विश्व

नेपालअखबार, एजेन्सि। बेलायती अन्तरिक्ष एजेन्सीले २ वटा नयाँ मिसनलाई अन्तरिक्षमा प्रक्षेपण गर्ने योजना बनाएको छ । जसको उद्देश्य उपचार नै नहुने बच्चाको ब्रेन ट्युमर तथा मांशपेशीको उमेर बढाउने प्रक्रियाका बारेमा अनुसन्धान गर्नु हो । बेलायती अन्तरिक्ष एजेन्सीले एक विज्ञप्तिमा भनेको छ कि २६ लाख पाउण्ड बजेट रहेको सो परियोजना सन् २०२५ सम्ममा अन्तरिक्षमा लञ्च गरिनेछ । यसको नतिजालाई विश्लेषण गर्नका लागि पृथ्वीमा फर्किनु अघि ६ महिनासम्म अन्तर्राष्ट्रिय स्पेस स्टेशनमा अन्तरिक्षयात्रीहरुद्वारा यसको निगरानी गरिनेछ । ब्रेन ट्युमरको उपचार कसरी ? इन्स्टिच्यूट अफ क्यान्सर रिसर्चको डी एमजी टू नामक परियोजनालाई बेलायती अन्तरिक्ष एजेन्सीले यहीँ विषयमा अनुसन्धानका लागि १२ लाख पाउण्ड आर्थिक सहयोग उपलब्ध गराएको छ । यो परियोजनाको उद्देश्य नै मिडलाइन ग्लियोमालाई कसरी फैलाउन सकिन्छ भनेर बुझ्नु हो । यो ...

नेपालअखबार, काठमाडौं । अफगानिस्तानको फैजाबाद केन्द्रविन्दु भएर गएको भूकम्पको कारण कम्तिमा पाँच जनाको मृत्यु भएको छ भने करिब ५० जना घाइते भएका छन् । मंगलबार राति अफगानिस्तानको जर्म शहरभन्दा करिब ४० किलोमिटर दक्षिण पूर्व केन्द्रविन्दु भएर ६.५ म्याग्निच्युडको भूकम्प गएको थियो । भूकम्पको कडा झड्का अफगानिस्तानसँगै पाकिस्तान र भारतमा पनि महसुस गरिएको थियो । विपद् व्यवस्थापन मन्त्री सफिउल्लाह रहिमीले सीएनएनलाई दिएको जानकारी अनुसार अफगानिस्तानको लाघमन प्रान्तमा दुई जनाको मृत्यु र ८ जना घाइते भएका छन् । यसैगरी दुई बच्चासहित अरु तीन जनाको उत्तरी पाकिस्तानमा मृत्यु भएको छ । अन्य ४१ जना घाइते भएका छन् । पाकिस्तानको अब्बोटावाद शहरमा भूकम्पका कारण पहिरो जाँदा बाटो पनि बन्द भएको सीएनएनले जनाएको छ । भूकम्पको धक्का भारतको राजधानी नयाँदिल्ली, राजस्थान, जम्मु कश्मीरका पनि महसुस गरिएको थियो । उ...

नेपालअखकार, काठमाडौं । इक्वेडरको दक्षिणी तटमा ६.७ म्याग्निच्युडको शक्तिशाली भूकम्प जाँदा कम्तिमा १३ जनाको मृत्यु भएको बीबीसीले जनाएको छ । युएसजीएसका अनुसार इक्वेडरका आधाभन्दा बढी प्रान्तमा शक्तिशाली भूकम्पको धक्का महसुस गरिएको छ । भूकम्पका कारण देशका धेरै सहरमा भवनमा पनि क्षति पुगेको छ । सरकारी अधिकारीका अनुसार भूकम्पबाट सबैभन्दा बढी प्रभावित एल ओरु प्रान्तमा ११ जनाको मृत्यु भएको छ भने अजुए प्रान्तमा एक जनाको मृत्यु भएको छ । उत्तरी पेरुमा पनि भूकम्पको धक्का महसुस गरिएको थियो । यहाँ टुम्बेस प्रान्तमा घर भत्किँदा एक महिलाको मृत्यु भएको छ । इक्वेडरको आपतकालीन सेवाले यहाँका घरहरु भत्किँदा धेरै मानिसहरु भग्नावशेषमुनि पुरिएका र उनीहरुलाई उद्दार गर्ने काम तीव्र गतिमा भइरहेको बताएको छ । भूकम्पको केन्द्रबिन्दु इक्वेडरको दोस्रो ठूलो सहर ग्वायाकिलबाट करिब ८० किलोमिटर टाढा रहेको बालाओमा...

