विदेश

नेपालअखबार,काठमाडौं । तमिलनाडू विधानसभा निर्वाचनको मतगणना जारी छ। बिहान ८ बजेदेखि सुरू मतगणना मध्याह्नसम्म पुग्दा तमिल अभिनेता विजय थालापतीको पार्टी तमिलगा वेट्री कजगम (टिभिके) 'अप्रत्यासित' जिततर्फ अग्रसर छ। हिन्दुस्तान टाइम्सका अनुसार २३४ मध्ये २२७ सिटमा मतगणना जारी हुँदा १२२ सिटमा टिभिके अगाडि छ। भारतीय मिडियाहरूले पार्टी अध्यक्ष थालापतीलाई तमिलनाडुका नयाँ मुख्यमन्त्री बन्ने पक्कापक्की भएको उल्लेख गरेका छन्। यहाँ द्रविडा मुनेत्रा कजगम (डिएमके) र कंग्रेस आईले गठबन्धन बनाएर चुनाव लडेका थिए। डिएमके अघिल्लो चुनावबाट सत्तामा आएको हो। यसअघि पनि ऊ पटकपटक सत्तामा आएको थियो। मतगणना जारी रहँदा गठबन्धन तेस्रो स्थानमा छ। उसका ४३ जना उम्मेदवारले अग्रता लिइरहेका छन्। भारतीय जनता पार्टी (भाजपा)सहितको एनडिए गठबन्धन दोस्रो स्थानमा छ। उसले अहिलेसम्म ६६ स्थानमा अग्रता कायम गरेको छ। विजयले २...

नेपालअखबार,काठमाडौं । म्यान्मारकी नेतृ आङसाङ सुकीलाई कारागारबाट घरमै नजरबन्द (हाउस अरेस्ट) मा सारिएको छ । ८० वर्षीया नोबेल पुरस्कार विजेता सूचीलाई सन् २०२१ मा सैन्य विद्रोहबाट सत्ताच्यूत गरिएपछि हिरासतमा राखिएको थियो । म्यान्मारका सैन्य प्रमुख मिन आङ लाइङले भनेका छन्, ‘ आङसाङको बाँकी सजाय घरमै पूरा गर्ने आदेश दिइएको छ ।’ मिन आङ लाइङले नै म्यान्मारमा सैन्य विद्रोहको नेतृत्व गरेका थिए । नेतृ आङसाङ सन् २०१५ मा सत्तामा आएकी थिइन् । उक्त समयमा म्यान्मारका तत्कालीन शासकहरूले लोकतान्त्रिक सुधार लागू गरेका थिए । त्यसअघि उनी लामो समयसम्म सैन्य शासनका दौरानका लोकतन्त्र समर्थक ‘अभियान्ता’ थिइन् । उनलाई यसअघि पनि १५ वर्षसम्म ‘हाउस अरेस्ट’ मा राखिएको थियो । बीबीसीका अनुसार म्यान्मारको सरकारी मिडियामा सूकीको एक तस्वीर सार्वजनिक भएको छ । जसमा उनी दुई जना बर्दीधारीका साथ बसेको देखिन्छ । उनका छोरा कि...

नेपालअखबार,काठमाडौँ ।  अमेरिकाको लुजियानाका एक व्यक्तिले आइतबार बिहान आफ्ना ७ छोराछोरी सहित आठ बालबालिकाको गोली हानी हत्या गरेका छन्। ३१ वर्षीय शमार एल्किन्सले श्रीभपोर्टमा एउटै घरमा तीन बालक र पाँच बालिक सहित आठजनाको हत्या गरेको स्थानीय अधिकारीहरूको हवाला दिंदै द एसोसिएटेड प्रेसले लेखेको छ। मृतकहरू सबैको उमेर ३ देखि ११ वर्षको बीचमा थियो। घटनामा एल्किन्सले दुई महिला माथि पनि गोली प्रहार गरेका थिए। बन्दुकधारी एल्किन्सको घटना पछि प्रहरीसँगको मुठभेडपछि मृत्यु भएको छ। स्थानीय प्रहरीका अनुसार एल्किन्स सन् २०१९ मा हातहतियार सम्बन्धी एक मुद्दामा पक्राउ परेका थिए। उनले किन हत्या गरे भनेर प्रशासनले खुलाएको छैन। तर आफुलाई एल्किन्सकी श्रीमतीको नातेदार बताउने क्रिस्टल ब्राउनका अनुसार एल्किन्स र श्रीमतीको सम्बन्ध विच्छेद हुँदै थियो। उनीहरू सोमबार अदालतमा उपस्थित हुनुपर्ने थियो। गोली च...

