विश्व

नेपालअखबार,तेहरान । इजरायलले आइतबार इरानको प्रमुख सहर इस्फहानमा हवाई आक्रमण गरेको छ । मध्य इरानमा अवस्थित इस्फहानको कन्भर्जन प्लान्ट इरानको आणविक पूर्वाधारको अहम् हिस्सा हो । इरानका अन्य सहरहरूमा अवस्थित युरेनियम खानी र अन्य प्लान्टहरू पनि यस पूर्वाधारको हिस्सा हुन् । इरानको इस्फहान नजिकै धेरै प्रमुख सैन्य संरचनाहरू पनि छन्, जसमा ठुलो एयरबेस र मिसाइल उत्पादन कारखाना पनि छन् । २०२४ को अप्रिलमा इजरायलले यस क्षेत्रमा रहेको एक एयरफिल्डमा पनि आक्रमण गरेर त्यहाँ रहेको एयर डिफेन्स सिस्टमलाई क्षति पुर्‍याएको थियो । इरानले इस्फहानमा रहेका यी सबै सुविधाहरू शान्तिपूर्ण उद्देश्यका लागि मात्र भएको बताएको छ । तर इरानले गोप्य रूपमा आणविक हतियार बनाउन प्रयोग गरिरहेको शंका इजरायल र धेरै पश्चिमी देशहरूको छ ।...

नेपालअखबार,काठमाडौँ ।इरानले इसराइल विरूद्धको आक्रमणमा शनिबारदेखि नयाँ प्रविधि र उन्नत क्षमताको ब्यालिस्टिक मिसाइल प्रयोग गरेको दाबी गरेको छ। इरानको सरकारी समाचार संस्था फार्सले इसराइल विरूद्धको तेस्रो चरणको हमलामा इरानले शनिबार रातिदेखि आइतबार बिहानसम्म हाज कासेम प्रशिक्षित ब्यालिस्टिक मिसाइल प्रयोग गरेको जनाएको छ। इरानी रक्षा मन्त्री जनरल अजिज नासिरजादेहले सरकारी टेलिभिजनलाई बताएअनुसार यो मिसाइलले अमेरिकी सेनाको टर्मिनल हाइ अल्टिच्युड डिफेन्स (थाड) र इसराइलले प्रयोग गर्ने प्याट्रियट मिसाइल डिफेन्स र अन्य रक्षा प्रणालीलाई छल्न सक्छ। उक्त मिसाइलको नाम इस्लामिक रिभोलुसनरी गार्ड कोरको कुर्द्स फोर्सका पूर्वकमान्डर कासिम सुलेमानीको सम्मानमा राखिएको थियो। यो मिसाइल सन् २०२० को अगस्टमा पहिलोपटक सार्वजनिक गरिएको र गएको मे महिनामा हालका रक्षामन्त्री नासिरजादेहले यसको उन्नत संस्करणको उद्...

नेपालअखबार,काठमाडौं । संयुक्त राष्ट्रका महासचिव एन्टोनियो गुटेरेसले इरान र इसराइललाई ‘तनाव नबढाउन र शान्तिको बाटो रोज्न’ अपिल गरेका छन्। उनले सामाजिक सञ्जाल एक्समा एक सन्देश सार्वजनिक गर्दै दुई देशले शान्ति र कुटनीतिक मार्ग अवलम्बन गर्न आग्रह गरेका हुन् । ‘इसराइलद्वारा इरानका आणविक केन्द्रहरूमा आक्रमण, जवाफमा इरानद्वारा तेल अवीवमा प्रक्षेपास्त्र प्रहार, अब धेरै भइसक्यो। अब यसलाई रोक्ने बेला आएको छ। शान्ति र कूटनीतिक मार्ग अवलम्बन गरिनुपर्छ,’ उनले भनेका छन् । युरोपेली संघकी अध्यक्ष उर्सुला भोन डेर लेयनले इजरायली राष्ट्रपति आइज्याक हर्जोगसँग सम्पूर्ण घटनाक्रमबारे कुराकानी गरेको बताएकी छन् । उनले यसबारे सामाजिक सञ्जाल एक्समा लेखेकी छन्, ‘म पुनः दोहोर्‍याउँछु, इसराइलसँग आफ्नो र आफ्ना जनताको सुरक्षा गर्न पाउने अधिकार छ। तर, त्यससँगै क्षेत्रीय स्थायित्व कायम गर्नु पनि अत्यन्त आवश्यक छ।’ उर्...

