प्रदेश ४

गोरखा नगरपालिका–८ को लुदी दामगाडे सामुदायिक वन उपभोक्ता समुहको १२ औं अधिवेशनले पुनः रामजीप्रसाद कट्टेललाई अध्यक्षमा सर्वसमत चयन गरेको छ । शनिबार भएको समुहको २६ औं साधारण सभा तथा १२ औं अधिवेशनले कट्टेललाई आगामी ३ बर्षका लागि अध्यक्षमा चयन गरेको हो । जसको उपाध्यक्षमा शरदबाबु कट्टेल र पशुपती खत्री, सचिवमा निर्मला कुवँर, सहसचिवमा हरीभक्त कट्टेल र कोषाध्यक्षमा भगीरथ केसी चयन भएका छन् । समुहका अध्यक्ष कट्टेलको अध्यक्षतामा भएको अधिवेशनको उद्घाटन गोरखा नगरपालिकाका प्रमुख राजनराज पन्तले गरेका थिए ।...

गोरखा । तामाङ समुदायले सोनाम लोसार नयाँ वर्ष पर्व रुपमा धुमधामले मनाएका छन् । मञ्जुश्री पात्रोअनुसार २८५६ औँ वर्ष शुरु भएको अवसरमा शुभकामना आदानप्रदान गरी पर्व मनाइएको हो । शनिवारदेखि सुँगुर वर्ष समाप्त भई मुसा वर्ष वर्ष सुरु भएको छ । मुसा, गाई, बाघ, खरायो, ड्रागन ९मेघ०, सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ । तामाङ लोसारको अबसरमा नेपाल तामाङ घेदुङ नगर कार्यसमिति गोरखाले शुभकामना आदानप्रदान कार्यक्रम गरेको छ । नगर अध्यक्ष सूर्यबहादुर तमाङ अध्यक्षता तथा गोरखा नगरपालिकाका प्रमुख राजनराज पन्तको प्रमुख आतिथ्यतामा भएको कार्यक्रम नेपाल आदिबासी जनजाति महासंघ जिल्ला समन्वय परिषद् गोरखाका सचिव प्रेमध्वज थापामगर, गोरखा ब्रिटिस वल्डफयेर कार्यालयका प्रमुख श्रीप्रसाद तामाङ, तमाङ घेदुङका पूर्व सचिव श्याम तामाङ, महिला घेदुङकी पूर्व अध्यक्ष स...

गोरखा । सामुदायिक सेवा केन्द्र गोरखाको अध्यक्षमा शुसिलबाबु श्रेष्ठ (कैलाश) चयन भएका छन् । जिल्ला सदरमुकाममा भएको तेश्रो साधारण सभा एवं दोस्रो अधिवेशनले श्रेष्ठलाई सर्वसम्बत रुपमा अध्यक्षमा चुनेको हो । सेवा केन्द्रका आजिवन तथा साधारण सदस्यहरुको भेलाले रामहरी केसीलाई उपाध्यक्ष, सरदबाबु कट्टेललाई सचिव, काजिराम श्रेष्ठलाई कोषाध्यक्ष र भोला मरहट्टालाई सह–सचिवमा निबिरोध चयन गरेको छ । यसैगरी बाबुराम श्रेष्ठ, देवु मास्के, शान्तीदेवी श्रेष्ठ, मिनादेवी श्रेष्ठ, सुमन श्रेष्ठ, विष्णुबहादुर थापा, अन्जनबाबु खत्री, दण्डपाणी कट्टेल, रिक्त बानियाँ, बिक्रम बस्नेत, शोभा प्रधान दवाडी र फणिन्द्र बानियाँलाई सदस्य बनाइएको छ । १७ सदस्यीय नयाँ कार्यसमितिले जिल्लाको शान्ती सुरक्षा र अपराध नियन्त्रणका लागि विभिन्न सचेतनामुलक कार्यक्रम गर्ने योजना बनाएको छ । ‘बजार क्षेत्रमा जडान गरिएको सिसि टिभीलाई प्रभाव...

