विदेश

नेपाल अखबार, एजेन्सि। इजिप्टकी एक हाई प्रोफाइल बेली डान्सर सामा एल–मैसीलाई सोसल मिडियामा अनैतिक र उत्तेजित भिडियो पोस्ट गरेको भन्दै जेल सजाय तोकिएको छ । काहिरलाई अदालतले उनीमाथि मानिसहरुलाई दुर्व्यवहार र अनैतिकताका लागि उक्साएको आरोपमा तीन वर्षको जेल सजाय र १८ हजार ६ सय डलर (२२ लाख रुपैयाँ) जरिवाना तोकेको छ । अल–मैसीलाई अप्रिलमा सोसल मिडियामा भिडियो र तस्बिरको अनुसन्धानको क्रममा पक्राउ गरिएको थियो । उनले आफ्नो भिडियो लोकप्रिय भिडियो सेयरिङ प्लेटफर्म टिकटकमा सेयर गरेकी थिइन् जसमा उनीमाथि सार्वजनिक रुपमा मानिसहरुलाई उत्तेजना बढाएको आरोप लगाइएको थियो । यस्तै ४२ वर्षे बेली डान्सरले यी आरोप अस्विकार गर्दै आफूलाई निर्दोष बताइन् । उनले उक्त भिडियो आफ्नो फोनबाट चोरिएको र उनको सहमति बिना नै साझा गरिएको बताइन् । काहिरालाई अदालतले शनिबार निर्णय सुनाउँदै उनले ‘अनैतिकता’ फैलाउने उद्देश्यले सोसल मिडियाम...

नेपाल अखबार, एजेन्सि । नेपालसँगको सीमा विवाद भारतलाई महँगो पर्न थालेको छ । भारतका व्यवसायी तथा कृषकहरु सीमा विवादको मारमा पर्न थालेको समाचार प्रकाशमा आएको हो । भारतको हिमाचल प्रदेश स्याउका लागि प्रख्यात छ । हिमाचल प्रदेशको स्याउ भारतका सबैजसो मुख्य बजारमा पुग्ने गर्दछ । स्याउको सिजन सुरु हुन थालेको छ । करिब एक महिनामा हिमाचल प्रदेशका स्याउ बजारमा जान तयार हुन्छन् । स्याउ किसान तथा व्यवसायीहरु भने यतिबेला छट्पटीमा परेका छन् । यो सिजनको स्याउ बजारमा कसरी पु-याउने भन्ने चिन्तामा उनीहरु छट्पटिन थालेका हुन् । करिब पाँच लाख नेपाली मजदूर हिमाचल प्रदेशमा स्याउको अर्थव्यवस्थाका मेरुदण्ड मानिन्छन् । अप्रिल यता नेपाली मजदूर स्याउ बगानमा फर्किएका छैनन् । सुरुमा कोरोना महामारी र लकडाउनले उनीहरु बगानमा पुग्न सकेका थिएनन् भने अहिले भारत–नेपाल सम्बन्ध बिग्रिएका कारण उनीहरु बगानमा फर्कने अनिश्चित बनेको हो...

नेपाल अखबार, एजेन्सी । भारतीय राजधानी नयाँ दिल्लीका सबै विद्यालय तथा शैक्षिक संस्थाहरु ३१ जुलाईसम्म बन्द हुने भएका छन् । कोरोना संक्रमण बढ्दै गएपछि दिल्ली सरकारले सबै विद्यालयहरु ३१ जुलाईसम्म बन्द गर्ने निर्णय दोहोर्याएको हो । लकडाउन सुरु भएदेखि सरकारले त्यहाँ पटक पटक शिक्षण संस्था बन्द गर्ने निर्णय गर्दै आएको छ । शुक्रबार साँझ उपमुख्यमन्त्री तथा शिक्षामन्त्री मनिष सिसोदियाले ३१ जुलाईम्म सबै शिक्षण संस्थाहरु बन्द गरिने निर्णय गरिएको बताए । राजधानीमा कोरोना संक्रमण बढिरहेका बेला सोही परिवेशलाई ध्यानमा राखेर जुलाई ३१ सम्म सबै निजी र सरकारी विद्यालयहरु बन्द गर्ने निर्ण गरिएको मन्त्री सिसोदियाले बताए ।...

