विश्व

नेपालअखबार, एजेन्सि। चिनियाँ राष्ट्रपति सी जिनपिङ यसै हप्ता साउदी अरबको भ्रमणमा जाने भएका छन् । तीनदिने भ्रमणको क्रममा उनले विश्वको सबैभन्दा धेरै तेल निर्यातक देश साउदी अरबका राजासँग भेटवार्ता गर्नेछन् । आधिकारिक साउदी प्रेस एजेन्सीले चिनियाँ राष्ट्रपति सी बुधबार भ्रमणका लागि आउने उल्लेख गरेको छ । उनले ६ सदस्यीय खाडी सहयोग परिषदका प्रमुखहरुँगको एक शिखर सम्मेलनमा पनि भाग लिनेछन् । साथै उनले चीनको फैलिंदो सम्बन्धलाई अझ बढी बलियो बनाउने उद्देश्यले मध्यपूर्वका अन्य देशका नेताहरुसँग पनि छलफल गर्ने बीबीसीले जनाएको छ । कोरोना भाइरसको विश्वव्यापी महामारी सुरु भएपछिको सीको यो तेस्रो विदेश भ्रमण हो । २०१६ पछि साउदी अरबको उनको यो पहिलो भ्रमणसमेत हो । साउदी अरब र अमेरिकाबीचको ऊर्जा नीतिदेखि लिएर क्षेत्रीय सुरक्षा तथा मानवअधिकारका मुद्दाका बीच हुन लागेकाले सीको यो भ्रमणलाई चासोका साथ हेरिएको छ ।...

नेपालअखार,काठमाडौं । कतारमा जारी फिफा विश्वकप २०२२ अन्तर्गत आज क्वाटरफाइनल चरणका अन्तिम दुई खेल हुँदैछन् । आज मोरक्को र स्पेन तथा पोर्चुगल र स्वीटजरल्याण्डबीच खेल हुनेछ । यी दुई खेलपछि अन्तिम १६ को खेलहरु सकिनेछन् र क्वाटरफाइनल चरण पूरा हुनेछ । समूह एफको विजेता मोरक्को र समूह ईको उपविजेता स्पेन बीचको खेल राति पौने ९ बजे एजुकेसन सिटी स्टेडियममा सुरु हुनेछ । ३६ वर्षपछि नकआउट चरण पुग्ने क्रममा अपराजित रहेको मोरक्कोले समूह विजेता बन्ने क्रममा बेल्जियम र क्यानडालाई हराएको थियो भने क्रोएसियासँग बराबरी खेलेको थियो । स्पेनलाई स्तब्ध पार्दै क्वाटरफाइनलमा पुग्ने मोरक्कोको लक्ष्य छ । उता स्पेनले कोस्टारिकालाई पराजित गर्दा जर्मनीसँग बराबरी खेलेको थियो भने जापानसँग पराजित भएको थियो । यस्तै समूह एचको विजेता पोर्चुगल र समूह जीको उपविजेता स्वीटजरल्याण्डबीचको खेल लुसेस स्टेडियममा मध्यराति पौ...

तीन चिनियाँ अन्तरिक्ष यात्री आफ्नो अन्तरिक्ष स्टेसनमा ६ महिनाको मिसन पूरा गरेर पृथ्वीमा फर्किएका छन् । यी अन्तरिक्ष यात्रीहरू टियाङगोङ अन्तरिक्ष स्टेशनको निर्माणको अन्तिम चरणको निरीक्षण गर्न जुन ५ मा प्रस्थान गरेका थिए। उनको कार्यकाल नोभेम्बरमा सकिएको थियो । आइतबार, शेन्झाउ-१४ अन्तरिक्ष यानको चालक दल चीनको मंगोलियाको स्वायत्त क्षेत्रमा अवतरण गरेको थियो। चीनको अन्तरिक्ष एजेन्सीले यो मिसनलाई 'पूर्ण रूपमा सफल' भनेको छ। अन्तरिक्ष यान अन्तरिक्ष स्टेशनबाट लिफ्ट अफ भएको करिब नौ घण्टा पछि स्थानीय समय अनुसार ८ बजेपछि अवतरण भयो। अवतरण स्थलमा कर्मचारीले चालक दललाई क्याप्सुलबाट बाहिर निकालेको थियो । चीनको पहिलो महिला अन्तरिक्ष यात्री याङले अन्तरिक्ष स्टेसनमा आफूसँग अविस्मरणीय सम्झनाहरू रहेको र ‘मातृभूमि फर्कन पाउँदा उत्साहित रहेको बताएको सिन्ह्वा समाचार एजेन्सीले जनाएको छ।...