नेपालअखबार,तेल अभिभ । इरानले गरेको प्रतिआक्रमणमा इजरायलमा एक जनाको मृत्यु भएको अमेरिकी सञ्चारमाध्यमहरूले जनाएका छन्। सीएनएनसँग कुरा गर्दै इजरायलका अमेरिकास्थित राजदूतले एक महिलाको मृत्यु भएको र करिब ४० जना घाइते भएको जानकारी दिएका हुन्। न्युयोर्क टाइम्सले पनि इजरायली प्रहरी प्रवक्तालाई उद्धृत गर्दै यो खबर पुष्टि गरेको छ। ती प्रवक्ताका अनुसार, शुक्रबार राति इरानी क्षेप्यास्त्र आक्रमणले तेल अभिभ नजिकैको उपनगरीय क्षेत्रमा हमला गर्दा ती महिलाको घटनास्थलमै मृत्यु भएको हो। शनिबार बिहान सबेरै फेरि इरानले इजरायलमाथि थप आक्रमण गरेको छ । इरानबाट पुनः क्षेप्यास्त्रहरूको बर्सात भएपछि लाखौँ इजरायलीहरू बंकर र सुरक्षित स्थलतर्फ भागेका थिए। आकाशमा अनेक क्षेप्यास्त्र अवरोध गरिएको आवाज सुन्न सकिन्थ्यो, साथै केही ठुला विस्फोटका आवाजहरूले आक्रमण भएको सङ्केत दिइरहेका थिए। यसैबीच सामाजिक सञ्जालहरू...

नेपालअखबार,न्यूयोर्क । विश्व बजारमा कच्चा तेलको भाउ बढेको छ । अमेरिकाले इराकमा रहेको आफ्नो दूतावास खाली गर्ने तयारी गरिरहँदा अन्तर्राष्ट्रिय बजारमा कच्चा तेलको भाउ बढेको हो । लन्डनस्थित आईसीई एक्सचेञ्जमा बिहीबार बिहानी समयमा बे्रन्ट क्रुडको भाउ २ डलर ९० सेन्टले बढेर प्रतिब्यारेक ६९ डलर ७७ सेन्टमा पुगेको थियो । अघिल्लो दिन बजार बन्द हुँदाको तुलनामा यो ४ दशमलव ३४ प्रतिशत धेरै हो । सोही दिन अमेरिकी बेन्चमार्क वेष्ट टेक्सास इन्टरमिडियट पनि ३ डलर १७ सेन्टले बढेर ६८ डलर १५ सेन्टमा उक्लिएको थियो । बिहीबारको कारोबारमा तेलको दुवै बेञ्चमार्कको भाउ बढेर अप्रिलको शुरुआती दिनयताकै उच्च स्तरमा पुगेका थिए । पेट्रोल निर्यातकर्ता देशहरूको संगठन (ओपेक)को दोस्रो ठुलो तेल उत्पादक हो इराक । अमेरिकाले इराकमा रहेको दूतावास खाली गर्ने तयारी गरिरहेको अप्रत्याशित खबर आएपछि व्यापारीहरूले धेरै क्रुड फ्यूचर्स कि...

नेपालअखबार,वासिङ्टन डीसी । अमेरिकी राष्ट्रपति डोनाल्ड ट्रम्पसँग आफ्नो बिग्रिएको सम्बन्धबारे खर्बपति व्यापारी एलन मस्कले प्रतिक्रिया दिएका छन् । ट्रम्पबारे गरेका केही पोष्टप्रति मस्कले सामाजिक सञ्जालमार्फत पछुतो जनाएका हुन् । सामाजिक सञ्जालमा वाकयुद्ध चलिरहँदा दुवैले एक अर्काले भन्न हुने नहुने सबै कुरा भनेका थिए । मस्कले ह्वाइट हाउसमा आफ्नो जिम्मेवारी त्यागेपछि ट्रम्पसँगको उनको सम्बन्ध जगजाहेर भएको थियो । ट्रम्पको कर विधेयकलाई मस्कले घृणित भनेका थिए । बुधबार न्यूयोर्क पोष्टसँगको एउटा अन्तरवार्तामा ट्रम्पले मस्कसँग सम्भावित मेलमिलापको कुरा गरेपछि मस्कको पछिल्लो पोस्ट आएको हो । दुई जनाको सम्बन्ध  बिग्रिएको देखेर आफू केही निराश बनेको तर उनीप्रति आफ्नो मनमा कुनै कटुता नभएको ट्रम्पले भनेका थिए । आफ्ना बारेमा जे जे बोले त्यसप्रति मस्क आफैँलाई पनि नराम्रो लागिरहेको होला भनेर ट्रम्पले भनेका थ...

नेपालअखबार,काठमाडौं ।  अमेरिकाको क्यालिफोर्निया राज्यको लस एन्जलस सहरमा कर्फ्यू आदेश जारी गरिएको छ। राष्ट्रपति डोनाल्ड ट्रम्पको आप्रवासी नीतिविरूद्धको प्रदर्शन उग्र बन्दै गएपछि लस एन्जलसको डाउनटाउन क्षेत्रमा कर्फ्यु आदेश जारी भएको अन्तर्राष्ट्रिय समाचार संस्था रोयटर्सले जनाएको छ। प्रदर्शनकारीहरूले लस एन्जलसको आप्रवासन तथा भन्सार सेवा (आइसिई) र मेट्रोपोलिटन डिटेन्सन सेन्टर आसपास प्रदर्शन गरेका थिए। प्रदर्शनकारीहरूले गाडी जलाउनेदेखि सडकमा ढुंगामुढा गरेपछि त्यस क्षेत्र आसपास तोकेर मंगलबार राति ८ बजेदेखि बुधबार बिहान ६ बजेसम्म प्रशासनले कर्फ्यू आदेश जारी गरेको रोयटर्सले जनाएको छ। मंगलबार मात्रै २०० जनाभन्दा बढी प्रदर्शनकारीलाई पक्राउ परेका छन्। प्रदर्शन उग्र बनेपछि लस एन्जलसमा सुरूवातमा ट्रम्प प्रशासनले नेशनल गार्ड र पछि सेना परिचालन गरेका थिए। मंगलबारदेखि भने नौसेना पनि परिचालन...