सिरानचोक गाउँपालिका स्तरिय दोश्रो राष्ट्रपति रनिङशिल्ड प्रतियोगितामा महेन्द्रलीला मावि हर्मी पहिलो भएको छ । महेन्द्र लीलाले ८ स्वर्ण, ६ रजत र ४ सहित १८ पदक प्राप्त गरेको छ । यसैगरी ७ स्वर्ण, ३ रजत, ३ कास्य गरी १३ पदक सहित परोपकार आर्दश मावि जौवारी दोश्रो भएको छ । संसारी महेन्द्र मावि नयाँसाघु भने तेश्रो भएको छ । नयाँसाघुले ६ स्वर्ण, ८ रजत, ५ कास्य सहित १९ पदक प्राप्त गरेको छ । वडा नम्बर ७ कोखेलमैदानमा माघ ३ गतेबाट सुरु भएको प्रतियोगिता मंगलबार सकिएको हो । प्रतियोगितामा १६ विद्यालयका विद्यार्थीले विभिन्न ३० विद्यामा प्रतिस्पर्धा गरेका थिए । प्रतियोगिताको एक कार्यक्रममा वीच जिल्ला समन्वय समितिका प्रमुख अशोककुमार गुरुङले समापन गरेका हुन् । सो अबसरमा बोल्दै गुरुङ विद्यार्थीमा लुकेर रहेका प्रतिभा उजागर गर्न प्रतियोगिता सफल भएको बताए । गाउँपालिका अध्यक्ष राजु गुरुङको अध्यक्षतामा भएको कार्य...

गोरखा । महिलालाई ब्यवसायमा आकर्षित गर्ने उदेश्यका साथ सदरमुकाममा एक दिने कार्यशाला गोष्ठी सम्पन्न भएको छ । गोरखा उद्योग बाणिज्य संघको आयोजना तथा पूर्णिमा परियोजनाको सहयोगमा भएको कार्यक्रममा जिल्लाका बिभिन्न स्थानीय तहबाट महिला उद्यमीहरुको सहभागिता रहेको थियो । बिशेष गरेर महिलाहरुले ब्यवासय सञ्चालनका क्रममा भोगिरहेका समस्या, चुनौती, अवरोध पहिचान गर्ने उदेश्यका साथ गोष्ठीको आयोजना गरिएको पूर्णिमा परियोजनाका जिल्ला उद्यम विकास अधिकृत शेर बहादुर बोहोराले जानकारी दिए । त्यस्तै महिला उद्यमीहरुका लागि सम्भावित महिलामैत्री ब्यवसायको पहिचान गर्न समेत कार्यक्रमले सहयोग गर्ने उनले बताए । गोरखा उद्योग बाणिज्य संघ महिला उद्यमी विकास समितिका अध्यक्ष रीता रेग्मीको अध्यक्षतामा भएको कार्यक्रममा जिल्ला समन्वय समितिका उपप्रमुख जनुका अधिकारीको प्रमुख आतिथ्यता रहेको थियो । कार्यक्रममा गोरखा नगरपाल...

अवैध लागूऔषध गाँजा सहित गोरखामा तीन जनालाई प्रहरीले पक्राउ गरेको छ । अजिरकोट गाउँपालिका ५ रातामाटाबाट गाँजा खरिद बिक्रीमा संलग्न भएको आरोपमा मंगलबार ३ जनालाई प्रहरीले पक्राउ गरेको जनाएको छ । पक्राउ पर्नेमा अजिरकोट ५ का नरबहादुर नेपाली, काभ्रेको दाप्चा नगरपालिका ४ का १९ वर्षीय सागर तामाङ र चितवनको गीतानगर बस्ने २४ वर्षीय गणेश भुजेल रहेका छन् । इलाका प्रहरी कार्यालय जौवारीबाट खटिएको प्रहरी टोलीले चेकजाँचको क्रममा उनीहरुको साथबाट ६ सय ग्राम गाँजा बरामद गरेको जिल्ला प्रहरी कार्एयालय गाेरखाका एसपी ओमप्रसाद अधिकारीले जानकारी दिए ।...

मोहसिन अलि मियाँगोरखा । कम्युनिष्ट सरकार नाता र दाताको भुमरीमा फसेको नेपाली काँग्रेसका नेता रामहरी खतिवडाले आरोप लगाएका छन् । नेपाल प्रेस युनियन गोरखाले सोमबार सदरमुकाममा आयोजना गरेको पत्रकार भेटघाट कार्यक्रममा बोल्दै उनले पछिल्लो समय सरकार नातावाद र दातावादमा फसेको बताए । ‘दुईतिहाई सरकारबाट जनताले धेरै अपेक्षा गरेका थिए’ पूर्व साँसद समेत रहेका खतिवडाले भने ‘तर अपेक्षा ठिक उल्टो भइदियो, अहिले सरकार नाता र दाता हेरे अघि बढेको छ ।’ सभामुखको चुन्नका लागि नेकपालाई धौ–धौ भएको बताउदै उनले संसदीय ब्यवस्था समेत असफल बनाउन सरकार स्वयम लागिपरेको बताए । ‘कसका मान्छेलाई सभामुख बनाउने भन्ने किचलोले ४ महिना बित्यो, आफ्नै आन्तरिक किचलोमा सरकार डुब्यो’ उनले भने ‘संसदीय ब्यवस्थाको अपमान सरकार आफैले गर्दैछ ।’ प्रधानमन्त्री केपी शर्मा ओली वालुवाटारबाट शिंहदरबार जान नसक्ने अवस्था सृजना भएको बताउदै खति...

