विश्व

नेपालअखबार, एजेन्सि। चीनमा फेरि एक जना अर्का मन्त्री सार्वजनिक रूपमा देखिन छोडेका छन्। गत महिना तत्कालीन चिनियाँ विदेश मन्त्री छिन काङ रहस्यमय तरिकाले सार्वजनिक रूपमा देखिन छाडेका थिए। पछि राष्ट्रपति सी चिनफिङले उनलाई बर्खास्त गरेका थिए। अहिले रक्षामन्त्री साङ्फू ली दुई सातादेखि सार्वजनिक रूपमा देखिएका छैनन्। अमेरिकी अधिकारीहरूले लीलाई घरमै नजरबन्दमा राखिएको हुन सक्ने आशंका गरेका छन्। जापानका लागि अमेरिकी राजदूत र्‍याम इम्यानुअलले सामाजिक सञ्जाल एक्समा केही दिनदेखि सार्वजनिक रूप नदेखिएका रक्षामन्त्री लीले पूर्वनिर्धारित भियतनाम भ्रमण नगरेको र सिंगापुरका नौसैनिक प्रमुखसँग भेटमा अनुपस्थित भएको उल्लेख गरेका छन्। लीलाई घरमै नजरबन्दमा राखिएको हो भन्दै उनले प्रश्न गरेका छन्। वासिङ्टन पोस्टले चिनियाँ अधिकारीहरूलाई उद्धृत गर्दै लीमाथि भ्रष्टाचार अभियोगमा अनुसन्धान भइरहेको र उनलाई केही ...

नेपालअखबार,एजेन्सि  । उत्तर कोरियाका नेता किम जोङ उनले रुसका राष्ट्रपति भ्लादिमिर पुटिनसँगको शिखर वार्ताका लागि भ्लादिभोस्तोकको यात्रा सुरु गरेको बताइएको छ । किमले विदेश भ्रमणका लागि प्रयोग गरेको सशस्त्र रेल प्योङयाङबाट प्रस्थान गरेको देखिएको दक्षिण कोरियाली मिडियाले सरकारी अधिकारीलाई उद्धृत गर्दै रिपोर्ट गरेको छ। बैठक स्थानीय समयअनुसार मंगलबार बिहान बस्ने बताइएको छ । रुसी समाचार एजेन्सी इन्टरफ्याक्सले पनि किम ‘आगामी दिनमा’ भ्रमण गर्ने अपेक्षा गरिएको बताएको छ। यो उत्तर कोरियाली नेताको चार वर्ष भन्दा बढीमा पहिलो अन्तर्राष्ट्रिय यात्रा हुनेछ, र महामारी पछि पहिलो । दुई नेताहरूले उत्तर कोरियाले युक्रेनमा आफ्नो युद्धलाई समर्थन गर्न मस्कोलाई हतियार उपलब्ध गराउने सम्भावनाबारे छलफल गर्ने एक अमेरिकी अधिकारीले सीबीएसलाई बताएका थिए । तत्कालीन अमेरिकी राष्ट्रपति डोनाल्ड ट्रम्पसँग उत्तर...

नेपालअखबार, चीन । शुक्रबार साँझ आएको अविरल वर्षापछिको बाढीका कारण दक्षिण चीनको ग्वाङडोङ प्रान्तका ८० हजार मानिसहरू विस्थापित भएका छन् । उनीहरूलाई सुरक्षित स्थानमा सारिसकिएको बताइएको छ । टाइफुन हाइकुई र मनसुनले बिहीबारदेखि पर्ल नदी डेल्टा क्षेत्रका धेरै सहर र काउन्टीहरुमा मुसलधारे वर्षा भइरहेको छ । जसका कारण बाढी पहिरो र सडक अवरुद्ध भएको छ । प्रान्तीय विपद् न्यूनीकरण आयोगले १५ सहरमा बढी जोखिम रहेको बताएको छ । सेन्जेन, झुहाइ र जियाङ्मेन शहरहरु र फोशान, डोङ्गुआन र ग्वाङ्झाउका केही भागहरूमा विद्यालयसमेत बन्द गरिएको छ । त्यस्तै ४७ रेल सेवाहरू अवरुद्ध भएका छन् भने ७९ सडक खण्डहर, ६ वटा टोल बुथ र एउटा पुल पुल अवरुद्ध भएको छ ।...

