन अन्तरिम आदेश दिएको हो ।
पोखरा महानगरपालिकाले तल्लो तलामा सार्वजनिक शौचालय र उपल्लो तलामा रेस्टुरेन्ट सञ्चालन गर्ने गरी १५ वर्षका लागि निजी कम्पनीलाई ठेक्का दिएको थियो ।
उक्त शौचालयको ११ जेठमा मेयर धनराज आचार्यले शिलान्यास गरेका थिए । सूचनाको हक प्रयोग गरेर माग गर्दा पनि डेढ करोड रुपैयाँमा निर्माण हुने भनिएको शौचालयको स्टिमेट र ठेक्का ममहानगरले नदिएको र यसमा मेयर आचार्यको स्वार्थ बाझिएको रिट निवेदक युवाहरुको भनाइ छ ।
युवा अभियन्ता अनिल थापा, राजेन्द्र अधिकारी, आनन्द कुँवर, कृष्ण बराल र राजेन्द्र बाटाजूले जनताले स...










