समाचार

गोरखा । लैंगिक हिंशा विरुद्धको १६ दिने अभियान सकिएको छ । अभियानका क्रममा जिल्लाका ११ वटै स्थानीय पालिका तथा बिभिन्न सामाजिक संघसंस्थाहरुले बिभिन्न कार्यक्रम सम्पन्न गरेका छन् । गोरखा नगरपालिकाले समेत अभियानका क्रममा बिबिध कार्यक्रमको आयोजना गरेको जनाएको छ । वडा नम्बर ७ बाट सुरु गरी १४ वटै वडामा नगरपालिकाले बिभिन्न सचेतनामुलक कार्यक्रम चलाएको थियो । अभियानका क्रममा अन्तरकृया, सचेतनाका कार्यक्रम, अपांग परिचयपत्र वितरण, मानव सेवा आश्रमलाई ८ लाख सहयोग, गोष्ठी लगायतका कार्यक्रम संचालन भएको सामाजिक विकास शाखा प्रमुख विजयभक्त उपाध्यायले बताए । त्यस्तै मंगलबार वडा नम्बर ५ मा महिला हिंशा सम्बन्धी छलफल कार्यक्रम गरी अभियानको समापन गरिएको छ । उपप्रमुख विना कुमारी श्रेष्ठको अध्यक्षतामा भएको कार्यक्रममा वडाध्यक्ष रामकुमार थापा मगर, सामाजिक शाखा प्रमुख विजयभक्त उपाध्याय लगायतले बोलेका थिए । कार्यक्रमको ...

गोरखा । पत्रकार पवन पौडेल अन्तर्राष्ट्रिय अवार्डबाट सम्मनित भएका छन् । तनहुँमा रहेर पत्रकारितामा सकृय पौडेलले नेदरल्यान्डको राजधानी एम्स्टर्डममा सम्पन्न विश्व युवा सम्मेलनमा नेपालबाट सहभागी पौडेलले उत्कृष्ट अवार्ड पाएका हुन् । दमौली खबर दैनिकका सम्पादक एवं दमौली एफएम ९४.२ का स्टेशन इन्चार्ज समेत रहेका पौडेलेले सम्मेलनमा दिएको विचार र मिडिया सामग्रीका आधारमा उनलाई उत्कृष्ट अवार्ड दिइएको हो । विश्वभरका ३५ देशका ६५ सहभागी मध्ये उत्कृष्ट सहभागी सम्मेलन ६ दिनसम्म चलेको थियो । सम्मेलनमा परिवर्तित समयमा समानुपातिक विकास र नयाँ उन्नत आधुनिक प्रविधिको बारे चर्चा भएको थियो ।...

काठमाडौं । भुटानलाई हराउँदै नेपालले १३औं दक्षिण एसियाली खेलकुद (साग) अन्तरगत पुरुष फुटबलको स्वर्ण नेपालले जितेको छ । साग फुटबलमा नेपालको यो लगातार दोस्रो पटक उपाधि हो भने समग्रमा तेस्रो । मंगलबार भएको फाइनल भिडन्तमा नेपालले भुटानलाई २-१ गोल अन्तरले हराएको हो । त्रिपुरेश्वरस्थित दशरथ रंगशालामा भएको खेलमा नेपालले १७औं मिनेटमा अभिषेक रिजालको गोलबाट अग्रता लिएको थियो । तर ३७ औं मिनेटमा चेन्चो ग्याल्सेनले बराबरी गोल फर्काए । खेलको दोस्रो हाफमा नेपालले सुनिल बलको गोलबाट फेरि अग्रता लियो । बलले उत्कृष्ट हेड गोल गरेका थिए । खेलमा थप गोल हुन सकेन र नेपालले  २-१ को जितसँगै स्वर्ण जितेको छ । onlinekhabar...