नेपालअखबार, काठमाडौं । अफ्रिकी मुलुक मोरक्कोमा भूकम्पमा परी मृत्यु हुनेको संख्या दुई हजार नाघेको छ । गृह मन्त्रालयका अनुसार १४ सयभन्दा बढी मानिसहरु गम्भीर घाइते छन् । भूकम्पले निम्ताएको विनासपछि सरकारले तीन दिन राष्ट्रिय शोक घोषणा गरेको छ । साथै भूकम्प पीडितहरुलाई आवास, खाना र अन्य सहयोगका लागि आह्वान गरेको छ । भूकम्पका कारण घर छाडेकाहरु धेरै मानिसहरुले दोस्रो दिनको रात पनि खुल्ला आकास मुनि बिताएका छन् । शुक्रबार राति मराकेसको दक्षिण पश्चिम क्षेत्रमा पर्ने हाई एटलस पहाडी क्षेत्र केन्द्रविन्दु भएर ६.८ म्याग्निच्युडको भूकम्प गएको थियो । धेरै क्षति पनि पहाडी क्षेत्रका गाउँहरुमा भएको छ । खोज तथा उद्धार कार्य जारी छ । ग्रामीण क्षेत्रबाट एकिन विवरण आउन बाँकी रहेकाले हताहतीको संख्या बढ्न सक्ने अनुमान अधिकारीहरुले गरेका छन् ।...

नेपालअखबार, मोरक्को । मोरक्कोमा भएको शक्तिशाली भूकम्पमा परी हालसम्म आठ सय २० जनाको मृत्यु भएको छ भने छ सय ७२ जना घाइते भएका छन् । गृह मन्त्रालयका अनुसार  घाइतेमध्ये दुई सय पाँच जनाको अवस्था गम्भीर छ । भैचालोमा ज्यान गुमाउने र घाइते हुने आधाभन्दा बढी अल–हौज र ताराउदान्ट प्रान्तका रहेका बताउँदै उक्त मन्त्रालयले मराकेस, अगादिर, कासाब्लाङ्का, और्जाजाटे, चिचौवा, अजिलाल र युसुफिया पनि अधिक प्रभावित भएका जनाएको छ । शुक्रबार राति ११ः ११ बजे भएको ६.८ म्याग्निच्युडको भूकम्पबाट भयभित मोरक्कोली मध्यरातमा घर छोडेर भागेका थिए । अहिले पनि अधिकांश घरबाहिर त्रिपाल टाँगेर बसिरहेका छन् । शक्तिशाली भूकम्पपछि साना–साना धेरै धक्का आज पनि महसुस गरिएको मोरक्कका सञ्चार माध्यमले बताएका छन् । शुक्रबारको भूकम्प देशमा अहिलेसम्मकै सबैभन्दा शक्तिशाली भएको उनीहरूले समाचारमा उल्लेख गरेका छन् । भ...

नेपालअखबार , काठमाडौं । मोरक्कोेमा शुक्रबार राति ११ बजेर ११ मिनेटमा गएको भूकम्पमा मृत्यु हुनेको संख्या २९६ पुगेको छ । मोरक्कोमा शक्तिशाली ६.८ म्याग्निच्युडको भूकम्प गएको थियो । १८.५ किलोमिटरको गहिराइ केन्द्रबिन्दु पारेर गएको भूकम्प सुुरुमा ३१.११ डिगि्र उत्तर अक्षांश र ८.४४ डिगि्र पश्चिम देशान्तरमा र माराकेसको लगभग ७० किलोमिटर दक्षिणपश्चिम केन्द्रबिन्दु पारेर गएको अन्तर्राष्ट्रिय सञ्चार माध्यमले जनाएका छन् । भूकम्पपछि उत्तरी मोरक्कोको फेस सहरका बासिन्दाहरु सम्भावित पराकम्पहरुको चिन्तामा छन् । कतिपय मानिस घर छोडेर सडकमा निस्किएका छन् । रबात र कासाब्लान्का लगायत मोरक्कोका धेरै सहरहरुमा भूक्म्पको ध्ाक्का महसुश गरिएको थियो । तरौडान्ट र माराकेस सहरहरुमा भूकम्पका कारण धेरै घरहरु भत्किएका छन् ।...