नेपालअखबार,काठमाडौँ । इसराइलले गजामा लगाएको नौसैनिक नाकाबन्दी तोड्न जहाजमा सहायता सामग्री बोकेर गएका जलवायु अभियन्ता ग्रेटा थुनबर्गसहित प्यालेस्टिनी समर्थकहरूलाई इसराइली सेनाले नियन्त्रणमा लिएको छ। ब्रिटिश झण्डावाला सो जहाजले प्रतीकात्मक मात्रामा गजामा सहायता पुर्‍याएर त्यहाँको मानवीय संकटबारे अन्तर्राष्ट्रिय जागरूकता बढाउने लक्ष्य राखेको थियो। तर सोमबार बिहान तटमा पुग्नु अघि नै सबेरै इसराइली सेना सो जहाजमा चढेर नियन्त्रणमा लियो। ‘सेलिब्रिटीहरू’को ‘सेल्फी याट’ सुरक्षित रूपमा इसराइलको तटतर्फ जाँदैछ। यात्रुहरू आ-आफ्नो देश फर्कने अपेक्षा गरिएको छ,’ इसराइली विदेश मन्त्रालयले एक्समा लेख्यो। सबै यात्रुहरू सुरक्षित रहेको र उनीहरूलाई कुनै किसिमको हानि नपुर्‍याइएको विदेश मन्त्रालयले जनायो। ‘उनीहरूलाई स्यान्डविच र पानी प्रदान गरिएको छ। तमाशा सकियो,’ मन्त्रालयले थप्यो। सो जहाज पठाउने प...

नेपालअखबार,काठमाडौं । पछिल्ला तीन दशकदेखि पञ्जाबको अमृतसरका विपन कुमारले पाकिस्तानबाट सिधे नुन आयात गरी भारतमा बेच्दै आएका थिए । तर, गत अप्रिलमा भारत प्रशासित कश्मीरको पहलगाममा भएको आतंकवादी आक्रमणमा २६ जनाको मृत्य भएपछि नयाँ दिल्लीले पाकिस्तानबाट आयात हुने सबै किसिमका वस्तुमा पूर्ण प्रतिबन्ध घोषणा गर्‍यो । यो प्रतिबन्धले सिखहरूको आध्यात्मिक थलो अमृतसरका ५० वर्षीय व्यवसायी विपन कुमारको व्यापार एकाएक ठप्प भयो । त्रैमासिकरूपमा उनले २ हजार देखि २५ सय टन सिधे नुन पाकिस्तानबाट ढुवानी गरेर बेच्दै आएका थिए । ‘मलाई एकदमै थोरै फाइदा बस्थ्यो तर, एकमुष्ठ बिक्री हुने भएकाले व्यवसाय टिकिरहेको थियो, प्रतिबन्धले सिधे नुनको कारोबार नै ठप्प भएको छ, अब फेरि परिस्थिति कहिले सामान्य हुन्छ थाहा छैन’, कतारबाट सञ्चालित अन्तर्राष्ट्रिय समाचार संस्था अलजजिरासँग कुरा गर्दै विपनले भनेका छन् ।पर्वतीय क्षेत्र...

नेपालअखबार,गाजापट्टी । इजरायली सेनाले गाजा पट्टीमा मानवीय सहायता बोकेको आफ्नो जहाज (योट) रोकेको फ्रीडम फ्लोटिला कोलिशन (एफएफसी) नामक संस्थाका कार्यकर्ताहरूले बताएका छन् ।  मेडेलिन नामक जहाजसँग आफ्नो सम्पर्क टुटेको उनीहरूले बताएको भन्दै एफएफसीले टेलिग्राममा भनेको छ । एफएफसीले एउटा तस्बिर पनि साझा गरेको छ,जसमा केही मानिसहरू लाइफ ज्याकेट लगाएर हात उठाएर बसिरहेका छन् ।  यो कुरा अहिलेसम्म कुनै स्वतन्त्र स्रोतले पुष्टि गरेको छैन । अन्तर्राष्ट्रिय वातावरणीय कार्यकर्ता ग्रेटा थनबर्ग पनि यस जहाजमा थिइन् । यो इजिप्टको तट नजिकै भएको विश्वास गरिन्छ । यसैबिच, इजरायलको विदेश मन्त्रालयले एक्समा एक भिडियो जारी गर्दै यस जहाजका यात्रुहरू सुरक्षित रहेको जानकारी दिएको छ । सेल्फी योटमा रहेका सबै मानिसहरू सुरक्षित छन् र उनीहरूलाई कुनै हानी भएको छैन । उनीहरूलाई स्यान्डविच र पिउने पानी खान दिइएको बताइएको...