नेपाल अखबार, काठमाडौं । विदेशमा अलपत्र नेपाली नागरिकको उद्दार गर्ने क्रममा शुक्रबार एक हजार दुई सय नेपाली काठमाडौं आउँदैछन् । बहराइन, युएई, कुवेत र मलेसियामा समस्यामा परेका नेपाली आउन लागेका हुन् । क्राइसिस म्यानेजमेन्ट सेन्टर (सीसीएमसी) का एक अधिकृतका अनुसार कुवेतबाहेक सबै मुलुकबाट शुक्रबार दुई/दुई वटा उडान हुँदैछन् । बहराइनको दुवै र मलेसियाको एउटा उडान नेपाल एयरलाइन्सको जहाजमार्फत हुँदैछ । युएईको हिमालयन र एयर अरेविया, कुवेतको जजिरा एयरलाइन्स र मलेसियाको एउटा उडान हिमालय एयरलाइन्सबाट हुँदैछ । उनीहरुलाई नेपाल ल्याएर काठमाडौं, भक्तपुर र ललितपुरमा राखिएका होल्डिङ सेन्टरमा लगिनेछ । त्यहाँ सेनाको व्यवस्थापनमा उनीहरुको सामान्य स्वाथ्य जाँच र विवरण लिने कार्य हुनेछ । त्यसपछि सम्बन्धित प्रदेशमा क्वारेन्टिनमा बस्ने गरी पठाइनेछ । विदेशबाट आउने नागरिकले पीसीआर रिपोर्ट ल्याएको खण्डमा उनीहरुले होम क...

नेपाल अखबार,  न्यु-यार्क, अमेरिका ।  गिरिजा प्रसाद कोइराला फाउण्डेशन अमेरिकाले समुदायलाई स्वस्थ र पोषिलो खानामा पहुँच दिलाउने उद्धेश्यले नि:शुल्क शुद्व तरकारीहरुको वितरण कार्यक्रम बिहीवार, जुन १८, २०२० बेलुका भव्यता का साथ सम्पन्न गरेको छ। सनिसाईडसाईन्स संस्था की कार्यकारी निर्देशक जेमि-फाए बिइनसँग सहकार्य गरी निशुल्क वितरण गरेकाछन्। वहाँ ले यसै फाउण्डेशन लाई २९ बक्स-३० पाउण्डको प्रतेक बक्स, जम्मा ८७० पाउण्ड शुद्व तरकारीहरु र ऐप्पल सहयोग स्वरुप प्रधान गर्नु भएको थियो र लगभग १०० जना नेपाली लगाएत सबै समुदायका मानिस हरुलाई वितरण गरेको जानकारी यसै फाउण्डेशन का अध्यक्ष सोमनाथ घिमिरेले दिनु भयो।फाउण्डेशन कै कार्यालय (72-24 ब्रोडवे, ज्याक्सन हाईट्स, न्युयोर्क) अगाडी बाट प्रथमतः का आधार मा लाईन अनुसार सामाजिक दुरी मा क्रमश: वितरण गरिएको थियो। फाउन्डेसन को निःशुल्क खाद्य सामग्री वितरण कार्यक्रममा...

नेपाल अखबार, काठमाडौँ । नेपालका लागि पूर्वभारतीय राजदूत रञ्जित रेले सीमा विवादका बारेमा नेपालसँग भारतले वार्ता गर्ने यो सही समय नभएको बताएका छन् । इकोनोमिक टाइम्स डट कममा प्रकाशित लेखमा उनले सीमा विवाद समाधान गर्न दुई देशबीच वार्ता आवश्यक रहेको जोड दिए पनि अहिलेको समय वार्ताका लागि उपयुक्त नभएको जिकिर गरेका हुन् । उनले लेखमा भनेका छन्, ‘प्रतिनिधिसभाबाट नेपालको नक्सा पास भएपछि प्रधानमन्त्री केपी ओलीले विवाद समाधानका लागि भारतसँग वार्ता गर्ने इच्छा व्यक्त गरेका छन् । आफू शक्तिशाली भएको स्थितिमा उनी वर्ताा गर्न चाहन्छन् । मेरो विचारमा दुई देशबीच वार्ताका लागि उपयुक्त समय भनेको संविधान संशोधनको प्रक्रिया अघि थियो । संविधान संशोधनले समस्याको समाधानलाई झनै  जटिल बनाइदिएको छ । अहिले वार्ताको प्रस्तावलाई स्वीकार गरेर प्रधानमन्त्री ओलीलाई अझै शक्तिशाली बनाउन हुँदैन ।’ उनले दुई देशबीच सीमा विवाद समा...

नेपाल अखबार, एजेन्सि। भारतमा कोरोना संक्रमितको संख्या ३ लाख पुग्नै लागेको छ । समाचार तयार गर्दासम्म यहाँ २ लाख ९८ हजार २ सय ८३ जना संक्रमित छन् । यसअघि लामो समयदेखि सक्रिय संक्रमितको सुचीमा भारत चौथो स्थानमा थियो । अब भने स्पेन र बेलायतसम्मलाई उछिनेर कुल संक्रमित संख्यामा पनि भारत चौथो स्थानमा उक्लियो । भारतभन्दा धेरै संक्रमित संख्या अमेरिका, बेलायत र रुसमा मात्रै छ । भारतमा मृतकको संख्या पनि लगातार बढ्दो छ । यहाँ ८ हजार ५ सय १ जनाले ज्यान गुमाइकेका छन् । एशियामा ईरानपछि सर्वाधिक धेरै जनाको मृत्यु भारतमै भएको हो । ईरानमा ८ हजार ६ सय ६९ जनाको मृत्यु भइसकेको छ । भारतमा पछिल्लो समय लकडाउन केही खुकुलो गरिएको छ । तर, यसको असर स्वरुप संक्रमितको संख्या पनि दैनिक बढ्दैछ । अहिले दैनिक ११ हजारको हाराहारीमा नयाँ संक्रमित थपिइरहेका छन् ।...