नेपालअखबार,काठमाडौँ । कङ्गोको पूर्वी प्रजातान्त्रिक गणतन्त्र (डिआरसी) मा बुधबार संयुक्त राष्ट्रसङ्घविरोधी प्रदर्शनमाथि भएको कारबाहीमा कम्तीमा ५० जनाको मृत्यु भएको बताइएको छ । कंगोका सैनिकले गोमा सहरमा संयुक्त राष्ट्रसङ्घका शान्ति सैनिकविरुद्ध प्रदर्शन गर्ने योजना बनाएको धार्मिक सम्प्रदायमाथि आक्रमण गरेका थिए । सुरुमा करिब १० जनाको मृत्यु भएको बताइएको थियो । सुरक्षा अधिकारीहरूले पुष्टि गरेको सेनाको आन्तरिक दस्ताबेजमा मारिने प्रहरीसहित ५० जनाको मृत्यु भएको र ७५ जना घाइते भएको उल्लेख छ । उक्त आक्रमणका क्रममा धेरै धारिला हतियारहरू जफत गरेको र सम्प्रदायका नेता सहित १६८ जनालाई गिरफ्तार गरेको सैनिक अधिकारीहरूले बताएका छन् । त्यस्तै अर्का एक सवारी चालकले अहिले पनि सहरमा गतिविधि ठप्प रहेको बताए । उनले प्रदर्शन गर्न मात्र पुगेका प्रदर्शनकारीमाथि प्रहरीले दमन गरेको बताए । प...

नेपालअखबार, एजेन्सि। इस्लामाबाद उच्च अदालतले पाकिस्तानका पूर्व प्रधानमन्त्री इमरान खानको सजायमा मङ्गलवार रोक लगाएको छ । यो रोक तोसाखाना मामिलामा लगाइएको हो । इस्लामाबाद उच्च अदालतले इमरानलाई जमानतमा रिहा गर्न आदेश दिएको छ । इस्लामाबाद उच्च अदालतले सोमबार यो मुद्दामा निर्णय सुरक्षित राखेको थियो । इमरान खानलाई पाँच अगस्टमा तोसाखाना मुद्दामा दोषी ठहर गर्दै ट्रायल कोर्टले तीन वर्षको सजाय सुनाएको थियो । अदालतको आदेश लगत्तै इमरान खानलाई पक्राउ गरिएको थियो ।...

नेपालअखबार, टोकियो । जापानले फुकुशिमा आणविक ऊर्जा केन्द्रबाट पानी छोडेपछि स्थानीय व्यवसायीलाई चीनले गरेको आह्वानको विरोधमा सोमबार चिनियाँ राजदूतसँग सोधपुछ गरेको छ । उपविदेशमन्त्री मासाटाका ओकानोले राजदूत वु जियाङहाओलाई चीनले ‘वैज्ञानिक प्रमाणमा आधारित नभएको सूचना उपलब्ध गराएर अनावश्यक रूपमा जनताको चिन्ता उठाउनुको साटो जनतालाई उचित जानकारी दिनुपर्ने’ बताएका छन् । टोकियो र संयुक्त राष्ट्रसङ्घको आणविक निगरानी निकायले जापानले फुकुशिमा प्लान्टबाट चिसो पानी छोड्न थालेपछि गत साता चीनले आफ्नो छिमेकी मुलुकबाट आयात हुने सबै समुद्री खानामा प्रतिबन्ध लगाएको थियो । त्यसयता बेकरीदेखि एक्वेरियमसम्मका जापानी व्यवसायहरूले चिनियाँ नम्बरहरूबाट  कहिलेकाहीं अपमानजनक ‘क्रैङ्क कल’ हरू प्राप्त गरेका जापानी अधिकारीले बताएका छन् । चीनमा सामाजिक सञ्जाल प्रयोगकर्ताहरूले यी कलहरूको रेकर्डिङ र भिडियोहरू पोस...