नेपालअखबार, एजेन्सि। हिमालय क्षेत्रमा रहेको बौद्ध धर्मावलम्बीहरूको पवित्र शहर हो तवाङ । शान्तिका प्रतीक गौतम बुद्धको मूर्तिसहितको यो गुम्बा सबैभन्दा ठूलो भारतीय गुम्बा हो । तवाङ गुम्बालाई लिएर भारत र चीनबीचको सीमा विवाद हुने गरेको छ । तवाङलाई भारत र चीनबीचको सीमा विवादको सबैभन्दा जटिल र भविष्यमा दुई मुलुकबीच द्वन्द्व निम्याउन सक्ने भूगोलका रूपमा लिइन्छ । हिउँले ढाक्ने यो भूगोलमा एशिया दुई ठूला सेनाहरू सय मिटरको दुरीमै आमने सामने भिडन्त गर्छन् । गत डिसेम्बर चीन र भारतीय सेनाबीच यहीँ भिडन्त भएको थियो । समुद्री सतहबाट ३ हजार मिटर उचाइमा रहेको तवाङ गुम्बा तिब्बती बौद्ध धर्मालम्बीहरूको प्रख्यात तीर्थस्थल हो । सामरिक भूमि भएका कारण परमाणु हतियारधारी दुई मुलुक भारत र चीनबीच बेलाबखत आपसी भिडन्त भइरहन्छ । यो भूमि चीनले आफ्नो रहेको दाबी गर्छ । सन् १९५० मै तिब्बतलाई चीनमा गाभिएकाले भारतको उत्...

नेपालअखबार, इस्लामाबाद । साउदी अरेबिया र इरानबीच कूटनीतिक सम्बन्ध पुनर्स्थापित गर्ने निर्णयको पाकिस्तान र संयुक्त राष्ट्रसंघले स्वागत गरेको छ। चीनमा भएको वार्तापछि साउदी अरेबिया र इरान सात वर्षपछि कूटनीतिक सम्बन्ध पुनर्स्थापित गर्न सहमत भएका छन् पाकिस्तानको विदेश मन्त्रालयलाई जारी गरिएको विज्ञप्तिमा यो कूटनीतिक पहलले क्षेत्रीय शान्ति र स्थायित्व अभिवृद्धिमा सहयोग पुग्ने बताइएको छ । चीनको प्रशंसा गर्दै पाकिस्तानले विज्ञप्तिमा भनेको छ, ‘हामी यस ऐतिहासिक सम्झौतामा चीनको दूरदर्शी नेतृत्वले खेलेको भूमिकाको कदर गर्छौँ, जसले सकारात्मक संलग्नता र अर्थपूर्ण वार्ताको शक्ति देखाउँछ।’ पाकिस्तानले मध्यपूर्व क्षेत्रमा सकारात्मक भूमिका खेल्ने र यो पहल बाँकी क्षेत्रमा सहयोग र समृद्धिको उदाहरण बन्ने बताएको छ । उता राष्ट्रसंघका महासचिवले पनि इरान र साउदी अरेबियाबीच कूटनीतिक सम्बन्ध पुनर्स्थापित गर्ने ...

नेपालअखबार, काठमाडौं । जर्मनीको ह्याम्बर्गमा एक व्यक्तिले गोली चलाउँदा कम्तिमा ६ जना मारिएका छन् । इसाई अभियानकर्मीहरूको बैठक कक्षमा गोली चल्दा ६ जनाको मृत्यु भएको समाचार एजेन्सी रोयटर्सले जनाएको छ । ह्याम्बर्गकै ग्रस ब्रोस्टल भन्ने स्थानमा पनि गोली चल्दा केही मानिस घाइते भएका छन् । यो घटनाको उद्देश्य अझै यकिन हुन नसकेको प्रहरी प्रवक्ता होल्गर भेरेनले बताएका छन् ।  ...

नेपालअखबार, वासिङ्टन । प्रशान्त क्षेत्रमा चीनको बढ्दो प्रभावलाई दृष्टिगत गरी अष्ट्रेलिया, अमेरिका र बेलायतका शीर्ष नेताबीच आगामी साता यहाँ भेटवार्ता हुने भएको छ । सुरक्षा र विदेश नीतिबारे छलफल गर्ने उद्देश्यले हुन लागेको उक्त भेटवार्तापछि त्रिदेशीय परमाणु पनडुब्बी सम्झौता हुने अपेक्षा गरिएको सम्बद्ध अधिकारीहरूले बताएका छन् ।  अष्ट्रेलिया, अमेरिका र बेलायतबीच १८ महिनासम्म वार्ता भएको थियो । आगामी वार्तामा अष्ट्रेलियाले आठवटा आणविक पनडुब्बी प्राप्तिको योजना प्रस्तुत गरिने बताइएको छ । प्रधानमन्त्री एन्थोनी अल्बानिजले आफ्नो देशको इतिहासमा आणविक पनडुब्बी प्रतिरक्षा क्षमता अभिवृद्धिका निम्ति महत्वपूर्ण हुने बताएका छन्  । पनडुब्बी सम्झौता अष्ट्रेलिया, संयुक्त अधिराज्य र अमेरिका बीचको नयाँ क्षेत्रीय सम्झौताको नयाँ हिस्सा हो जसलाई एयुकेयुएस पनि भनिन्छ । राष्ट्रपति जो बाइडेनले आगामी सोमबार क्यालि...