नेपाल अखबार, एजेन्सि। कोरोना महामारीका कारण बल्लबल्ल सामान्य बन्दै गरेको चीनको जनजीवन भीषण बाढी र पहिरोले पुनः तहसनहस बनाएको छ। चिनियाँ समचार संस्था सिन्ह्वाका अनुसार चीनमा भारी वर्षापछि आएको बाढी र पहिरोमा परी १३ जनाको मृत्यु भएको छ भने झन्डै अढाई लाख मानिस विस्थापित भएका हुन्। दक्षिणी क्षेत्र गुआंग्सीमा बाढीले बगाउँदा ६ जनाको मृत्यु भएको भएको छ भने १ जना हराइरहेका छन्। यस्तै उत्तरी चीन हुवान प्रान्तमा ७ जनाको मृत्यु भएको छ भने १ जना बेपत्ता भएका हुन्। आकस्मिक व्यवस्थापन मन्त्रालयलाई उधृत गर्दै चिनियाँ समाचार संस्था सिन्ह्वाले जनाएका अनुसार यही जुन २ देखि आएको बाढी र पहिरोका कारण २ लाख ३० हजार मानिस विस्थापित भएका छन् भने १ हजार ३ सयभन्दा बढी घर डुबानमा परेका छन्। उत्तरी र दक्षिण क्षेत्रका सडक जलमग्न भएका छन्। बाढीले ३० पर्यटकीय क्षेत्र पूर्ण रुपमा क्षतिग्रस्त भएका छन्। सन् १९९८ मा चीनमा ...

नेपाल अखबार, एजेन्सि। अमेरिकी राष्ट्रपति डोनाल्ड ट्रम्पले आगामी सातादेखि राष्ट्रपतिको दोस्रो कार्यकालका लागि औपचारिक रुपमा प्रचारप्रसार शुरु गर्ने तयारी गरेका छन् ।  कोविड–१९ महामारी र एक अश्वेतको मृत्यु भएपछि अमेरिकाभर फैलिएको हिंसात्मक झडपका कारण राष्ट्रपतिका चुनावी कार्यक्रमहरु केही महिनादेखि स्थगित भएका छन् । राष्ट्रपति ट्रम्पको चुनावी अभियानका व्यवस्थापक ब्राड पास्र्कलले एक विज्ञप्ति प्रकाशन गरी चुनावी अभियानका लागि सबै तयारी पूरा भएको बताएका छन् ।  उनले राष्ट्रपति ट्रम्पका चुनावी सभाहरु व्यापक र विशाल प्रकृतिका हुने तथा तिनीहरु विपक्षी पार्टी डेमोक्र्याटका उम्मेदवार जो बाइडेनले सोचेभन्दा भिन्न हुने बताए । पछिल्ला चुनावी मतसर्वेक्षणमा राष्ट्रपति ट्रम्पभन्दा विपक्षी डेमोक्र्याट पार्टीका सम्भावित उम्मेदवार जो बाइडेन अगाडि देखिएका छन् । राष्ट्रपति ट्रम्पले बाइडेन विरुद्ध आक्रामक प्रचार अ...

काठमाडौं। विश्व स्वास्थ्य संगठन (डब्लुएचअो) ले कोरोना भाइरसको संक्रमणबाट लाग्ने रोग (कोभिन-१९) लाई विश्वव्यापी महामारी घोषणा गरेको छ। विश्व स्वास्थ्य संगठनका प्रमुख निर्देशक डा. टेड्रोस अधानोम गेब्रीयससले अन्तिम दुई सातामा चीन भन्दाबाहिर संक्रमितको संख्या १३ गुणाले बढेको बताए। उनले संक्रमणले खतराको घण्टी बजाइरहेको अहिलेको अवस्थाप्रति आफू गहिरो चिन्तामा रहेको उल्लेख गरे।  कुनै रोग एकै समयमा धेरै देशमा फैलिएमा डब्लुएचअोले विश्वव्यापी महामारी घोषणा गर्छ।  डा. टेड्रोसले कोभिन-१९ लाई विश्वव्यापी महामारी घोषणा गरे पनि यसको नियन्त्रणका लागि देशहरूले गर्नुपर्ने कामबारे डब्लुएचअोले दिएका सुझावलाई कुनै परिवर्तन नगर्ने बताए। ...