नेपालअखबार, एजेन्सि। रुसका दुई सैन्य एयरफिल्डमा विस्फोट भएको छ । मस्कोको दक्षिण पूर्वमा रहेको रियाजान सहर नजिकैको एयरफिल्डमा इन्धन ट्याङ्कर विस्फोट हुँदा तीन जनाको मृत्यु भएको छ भने अन्य छ जना घाइते भएका छन् । साराटोभ क्षेत्रमा भएको विस्फोटमा अन्य दुई जना घाइते भएको बताइएको छ । अहिलेसम्म यी विस्फोटको कारण खुल्न सकेको छैन । दुवै क्षेत्र युक्रेनको सिमानाबाट सयौँ किलोमिटर टाढा छन्। क्रेमलिनका प्रवक्ता दिमित्री पेस्कोभले रुसी राष्ट्रपति भ्लादिमिर पुटिनलाई यी दुवै घटनाबारे जानकारी गराइएको बताए । सेराटोभका क्षेत्रीय गभर्नरले सुरक्षा निकायले विस्फोटको कारण पत्ता लगाउन प्रयास गरिरहेको जानकारी दिएका छन् । उनले यसलाई "सैनिक अड्डाहरूमा दुर्घटना रिपोर्ट" को रूपमा वर्णन गरेका छन्।...

नेपालअखबार, एजेन्सि। अफ्रिकी देश सेनेगलको संसदमा एक महिला सांसदलाई थप्पड हानेको विषयमा विवाद भएको छ । घटना डिसेम्बर २ को हो । एक सांसदले महिला सांसदलाई थप्पड हाने । यसपछि आक्रोशित महिला मन्त्रीले उनीमाथि कुर्सी हानिन् । त्यसपछि दुई सांसदबीच झडप भएको थियो । अब थाहा पाउनुहोस् संसदमा हंगामाको कारण... संसदमा बजेट अधिवेशन चलिरहेको थियो । कारवाहीको क्रममा, सत्तारूढ दल बेन्नो बोक याकार (बीबीवाई) की महिला सांसद एमी नदिये गानिबीले राष्ट्रपति म्याकी सालको तेस्रो कार्यकालको विरोध गर्ने एक आध्यात्मिक नेताको आलोचना गरिन् । विपक्षी दलका सांसद मस्साता साम्बलाई यो कुरा मन परेन । उनी आफ्नो सिटबाट उठे र गनीबीलाई थप्पड हाने । अध्यात्मिक गुरुको आलोचनाबारे सांसद मसाता साम्बले भने, ‘एक सांसदले आध्यात्मिक गुरुको अपमान गरेकी छिन् । यो गलत हो । महिला सांसदले यो विषयलाई गम्भीरतापूर्वक लिइनन् । उन...

नेपालअखबार, एजेन्सि। वैज्ञानिकले हालै एक नयाँ एक्सोप्लानेटबारे पत्ता लगाएका छन् । तर जबदेखि खगोलविद्ले यस ग्रहको आकार र प्रकारबारे जानकारी पाएका छन्, उनीहरु हैरान भएका छन् । यो ग्रहको नाम हो HD-114082b । यो एक नयाँ ग्रह हो जसको आकारण वृहस्पति जत्तिकै ठूलो छ । यसको मापनपछि वैज्ञानिकहरुले थाहा पाएका छन् कि ग्यास ग्रह निर्माणसँग सम्बन्धित दुई मोडलमध्ये कसैसँग पनि यो ग्रहको गुण मेल खाँदैन । अर्थात्, यो ग्रह आफ्नो उमेरको हिसाबले निकै भारी छ र यसको निर्माण कसरी भयो यो अझै पनि एक पहेली हो जर्मनमा म्याक्स प्लेङ्क इन्स्टिच्युट फर एस्ट्रोनोमीको एस्ट्रोफिजिसिस्ट ओल्गा जखोजायका अनुसार हालको मोडलसँग तुलना गर्ने हो भने ग्यास जायन्ट HD-114082b को उमेर पनि मात्र १.५ करोड वर्ष मात्रै छ, जुन युवा ग्रह भएको नाताले दुईदेखि तीन गुणा बढी घना छ । एस्ट्रोनोमी एन्ड एस्ट्रोफिडिक्स जर्नलमा प्रकाशित शोधका अ...

नेपालअखबार, काठमाडौं । कतारमा जारी २२औं संस्करणको फिफा विश्वकप फुटबल अन्तर्गत आज समूह चरणको अन्तिम चार खेल हुँदैछ । आज समूह जी र एचका दुई–दुई खेल हुनेछन् । समूह एचमा रहेको पोर्चुगल र दक्षिण कोरिया तथा घाना र उरुग्वे बीचको खेल राति पौने ९ बजे सुरु हुनेछ । यस्तै समूह जी मा रहेको ब्राजिल र क्यामरुन तथा स्वीजरल्याण्ड र सर्वियाबीचको खेल मध्यराति पौने १ बजे सुरु हुनेछ । आजको खेलपछि अन्तिम १६ अर्थात प्रिक्वाटरफाइनलमा पुग्ने सबै १६ टोलीको टुंगो लाग्नेछ । अहिलेसम्म १४ टोलीले अन्तिम १६ मा स्थान बनाइसकेका छन् । समूह एदेखि समूह ईसम्मका विजेता र उपविजेताको छिनोफानो भइसकेको छ । यस्तै समूह जी बाट ब्राजिल तथा समूह एचबाट पोर्चुगलले पनि अन्तिम १६ मा स्थान पक्का गरिसकेका छन् । अब आजको खेलपछि अन्तिम दुई टोलीले नकआउट चरणमा स्थान बनाउनेछन् र अन्तिम १६ को समीकरण पनि पूरा हुनेछ । अहिलेसम्म सबै...