नेपालअखबार,एजेन्सी । अफगानिस्तान र पाकिस्तानमा दुई हप्ताको अवधिमा भारी वर्षा र आँधीका कारण कम्तीमा १२१ जनाको मृत्यु भएको दुवै देशका विपद् व्यवस्थापन अधिकारीहरूले शनिबार बताएका छन्। मार्चको अन्त्यदेखि अफगानिस्तानमा आँधीबेहरीसँगै बर्षा भएको छ, जसले बाढी, पहिरो र घर र बालीमा असर पारेको छ। 'मार्च २६ देखि अहिलेसम्म बाढी र वर्षाका कारण देशभरि ७७ व्यक्तिको मृत्यु भएको र १३७ जना घाइते भएका छन्,' अफगानिस्तानको विपद् व्यवस्थापन प्राधिकरण (एएनडिएमए) का प्रवक्ता मोहम्मद युसुफ हम्मादले शनिबार एएफपीसँग भने । प्रवक्ता हम्मादका अनुसार बितेका ४८ घण्टामा देशभर बाढी, पहिरो र चट्याङका कारण २६ जनाको मृत्यु भएको र ४८ जना घाइते भएका छन् ।पाकिस्तानमा पछिल्ला हप्ताहरूमा भारी वर्षाका कारण ४४ जनाको मृत्यु भएको अधिकारीहरूले बताएका छन्। प्रान्तीय प्रकोप व्यवस्थापन अधिकारीहरूका अनुसार उत्तरी प्रान्त खैबर पख्तु...

नेपालअखबार, टोकियो । जापानमा सम्बन्धविच्छेद गरेका दम्पतीहरूले अब आफ्ना सन्तानको संयुक्त अभिभावकत्व (ज्वाइन्ट कस्टडी) लिन पाउने भएका छन् । जापानको नागरिक संहितामा गरिएको ऐतिहासिक संशोधन बुधबारदेखि कार्यान्वयनमा आएपछि यो सम्भव भएको हो । सन् २०२४ मा संसदबाट पारित यस संशोधनअघि जापान जी–७ देशहरूमध्ये संयुक्त अभिभावकत्वलाई कानुनी मान्यता नदिने एकमात्र देश थियो । त्यसअघि प्रायः अभिभावकत्व एकै जना—अधिकांश अवस्थामा आमालाई—दिइन्थ्यो, जसले अर्को अभिभावकलाई सन्तानसँग भेटघाट गर्नबाट समेत वञ्चित गर्न सक्थ्यो । यो एकल अभिभावकत्व प्रणालीविरुद्ध देशभित्र र अन्तर्राष्ट्रिय स्तरमा आलोचना हुँदै आएको थियो। आलोचकहरूका अनुसार यसले धेरै सम्बन्धविच्छेद भएका अभिभावकहरूलाई आफ्नै सन्तानसँग टाढा बनाएको थियो । नयाँ कानुनअनुसार अब जापानको पारिवारिक अदालतले सम्बन्धविच्छेदको अवस्थामा एकल वा संयुक्त अभिभावकत्व दिने न...

नेपालअखबार,काठमाडौं । भारतको मध्य प्रदेश राज्यमा पर्ने इन्दौरमा विद्युत शर्ट हुँदा भएको आगलागीमा परी सात जनाको मृत्यु भएको छ । बुधवार बिहानै भएको घटनामा तीन जना गम्भीर घाइते भएका छन् । इन्दौरको बंगाली चौराहनजिकै रहेको कोलोनीमा बिहान ४ बजे घटना भएको हो । घटनाका बेला अधिकांश मानिसहरू आ–आफ्नो घरमा सुतिरहेका थिए । इन्दौरका पुलिस कमिशनर सन्तोषकुमार सिंहले घर बाहिर चार्जिङमा राखिएको इलेक्ट्रिक कारबाट आगो सल्किन सुरू भएको बताएका छन् । ‘प्रारम्भिक जाँचका क्रममा बिहान करिब ४ बजे चार्जिङ प्वाइन्टमा शर्ट सर्किट हुँदा कारमा आगो लाग्यो,’ उनले भने, ‘केही मिनेटमै आगो घर भित्र फैलियो । घरभित्र ठूलो संख्यामा ग्यास सिलिन्डर राखिएका थिए ।’ घरभित्र राखिएका झण्डै १५ ग्यास सिलिन्डरहरू आगोका कारण विष्फोट भएका बताइएको छ । प्रत्यक्षदर्शीले चार सिलिन्डर एकपछि अर्को गरी विष्फोट भएका बताएका छन् ।...

नेपालअखबार, काठमाडौँ । नेपाली कांग्रेसका सभापति गगन थापाले देश घृणा र उत्तेजनाको भाषाले सम्हाल्न नसकिने बताएका छन् । आइतबार काठमाडौँको कीर्तिपुरमा आयोजित नेपाली कांग्रेसको चुनावी सभामा आइतबार सभापति थापाले मुलुक चलाउन सबैलाई मिलाउने सफ्ट भाषा बोल्नेले मात्रै सक्ने बताए । ‘देश सम्हाल्न घृणा र उत्तेजनाको भाषा बोल्नेले सक्दैन । मुलुक चलाउन एक्लै सकिँदैन । टिम चाहिन्छ,’ सभापति थापाले भने, ‘संसारभर कोलाहल र हल्ला मच्चाउनेहरू सामाजिक सञ्जालमा भाइरल हुन्छन् । उनीहरूले घृणाको भाषा बोलिरहेका हुन्छन् । घृणा र उत्तेजनाले मुलुक चल्दैन, मिलाउनुपर्छ ।’ उनले निर्वाचनमा सोमबारसम्म प्रचारप्रसार गर्दा उत्तेजना र घोचपेचको भाषा कसैलाई पनि प्रयोग नगर्न नेता कार्यकर्तालाई आग्रह गरे । पार्टीको नीति घोचपेच र उत्तेजनाको भाषा चुनावी प्रचारप्रसारमा नगर्ने रहेको सभापति थापाको भनाइ थियो । ‘मैले साथीहरूलाई भने...