मोहसिन अलि मियाँ गोरखा  । बिरेनचोकका स्थानीय होमस्टे सञ्चालनको तयारीमा जुटेका छन् । गोरखा नगरपालिका वडा नम्बर १० स्थित गोरखा– आँबुखैरेनी सडक आसपास क्षेत्रमा रहेका मगर समुदाय होमस्टेको तयारीमा जुटेका हुन् । १९ घरबाट सुरुवात हुन लागेको होमस्टे सञ्चालनका लागि आवस्यक पूर्वाधारको निर्माण भइरहेको स्थानीयले बताएका छन् । ‘हामीले तत्काल १९ घरबाट होमस्टेको सुरुवात गर्दैछौ’ बिरेनचोक सामुदायिक होमस्टेका अध्यक्ष सम्झना रानाले भनिन् ‘सबै घरमा पाहुना बस्ने कोठा बनिसकेका छन्, अब अरु संरचनाहरु निर्माणको तयारीमा छौ ।’ यसैबिच सोमबार होमस्टे सञ्चालनका लागि सरोकारवालाहरुबिच छलफल भएको छ । गोरखा नगरपालिकाका प्रमुख राजनराज पन्तको प्रमुख आतिथ्यतामा भएको कार्यक्रममा बोल्ने अधिकांश स्थानीयले होमस्टे सञ्चालनका लागि आफुहरु तत्पर रहेपनि ब्यवस्थापनमा समस्या भएको बताएका छन् । ‘हामीले आ–आफ्नो घरमा पाहुना कोठा त बनायौ, बाथ...

रुपन्देहीमा छोराले आफ्नै आमाबुवाको हत्या गरेका छन् । ओमसतिया गाउँपालिका-४ का गोरखबहादुरले घरमै बसिरहेका ७२ वर्षीय बुवा रामनारायण यादव र ७० वर्षीया आमा थगना यादवको धारिलो हतियार प्रहार गरी हत्या गरेको जिल्ला प्रहरी कार्यालय रुपन्देहीले जनाएको छ । हतियार प्रहारबाट रामनारायणको घटनास्थलमै मृत्यु भएको हो भने गम्भीर घाइते थगनाको युनिर्भसल मेडिकल कलेज भैरहवामा उपचारका क्रममा मृत्यु भएको जिल्ला प्रहरी कार्यालय रूपन्देहीका प्रमुख, एसपी हेम थापाले बताए ।...

मंसिर ४ गते कार्यकारी अध्यक्षको जिम्मेवारी पाएका नेपाल कम्युनिष्ट पार्टी (नेकपा) अध्यक्ष पुष्पकमल दाहाल (प्रचण्ड) ले सक्रियता देखाउन थालेका छन्। बुधबार पार्टी सचिवालयको बैठक राखेका उनले स्थायी र केन्द्रीय समिति बैठक पनि आयोजना गर्ने तयारी थालेका छन्। मंसिरभित्रै स्थायी समिति र पुस पहिलो साताभित्र केन्द्रीय समितिको बैठक बोलाउने गरी उनले तयारी तीव्र पारेका हुन्। बैठकको तयारीकै क्रममा अध्यक्ष प्रचण्डले महासचिव विष्णु पौडेल, नेताहरु सुरेन्द्र पाण्डे र भीम रावलसँग एक्लाएक्लै छलफल गरेर राय लिइसकेका छन्। यस्तै गएको एक हप्ताको बीचमा केन्द्रीय सदस्यहरु झकबहादुर मल्ल, विष्णु रिजाल, रमेश मल्लसँग पनि प्रचण्डले छलफल गरिसकेका छन्। नेकपाका एक स्थायी समिति सदस्यका अनुसार प्रचण्डले मंसिर २७ वा २८ गते स्थायी र पुस ३ गते केन्द्रीय समितिको बैठक बोलाउने तयारी गरेको आफुनिकट नेताहरुलाई जनाउ दिएका छन्।...

ऊर्जा, जलस्रोत तथा सिँचाइमन्त्री वर्षमान पुनले बूढीगण्डकी जलविद्युत् आयोजनामा पर्ने जग्गाको मुआब्जा निर्धारण गर्दा स्थानीय जनताको भावनाको कदर गरेको बताए। ‘स्थानीय जनता र जनप्रतिनिधिहरूसँग लामो छलफलपछि बूढीगण्डकी परियोजनाको मुआब्जा निर्धारण गरिएको हो, यो न्यायोचित नै छ’, मन्त्री पुनले भने, ‘ईआईए अनुसार अब हामी पुनस्र्थापना र पुनर्वासमा जनता सँगसँगै लाग्छौँ।’ मुआब्जा निर्धारणप्रति केही असन्तुष्टी आइरहेका बेला मन्त्री पुनले स्थानीय जनता र जनप्रतिनिधिहरूसँग समेत छलफल गरेपछि मात्रै मुआब्जा निर्धारण गरिएकाले यसमा सबैको सहयोग हुनुपर्ने बताए। ‘सरकारले जनभावना अनुरुप गरेको मुआब्जा निर्धारणअनुसार पुनर्वासमा लाग्न म सबै प्रभावित जनतालाई आग्रह गर्न चाहन्छु’, मन्त्री पुनले भने, ‘साथै विकासका मुद्दामा चलखेल होइन सहयोग गर्न राजनीतिक पार्टी र जनप्रतिनिधिहरूलाई पनि आग्रह गर्दछु।’...