नेपालअखबार, काठमाडौं । इंग्ल्याण्डका डिफेन्डर बेन ह्वाइटले कतारमा भइरहेको फिफा विश्वकप २०२२ छाडेर घर फर्किएका छन् । इंग्लिस फुटबल संघले बुधबार व्यक्तिगत कारण ह्वाइट घर फर्केको जनाएको छ । फुटबल संघले यसबारे थप केही खुलाएको छैन । संघले आर्सनलका यी सेन्टर ब्याक अब कतार विश्वकपमा फर्कने अपेक्षा नरहेको पनि जनाएको छ । ‘बेन ह्वाइट इङ्गल्याण्डको अल बक्राहमा रहेको प्रशिक्षण केन्द्र छोडेर व्यक्तिगत कारणले घर फर्केका छन् । आर्सनलका डिफेन्डरले बाँकी प्रतियोगिताका लागि टोलीमा फर्कने अपेक्षा गरिएको छैन’ विज्ञप्तिमा भनिएको छ, ‘हामी यस समयमा खेलाडीको गोपनीयतालाई सम्मान गर्छौँ ।’ २५ वर्षीय ह्वाइटले इंग्ल्याण्डले समूह चरणमा खेलेको इरान र अमेरिकाविरुद्ध खेलेनन् भने वेल्स विरुद्धको खेलमा अनुपस्थित थिए । समूह ‘बी’ को विजेता बनेको इंग्ल्याण्डले अन्तिम १६ मा सेनेगल विरुद्ध खेल्नेछ ।...

नेपालअखबार, काठमाडौं । कतारमा भइरहेको फिफा विश्वकप २०२२ मा अहिले हरेक समूहको अन्तिम खेलहरु भइरहेका छन् । नकआउट चरणमा पुग्नका लागि अन्तिम खेलहरु रोमाञ्चक बन्दै गएका छन् । बिहीबार पनि समूह चरणका चार खेल हुनेछन् । समूह एफमा हुने यी चार खेलहरुबारे यस लेखमा चर्चा गरिएको छ। समूह एफमा साविक उपविजेता क्रोएसिया, फिफा वरीयतामा दोस्रो स्थानमा रहेको बेल्जियम, अफ्रिकन राष्ट्र मोरक्को र क्यानडा छन् । दोस्रो पटक विश्वकप खेलेको क्यानडा दुई खेल हार्दै यसअघि नै समूह चरणबाट बाहिरिसकेको छ । त्यसैले अब अन्तिम १६ मा पुग्नका लागि क्रोएसिया, मोरक्को र बेल्जियम मात्र होडमा छन् । यी तीन मध्ये दुई टिमले अन्तिम १६ मा स्थान बनाउनेछन् । बिहीबार राति पौने ८ बजे क्रोएसिया र बेल्जियम तथा मोरक्को र क्यानडाबीच हुने खेलपछि तीन दुई टिमको टुङ्गो पनि लाग्नेछ । एक जित र एक बराबरीबाट ४ अंकसहित क्रोएसिया हाल शीर्ष स्था...

नेपालअखबार, काठमाडौं । चिनियाँ पूर्वराष्ट्रपति चियाङ सेमिनको निधन भएको छ । चिनियाँ कम्युनिस्ट पार्टीका पूर्व महासचिव, केन्द्रीय सैन्य आयोगका पूर्वअध्यक्षसमेत रहेका पूर्वराष्ट्रपति चियाङको बुधबार ९६ वर्षको उमेरमा निधन भएको चिनियाँ सरकारी सञ्चार संस्था सिन्ह्वाले जनाएको छ । थप विवरण भने सार्वजनिक भएको छैन । चियाङ सन् १९८९ को तियानमेन स्क्वायरमा भएको आन्दोलनपछि चीनको शक्तिमा उदाएका नेता हुन् । सन् १९२६ को १७ अगस्टमा जन्मिएका उनी तियानमेन स्क्वायरमा भएको विद्यार्थी आन्दोलनपछि चिनियाँ कम्युनिस्ट पार्टीको अध्यक्ष बनेका थिए । उनीभन्दा अघि चाओ चियाङ पार्टीका महासचिव थिए । सन् १९४६ मा सीपीसीको पार्टी सदस्यता लिएका उनले संघाई विश्वविद्यालयबाट इलेक्ट्रिकल इन्जिनियरिङ अध्ययन गरेका थिए । केही समय चीनका उद्योगहरूमा काम गरेका उनले सन् १९५५ मा सोभियत युनियनबाट इलेक्ट्रिक सम्बन्धी थप तालिम समेत लिएका...