नेपालअखबार,कतार । कतारस्थित नेपाली दूतावासले त्यहाँ रहेका नेपालीलाई कतारी सरकारद्वारा जारी सुरक्षा निर्देशन पालना गर्न अनुरोध गरेको छ । दूतावासले पश्चिम एसियामा विकसित पछिल्लो परिस्थितिलाई दृष्टिगत गर्दै कतारमा रहेका सम्पूर्ण नेपालीलाई सतर्कता अपनाइ सुरक्षित रहन अनुरोध गरेको हो । कतारी अधिकारीहरूले जारी गरेका सुरक्षा सल्लाह र निर्देशनको पालना गर्न, घरभित्र रहन, उचित सावधानी अपनाउन, अज्ञात स्रोतबाट आएका अफवाह र अप्रमाणित सूचनालाई विश्वास नगर्न दूतावासले अनुरोध गरेको छ । अप्रमाणित सूचना, समाचार र ‘भिडियो क्लिप’लाई प्रेषित नगर्न, आधिकारिक घोषणा र आपत्कालीन सतर्कता सन्देश निरन्तर हेरेर त्यसको पालना गर्न तथा दूतावाससँग नियमित सम्पर्क कायम राख्न दूतावासले अनुरोध गरेको छ । दूतावासले कतारमा रहेका नेपालीसँग टेलिफोनलगायत माध्यमबाट नियमित सम्पर्कमा रहेको जनाएको छ । कतारमा हाल तीन लाख ६० हजार...

नेपालअखबार, काठमाडौं । अमेरिकाको भर्जिनियामा एक नेपालीले आफ्नै परिवारका तीन सदस्यमाथि धारिलो हतियार प्रहार गरेका छन्। भर्जिनियाको फेयरफ्याक्स काउन्टीमा सोमबार बिहान एक व्यक्तिले आफ्नै श्रीमती, छोरी र ज्वाइँमाथि धारिलो हतियार प्रहार गरेका हुन्। हतियार प्रहारबाट गम्भीर घाइते भएका श्रीमती र छोरीको उपचार क्रममा मृत्यु भएको फेयरफ्याक्स काउन्टी प्रहरी प्रमुख केभिन डेभिसले पत्रकार सम्मेलनमा बताएका छन्। अमेरिकी अनलाइन एनबिसवासिङ्टन डटकमका अनुसार सोमबार बिहान म्यान्टुआ क्षेत्रमा पर्ने मार्गेट म्यानर अपार्टमेन्टमा सो घटना भएको हो। त्यतिबेला आरोपीका ज्वाइँ घरबाहिर हिउँ पन्छाइरहेका थिए। घरबाट चित्कार सुनेपछि उनी काम छोडेर घरभित्र गएका थिए। त्यहाँ उनले आफ्नो श्रीमती भुइँमा रक्ताम्य अवस्थामा ढलेको र ससुराले सासुमाथि धारिलो हतियार प्रहार गरिरहेको भयावह दृश्य देखेको प्रहरी प्रमुख  डेभिसले प...

नेपालअखबार,काठमाडौं । अमेरिकाको पूर्वी क्षेत्रमा सोमबार आएको शक्तिशाली हिमआँधीका कारण ५ हजारभन्दा बढी उडान रद्द भएका छन् भने लाखौं मानिस प्रभावित भएका छन् । रेकर्ड तोड्ने हिमपातसँगै यातायात, विद्युत् र हवाई सेवामा व्यापक अवरोध आएको छ । रोड आइल्याण्ड र म्यासाचुसेट्सका केही भागमा करिब ३३ इन्च (८३ सेमी) सम्म हिमपात भएको अमेरिकी राष्ट्रिय मौसम सेवाले जनाएको छ । न्यूयोर्क सिटीको सेन्ट्रल पार्कमा मात्रै १९ इन्चभन्दा बढी हिउँ जमेको बीबीसीले जनाएको छ । न्यूयोर्कमा यात्रा अवस्था ‘झन्डै असम्भव’ भएको भन्दै राज्य निकायले चेतावनी दिएको छ । पूर्वी तटका विभिन्न राज्यमा गरी ६ लाखभन्दा बढी घरधुरी तथा व्यवसाय विद्युत् आपूर्तिबाट बञ्चित भएका छन् । विशेष गरी न्यूजर्सी र म्यासाचुसेट्स सबैभन्दा बढी प्रभावित भएका छन् । हिमआँधीको चेतावनी नर्थ क्यारोलिनादेखि नर्दन मेनसम्म जारी गरिएको थियो भने पूर्वी क्यानडाका ...