विश्व

नेपालअखबार,काठमाडौं । इरानका सर्वोच्च नेता आयातोल्लाह अली खामेनीले आफ्नो उत्तराधिकारी छनोट गरेका छन्। इसराइलले लगातार इरानमाथि कठोर हमला गरिरहेको अवस्था र संयुक्त राज्य अमेरिकाको लगातारको चेतावनीबीच खामेनीले आफ्नो सम्भावित हत्याको आकलन गर्दै उत्तराधिकारी छानिसकेको भनेर अन्तर्राष्ट्रिय सञ्चारमाध्यमहरूले समाचार लेखेका छन्। अमेरिकी पत्रिका न्युयोर्क टाइम्सका अनुसार खामेनीले तीन जना धर्मगुरूहरूबाट एकजनालाई उत्तराधिकारी छान्न निर्देशन दिएका छन्। खामेनी आफै पनि अहिले गुप्त बंकरमा लुकेका छन्। आफू बसेको ठाउँ पत्ता नलगाउन् भनेर विद्युतीय सञ्चारमाध्यमहरूको पहुँचबाट पनि उनी टाढा रहेको तीन इरानी अधिकारीहरूलाई उद्धृत गरेर न्युयोर्क टाइम्सले लेखेको छ। इरानमा  विज्ञहरूको सभा (एसेम्ब्ली अफ एक्सपर्ट)ले सर्वोच्च नेता छान्छ। सभामा ८८ जना धार्मिक विद्वानहरू हुन्छन्। सोही सभालाई खामेनीले तीन जनाको ...

नेपालअखबार,बेरुत । इरान र इजरायलबिच तनाव चलिरहँदा हिज्बुल्लाहले पनि तेहरानको समर्थनको दाबी गरेको छ । ‘इजरायल र अमेरिका विरुद्धको लडाईंमा हामी इरानको साथमा छौँ । इरानको आणविक कार्यक्रम शान्तिको लागि हो । उसले आफ्ना जनताको सेवा गर्न चाहन्छ । यसबाट कसैलाई पनि हानी हुने छैन । बरु यो इरान र पश्चिम एसियाको लागि एक प्रमुख वैज्ञानिक योगदान हुनेछ’ हिज्बुल्लाह नेता शेख नईम कासिमले भनेका छन् । विश्व स्तरमा इरानको विरोध आणविक कार्यक्रमका कारण नभएको बरु उसले विश्वास, ज्ञान र स्वतन्त्रतालाई समर्थन गरेकोले भएको समेत उनले भनेका छन् । उनले अमेरिकी राष्ट्रपति ट्रम्पको धम्कीको पनि आलोचना गरेका छन् । अमेरिकाले पश्चिम एसियालाई अराजकता र अस्थिरतातर्फ लगिरहेको उनको भनाइ छ । अमेरिकाले विश्वलाई ठुलो सङ्कटतर्फ धकेलिरहेको अनि यसबाट अमेरिकाले लाज, अपमान र असफलता मात्र पाउने पनि उनले बताए ।  तेहरानसँग हिज्बुल्ला...

नेपालअखबार,वासिङ्टन डीसी । पश्चिम एसियाको अवस्था झन् झन् बिग्रँदै गइरहेको छ । इजरायल र इरानबिच सैन्य झडप निरन्तर बढ्दै जाँदा तनाव चर्किएको छ । बिहीबार इरानले दक्षिणी इजरायलको सोरोका अस्पतालमा मिसाइल आक्रमण गरेपनि स्थिति झनै बिग्रिएको छ । अब अयातोल्लाह खामेनी बाँच्दैनन् भनेर इजरायलले इरानलाई खुलेआम धम्की दिएको छ । यसैबिच अमेरिकी राष्ट्रपति डोनाल्ड ट्रम्पले दुई हप्ताभित्र इरानमाथि आक्रमण गर्ने किन गर्ने भनेर निर्णय लिने बताएका छन् । ह्वाइट हाउसकी प्रवक्ता क्यारोलिन लेभिटले यस सम्बन्धमा जानकारी दिएकी हुन् । ‘इरानमाथि आक्रमण गर्ने वा नगर्ने भन्ने निर्णय ट्रम्पले अर्को दुई हप्ता भित्र गर्नेछन् ।’ ह्वाइट हाउसले बिहीबार भनेको थियो । निकट भविष्यमा वार्ता हुने नहुने दुबैको प्रशस्त सम्भावना ट्रम्पले देखेका छन् । कयौँ दिनदेखि ट्रम्पले अमेरिकी सेनालाई इरानी परमाणु केन्द्रहरूमा आक्रमणको आदेश द...