गोरखा । ऐतिहासिक एवं धार्मिक स्थलहरुको संरक्षण र प्रवद्र्धन गर्न माग गर्दै गोरखाका नागरिक समाजले पुरातत्व विभागलाई ज्ञापन पत्र बुझाएका छन । भ्रमण बर्षमा अत्याधिक पर्यटक भित्राउनुपर्ने भन्दै जिल्लाका ऐतिहासिक संरचनाको संरक्षणमा जोड दिन माग गर्दै नागरिक साझा सवाल गोरखाको नेतृत्वमा नागरिक समाजले गोरखा संग्रहालयका प्रमुख नवराज अधिकारी मार्फत पुरातत्व विभागलाई ज्ञापन पत्र बुझाएका हुन् । संयोजक स्थानेश्वर दुवाडीद्धारा हस्ताक्षर गरिएको पत्रमा गोरखा दरवार पुर्ननिर्माणमा भइरहेको लापरवाही र ढिलासुस्तीप्रति ध्यानाकर्षण भएको बताइएको छ । दरवार पुर्ननिर्माणको म्याद सकिदा ४० प्रतिशत पनि काम सम्पन्न हुन नसकेको भन्दै नागरिक साझा सवालले पुरातत्व विभागलाई आवस्यक पहल र ठेकेदार कम्पनीलाई दवाव दिन आग्रह गरेको छ । त्यस्तै भ्रमण बर्षलाई लक्षित गर्दै गोरखा संग्रहालय हप्ताको सातै दिन खुला गर्ने ब्यवस्था मि...

सिरानचोक गाउँपालिका ८ फिनामटारमा एक वृद्धाको घाँटी रेटेर हत्या गरिएको छ । छोराबुहारीसंग अलग्गै बस्दै आएकी ७० बर्षिया मनमाया श्रेष्ठको बुधबार राती धारिलो हतियार प्रयोग गरेर हत्या गरिएको भेटिएकाे जिल्ला प्रहरी कार्यालय गोरखाले जनाएको छ । बुधबार खाना खाएर सुतेकी श्रेष्ठ बिहान ढिलासम्म नउठेपछि छिमेकीले खोज्न जादा मृत भेटेका थिए । बिहान करिब ११ बजे खबर आएपछि इलाका प्रहरी चौकी जौबारीबाट टोली खटाइएको थियो । ‘उहाँ घरमा एक्लै बस्नुहुदो रहेछ, खाना खाएर सुतेको मान्छे बिहान ढिलासम्म नउठेपछि छिमेकीले ढोका फोरेर हेर्दा मृत भेटाएछन’ एसपी ओम प्रसाद अधिकारीले भने ‘घाँटीमा धारिलो हतियार प्रहार भएको देखिन्छ ।’ घटनाको छानबिनका लागि बिहिबार नै जिल्ला प्रहरी कार्यालयबाट समेत इन्सपेक्टर राजु खत्रीको नेतृत्वमा टोली खटाइएको एसपी अधिकारीको भनाई छ । ‘हामीले बिहिबार नै इन्स्पेक्टरको कमाण्डमा टोली पठाएका छ...

माघे सक्रान्ती मेला हेरेर फर्कदा भीरबाट लडेर घाइते भएका एक युवकको मृत्यु भएको छ । शहिद लखन गाउँपालिकाको घैरुङमा मेला हेरेर घर फर्कदै गरेका ताङ्लीचोकका २३ बर्षिय मौसम थापा मगर बुधबार राती बतासे नजिकैको भीरबाट लडेर घाइते भएका थिए । मादक पदार्थ सेवन गरी साथीसंग घर फर्कदै गरेका थापा राती करिब ११ बजे भिरबाट लडेपछि स्थानीयले उद्धार गरेर तांलिचोक स्वास्थ्य चौकी पु¥याएका थिए । शरिरमा घाउचोट नदेखिएपछि होश आउने आशामा उनलाई आफन्त र परिवारले राती नै घर लगेका थिए । घाइते थापाको राती होश आएपनि बिहान एक्कासी समस्या देखिएपछि जिल्ला अस्पताल ल्याइएको थियो । तर अस्पताल पु¥याइए लगत्तै चिकित्सकले उनलाई मृत घोषणा गरेको जिल्ला प्रहरी कार्यालयका एसपी ओम प्रसाद अधिकारीले जानकारी दिए ।...