गोरखा । रेडक्रशको संस्थागत क्षमता विकासका लागि जिल्ला शाखा तथा उपशाखाहरुलाई तिन दिने तालिम सुरु भएको छ । गोरखा शाखाको आयोजनामा बिहिबारदेखि सदरमुकाममा ३ दिने तालिम सुरु भएको हो । तालिममा बिशेष गरेर रेडक्रशको मर्म, संस्थागत विकास, समाज सेवा, विपद ब्यवस्थापन तथा सामना, उद्दार, संगठन विस्तार, ब्यक्तिगत विकास लगायतका बिषयमा प्रशिक्षण गराइने सभापति भगवानबाबु मास्केले बताए । जिल्ला शाखा सभापति मास्केको अध्यक्षतामा भएको प्रशिक्षण उद्घाटन कार्यक्रममा रेडक्रशका गण्डकी प्रदेश सभापति सूर्य प्रसाद ढकालको प्रम्ुख आतिथ्यता रहेको थियो । कार्यक्रममा रेडक्रशका केन्द्रिय कार्यालयका संगठन विभाग प्रमुख कृष्ण घिमिरे, जिल्ला शाखा मन्त्री राजेन्द्र न्यौपाने, जिल्ला सदस्य रहमतुल्ला मियाँ लगायतले प्रशिक्षणमुलक मन्तब्य ब्यक्त गरेका थिए । तालिममा जिल्लाका झण्डै ३० उपशाखाहरुका प्रतिनिधीहरुको सहभागिता रहेको जिल्ला शाखा...

गोरखा । पालुङटार नगरपालिकाले जन्मिए लगत्तै बालबालिकाको नाममा बैंक खाता खोलिदिने भएको छ । बच्चा जन्मिएपछि जन्मदर्ता गराए लगत्तै नगरपालिकाले बैंकमा खाता खोलेर नगद एक हजार समेत जम्मा गरिदिने भएको हो । ५ बर्षभित्र सम्पूर्ण नगरवासीलाई बैंकको पहुँचमा पु¥याउने र वित्तिय साक्षरता अभिबृद्धि गराउने उदेश्यले कार्यक्रमको सुरुवात गरिएको नगरप्रमुख दीपकबाबु कडेंलले बताए । ‘अहिलेसम्म हुनेखाने मात्रै बैंकको पहुँचमा छन्, मेरो कार्यकालमा बैंकमा सबैको एकाउण्ट होस, चेक, एटिएमबाट कारोबार गर्ने बानीको विकास होस भन्ने उदेश्य हो’ उनले भने ‘बच्चाको जन्मदर्ता गराएकै दिन हामी खाता खोलेर १ हजार जम्मा गरिदिन्छौ ।’ सो सुविधा लिनका लागि पालुङटारको स्थायी बासिन्दा हुनुपर्ने बताइएको छ । कार्यक्रमले अभिभावकसंगै बालबालिकामा बचत गर्ने बानीको विकास हुने समेत नगरपालिकाले विश्वास गरेको छ । ‘अहिले बिभिन्न उत्सवका नाममा खर्च गर्ने...

एपेन्डिक्स पाकेर एपेन्डिसाइटिस भएपछि गत मंसिर १० गते मंगलबार सेन्टरमा भर्ना भएका प्रधानमन्त्री केपी शर्मा ओलीको उपचार खर्च सार्वजनिक भएको छ। बिहीबार दिउँसो साढे ३ बजे प्रधानमन्त्री ओली डिस्चार्ज भएसँगै अस्पतालले उपचार खर्चबारे जानकारी दिएको हो। सेन्टरका कार्यकारी निर्देशक प्रा.डा. उत्तमकृष्ण श्रेष्ठले थाहाखबरलाई दिएको जानकारी अनुसार १० दिन लामो प्रधानमन्त्रीको उपचारका क्रममा २ लाख ५४ हजार ६ सय ८८ रुपैयाँ खर्च भएको छ। सरकारी अस्पताल भएकाले प्रमको उपचारमा थोरै खर्च लागेको हो।...