तेल अभिभ । गत जुन १३ तारिखका दिन इजरायलले इरानमा हवाई हमला गरेपछि दुई देशबिचको तनाव जारी रहेको छ । दुवै पक्षले एक अर्कामाथि आक्रमण जारी राखेका छन् । इरानले इजरायलका तेल अभिभ, हाइफा, पेतहा टिभ्का, बीर सेभा र तमारालगायत क्षेत्रमा मिसाइल आक्रमण गरेको छ । इजरायलको वायु सुरक्षा प्रणाली इरानका धेरै मिसाइलहरूलाई रोके पनि केही भने आफ्नो लक्ष्यसम्म पुग्न सफल भएका छन् । यसबाट अस्पताललगायत विभिन्न भौतिक पूर्वाधारहरूमा क्षति पुगेको छ । पछिल्लो जानकारी अनुसार इजरायलमा इरानले गरेको आक्रमणमा २४ जना इजरायली नागरिकको मृत्यु भएको छ । त्यस्तै, ५ सयभन्दा बढी घाइते भएका छन् । उता, इजरायली आक्रमणमा परेर इरानमा पनि शीर्ष सैन्य अधिकारी र वैज्ञानिकसहित ६ सयभन्दा बढीको मृत्यु भएको छ । हेरौँ इरानले इजरायलमा गरेको हमलाबाट भएका क्षतिहरूको तस्बिरहरू । सबै तस्बिर : रोयटर्सबाट...

नेपालअखबार,गाजा । इजरायली सेनाले राहत बोकेर आइरहेको ट्रकको पर्खाइमा रहेका २९ जनासहित गाजामा कम्तीमा ७२ जना प्यालेस्टिनी नागरिकको हत्या गरेको छ । प्यालेस्टाइनको स्वास्थ्य मन्त्रालयका अनुसार आफ्नो भोको परिवारका लागि खाना पर्खिरहेका नागरिकहरूको समेत इजरायली सेनाले हत्या गरेको जनाएको हो । यो घटना बुधबार मध्य गाजाको नेटजरिम करिडोरको सलाह अल–दिन सडकमा भएको स्वास्थ्यकर्मीलाई उद्धृत गर्दै अल जजिराले जानकारी दिएको छ । घटनामा १ सय जनाभन्दा बढी घाइते भएको समाचारमा उल्लेख छ । बुधबार इजरायलले गाजामा हवाई हमला पनि जारी राखेको थियो । दक्षिण गाजाको जेइटोउनमा एक घरमा गरिएको हवाई हमलामा ८ जनाको मृत्यु भएको छ । त्यस्तै, दक्षिणी गाजामा घरबारविहीन भएकाहरू बस्ने अल–मवासी क्याम्पमा गरिएको हवाई हमलामा ८ जनाभन्दा सर्वसाधारणको मृत्यु भएको थियो । उता, मध्य गाजामा रहेको मेघाजी क्याम्पमा गरिएको अर्को आक्रमणमा...

नेपालअखबार,काठमाडौँ  ।अमेरिकामा इरानको समर्थनमा प्रदर्शन गरिएको छ । प्रदर्शनकारीको एक भीडले न्युयोर्कको सडकमा मार्चपास गरेका छन् । अन्तर्राष्ट्रिय सञ्चारमाध्यमहरुमा प्रकाशित भिडियोमा टाइम्स स्क्वायररमा ‘इरानबाट टाढा रहो’ जस्ता नारा लगाएका छन् भने इजरायली समर्थकलाई पनि गाली गरेका छन् । यी इरानी समर्थकले म्यानहट्टनको सडकमा अघि बढेका थिए । तर न्युयोर्क प्रहरीले उनीहरुलाई इजरायली वाणिज्य दूतावास पुग्नुअघि नै रोकेको छ । यो प्रदर्शन प्यालेस्टिनी युवा आन्दोलन र समाजवादी संगठनको पिपुल्स फोरम एलायन्सको सहकार्यमा भएको थियो ।...

नेपालअखबार,काठमाडौँ ।इरानले देशभरि इन्टरनेट सेवा बन्द गरेको छ। साइबर हमला गरेर करोडौंको डिजिटल सम्पत्ति चोरी भएपछि इरानमा पछिल्लो १२ घन्टायता इन्टरनेट ब्ल्याकआउट रहेको अन्तर्राष्ट्रिय सञ्चारमाध्यमहरूले जनाएका छन्। अमेरिकी पत्रिका द न्युयोर्क टाइम्सका अनुसार इरानको सबैभन्दा ठूलो क्रिप्टोकरेन्सी एक्सचेन्ज 'नोबिटेक्स'माथि बुधबार साइबर हमला भएको थियो। प्रो-इसराइली ह्याकरहरूको एउटा समूहले नोबिटेक्समाथि साइबर हमला गरेर ९ करोड डलरभन्दा बढीको डिजिटल सम्पत्ति चोरी गरेको बताइएको छ। उक्त घटनामा इसराइली समर्थक ह्याकरहरूको समूह 'प्रेडेटरी स्प्यारो (गोन्जेश्के दारान्दे)'ले जिम्मेवारी लिएको छ। उनीहरूले इस्लामिक रिभोलुसनरी गार्ड कोर (आइआरजिसी)लाई लक्ष्य गरेर साइबर हमला गरिएको बताएका छन्। सो समूहलाई इसराइली गुप्तचरहरूले परिचालन गरिएको भनिए पनि त्यसको स्वतन्त्र पुष्टि नभएको न्युयोर्क टाइम्सले...