नेपालअखबार, दोहा । कतारका अमिरले देशका एक जना शीर्ष कूटनीतिज्ञलाई प्रधानमन्त्रीमा नियुक्त गरेका छन् ।  साथै उनले अर्का एक जनालाई गृहमन्त्री बनाएका छन् । अमिरको कार्यालयका अनुसार शेख तमिम बिन हमाद अल थानीले प्रधानमन्त्री तथा शेख खालिद बिन खलिफा बिन अब्दुलाजिज अल थानीले गृहमन्त्रीबाट दिएको राजीनामा अमिरले स्वीकृत गरेका हुन्  । विदेशमन्त्री मोहम्मद बिन अब्दुलरहमान अल थानीलाई प्रधानमन्त्रीमा नियुक्त गरिएको छ । उनले नियुक्तपछिको केही घण्टामै पद तथा गोपनीयताको शपथ लिएको सरकारी सञ्चारमाध्यमले जनाएका छन् । गत वर्ष यहाँ आयोजित विश्वकप फुटबल प्रतियोगिताका निम्ति गठित सरकारी सुरक्षा समितिको नेतृत्व गरेका शेख खलिफा बिन हमाद बिन खलिफा अल थानी गृहमन्त्रीमा नियुक्त भएका छन् । उनले  लेखविया आन्तरिक सुरक्षा बलमा पनि सेवा गरेका थिए । ४२ वर्षीय नवनियुक्त प्रधानमन्त्री अब्दुलरहमान अल थानी अर्थशास्...

नेपालअखबार, क्वालालम्पुर । मलेसियाको एक अदालतले जेलमा परेका पूर्व प्रधानमन्त्री नाजिब रजाकलाई शुक्रबार भ्रष्टाचारको आरोपबाट सफाइ दिएको छ ।  तर उनले अर्को मुद्दाबाट १२ वर्षको जेल सजाय भोग्न पर्ने समाचारमा जनाइएको छ । राज्य अभियोजकहरूले आफ्नो मुद्दा प्रमाणित गर्न पर्याप्त प्रमाणहरू प्रदान गर्न असफल भएका उच्च अदालतका न्यायाधीश मोहम्मद जैनी मजलान बताए । भ्रष्टाचारको सो आरोप शुक्रबार खारेज गरिएको थियो । यो आरोप ठहर भएको भए २० वर्षसम्मको जेल सजाय हुने थियो । परिवर्तित आरोपअनुसार कुनै पनि आपराधिक दायित्वबाट उनलाई मुक्त गर्न उद्देश्य रहेको जनाइएको छ । उनलाई  तत्कालीन कोषका अध्यक्ष र प्रमुख कार्यकारी अरुल काण्डले सहयोग गरेको आरोप छ । हाल अरुलले पनि सफाई पाएका छन् । (रासस/एएफपी)...

नेपालअखबार, काठमाडौं । युक्रेनले रुसको राजधानी मस्को नजिक ड्रोनमार्फत् आक्रमणको प्रयास गरेको रुसी अधिकारीहरुले दाबी गरेका छन् । राजधानी मस्को नजिकको एक गाउँमा एउटा ड्रोन सोमबार मध्यरात दुर्घटनाग्रस्त अवस्थामा फेला परेको थियो । त्यो ड्रोन युक्रेनमा बनेको पाइएको छ । तर त्यसबाट कुनै क्षति भने भएको छैन । रुसले यो घटनालाई युक्रेनले गरेको आक्रमणको असफल प्रयास भनेर टिप्पणी गरेको छ । मंगलबार पत्रकार सम्मेलनमा मस्कोका गभर्नर आन्द्रेइ बोरोब्योबको दाबी अनुसार मस्कोभन्दा करिब एक सय किलोमिटर दक्षिण-पूर्वमा पर्ने गुबास्तोब गाउँमा ड्रोन आक्रमण प्रयास भएको थियो । युक्रेनले मस्कोका बासिन्दालाई लक्षित गर्दै ड्रोनबाट प्रहार गरेको उनले आरोप लगाए । उनले भने, ‘युक्रेनले सोमबार मध्यरातिदेखि मंगलबार बिहानसम्म ड्रोन प्रहार गरिरह्यो र त्यसलाई असफल बनाउन रुस डटिरह्यो । त्यसबेला एउटा ड्रोन दुर्घटना भएको थियो...