नेपालअखबार, काठमाडौं । अमेरिकी राष्ट्रपति डोनाल्ड ट्रम्पले इजरायलसँग विनाशर्त आत्मसमर्पण गर्नुपर्छ भनेपछि इरानले त्यसको कडा जवाफ दिएको छ । इरानका सर्वोच्च नेता आयतुल्लाह अली खामेनेइले इजरायल विरुद्ध कहिल्यै सम्झौता नहुने भन्दै कडा प्रतिवाद गर्ने चेतावनी दिएका हुन्  सामाजिक सञ्जाल ‘एक्स’मार्फत ट्रम्पलाई जवाफ दिंदै उनले लेखेका छन्, ‘युद्ध सुरु भइसकेको छ । इजरायलसँग सम्झौता हुनसक्दैन ।’ उनले अर्को पोष्टमा इजरायललाई आतंकवादीको संज्ञा दिंदै इजरायली शासनलाई दया नदेखाउने प्रतिक्रिया दिएका छन् ।इजरायलले इरानको परमाणु आयोजना र मिसाइल भण्डारण क्षेत्रमा आक्रमण गरेपछि हाल यी दुई देशबीच तनाव छ । यसै सन्दर्भमा अमेरिकी राष्ट्रपति डोनाल्ड ट्रम्पले इरानलाई विनाशर्त आत्मसमर्पण गर्न भनेका थिए ।...

नेपालअखबार, वासिङ्टन डीसी । अमेरिकी राष्ट्रपति डोनाल्ड ट्रम्पले बुधबार पाकिस्तानी सेना प्रमुख असीम मुनीरलाई भेट्ने भएका छन् । ट्रम्प र मुनिर दिउँसो १ बजे ह्वाइट हाउसमा भेट्नेछन् । यो भेटका क्रममा त्यहाँ कुनै पनि सञ्चार माध्यम उपस्थित नहुने बताइएको छ । असिम मुनीर जुन १४ देखि अमेरिका भ्रमणमा छन् । ट्रम्पसँगको उनको भेट पूर्वनियोजित थियो । यद्यपि, ट्रम्प र मुनिरको भेट इरान र इजरायलबिच बढ्दो तनावको समयमा भइरहेको छ । इरान र पाकिस्तान छिमेकी देश हुन् । मुनिरले केही अघि, मे महिनाको अन्त्यतिर इरानी सशस्त्र बलका प्रमुख मोहम्मद हुसेन बघेरीलाई भेटेका थिए । बघेरी जुन १३ मा इजरायली हवाई आक्रमणमा मारिएका थिए ।...

नेपालअखबार,काठमाडौं । इजरायलले इरानको सरकारी टेलिभिजन च्यानलको कार्यालयमा आक्रमण गरेको छ । इजरायलका सेनाले इस्लामिक रिपब्लिक अफ इरान ब्रोडकास्टिङ (आईआरआईबी)को कार्यालयमा सोमबार राति आक्रमण गरेका हुन् । टेलिभिजनबाट प्रत्यक्ष प्रसारण भइरहेका बेला टेलिभिजन कार्यालयमा आक्रमण भएको दृष्य पनि प्रसारण भएको थियो । त्यही क्रममा कार्यक्रम प्रस्तोता कार्यक्रम बन्द गरेर बाहिर निस्किएको भिडियो अहिले भाइरल छ । आईआरआईबीले आफ्नो केन्द्रीय कार्यालयमा आक्रमण भएको केही छिन पछि नै पुनः प्रत्यक्ष प्रसारणमार्फत् सेवा सुरू गरेको छ । सरकारी स्वामित्वको प्रसारण सेवा आईआरआईबीका एक वरिष्ठ अधिकारीले भनेका छन्, ‘इरानी राष्ट्रको शत्रुले केही मिनेट अघि इस्लामिक रिपब्लिक अफ इरान न्यूज नेटवर्कविरुद्ध सैन्य आक्रमण गरेको छ ।’ प्रत्यक्ष प्रशारणबाट उनले भने, ‘इस्लामी क्रान्ति र महान् इरानको आवाजलाई सैन्य कारबा...