प्रदेश ४

गोरखा । विष्णु मग्राती २०५६ साल ताका गाउँकै नवज्योती माध्यामिक विद्यालयमा शिक्षक थिए । गोरखा नगरपालिका–७ डण्डीडाँडाको उक्त विद्यालयको नीजि स्रोतमा झण्डै साढे ३ बर्ष पढाउदा उनलाई मनमा कत्ति सन्तोष मिलेन । सँगैका साथीभाई विदेश गएर कमाउन थालेपछि मग्रातीलाई प्रावि तहको तलब आँखा लाग्नै छाड्यो । त्यसपछि उनि पनि मलेशिया हानिए । धेरै पैसा कमाउने सपना बोकेर २०५९ सालमा मलेशिया गएका मग्रातीलाई विदेश पुगेपछि मात्र थाहा भयो प्रदेशीको पिडा । ‘न भाषा बुझ्ने, न काम जानेको, सुरुमा त लाटो जस्तै भइयो’ उनि सम्झनछन् ‘सुरुका केहि महिनाका रात त रोएरै कटाए, अहँ आँखा झिमिक्कै नलाग्ने ।’ बिस्तारै वातावरण सहज बन्दै त गयो तर जुन सपना बोकेर गएका थिए त्यहाँ पनि उनले त्यो सम्भावना देख्न छाडे । तर के गर्नु, जादाँ ऋण गरेका गएका उनलाई जसो तसो साहुको ऋण तिर्नुपर्ने बाध्यता पनि थियो । त्यति मात्रै होइन विदेश गएका छ...

गाेरखा । १० बुँदे घोषणापत्र जारी गर्दै ३० औं जुनियर युवा रेडक्रस गोष्ठी सकिएको छ । आइतबारबाट सिरानचोक गाउँपालिका–२ थालाजुङ्गको आहाल भञ्ज्याङ माविमा भएको कार्यक्रम सोमबार सकिएको हो । शिक्षक नायक सीताराम भट्टले जारी गरेको घोषणापत्र सर्वसम्वत पारित गर्दै गोष्ठी सकिएको रेडक्रस गोरखाले जनाएको छ । जुरेस समितिका जिल्ला संयोजक भिमसेनकाजी बानियाँको अध्यक्षता तथा गाउँपालिका अध्यक्ष राजु गुरुङको प्रमुख आतिथ्यतामा भएको कार्यक्रममा रेडक्रसका जिल्ला सभापती भगवानबाबु मास्के, मन्त्री राजेन्द्र न्यौपाने, कोषाध्यक्ष रामशरण आर्चाय, वडा अध्यक्ष ज्ञानेन्द्र गुरुङ, सदस्य खुसिमान गुरुङ, थालाजुङ्ग उपशाखा सभापती ओमबहादुर गुरुङ, पत्रकार कैलाशबाबु श्रेष्ठ, विद्यालयका प्रधानाध्यापक केशरसिंह बस्नेत, विद्यालय व्यवस्थापन समितिका धनबहादुर गुरुङ, शिक्षक अभिभावक सघंका अध्यक्ष जोगबहादुर गुरुङ लगायतले मन्तव्य राखेका थिए...

गाेरखा । प्रहरी नियन्त्रणमा रहेका दुई व्यक्ति छुटेका छन् । सरकारद्धारा प्रतिबन्धित नेपाल कम्युनिष्ट पार्टी बिप्लब समूहमा लागेको आशंकामा पक्राउ परेका गण्डकी गाउँपालिका–७ निवासी उक्त समूहका पूर्व जिल्ला कमिटी सदस्य विष्णुप्रसाद रिजाल र शहिद लखन गाउँपालिका ४ का रोहितप्रसाद पन्तलाई प्रहरीले सोमबार रिहाई गरेको हो । माघ १० गते बिरेनचोकबाट पक्राउ परेका उनीहरुले उक्त समूहका कुनै पनि गतिविधिमा संग्लन नरहने प्रतिवद्धता जनाएपछि जिल्ला प्रशासन कार्यालयले तारेकमा छोड्ने निर्णय गरेको जिल्ला प्रहरी कार्यालय गोरखाका डिएसपी बासुदेव खतिवडाले जानकारी दिए । उनीहरुले आम नागरिक सरह स्वतन्त्र एवं तटस्थ जीवनयापन गर्ने लिखित प्रतिवद्धता गरेका छन् ।...

गोरखा । २०७२ बैशाख १२ गते गएको बिनाशकारी भूकम्पले भत्काएको परोपकार आदर्श मावि जौवारीमा नयाँ भवन बनेको छ । जापानी सहयोग नियोग जाइकाले करिब ६ करोड लागतमा दुई वटा पक्की भवन निर्माण गरिदिएको हो । नौ कोठा रहेको एउटा भवनमा कक्षा सञ्चालन गरिएको छ । अर्को ४ कोठे भवनमा भने कम्प्युटर ल्याब, विज्ञान प्रयोगशाला, पुस्तकालय र इसिडी कक्षा रहेका छन् । नवनिर्मित विद्यालय भवनको उद्घाटन गर्दै राष्ट्रिय सभा सदस्य नारायणकाजी श्रेष्ठले शिक्षाको बिकासमा सरकार लागि परेको बताए । भूकम्पले क्षतिगरेका विद्यालय भवन निर्माण सम्पन्न भएसँगै भौतिक पूर्वाधारको व्यवस्थापन भएको भन्दै उनले अब शैक्षिक गुणस्तर सुधारका लागि सरोकारवाला सबैले जोड दिनु पर्ने उनको भनाई छ । विद्यालय व्यवस्थापन समितिका जेष्ठ सदस्य एवं वडा अध्यक्ष झटकप्रसाद दवाडीको अध्यक्षतामा भएको कार्यक्रममा जिल्ला समन्वय समितिका प्रमुख अशोककुमार गुरुङ, गा...

पोखराका मेयर मानबहादुर जिसीले नेपालका प्रथम सहिद लखन थापामगर नेपालका साझा विभूति भएको बताएका छन् । प्रथम सहिद लखनको १ सय ४३ औं स्मृति दिवसमा पोखरामा नेपाल मगर संघ कास्कीले आयोजना गरेको स्मृतिसभामा मेयर जिसीले लखन थापा कुनै समुदाय विशेषको मात्र सहिद नभएको उल्लेख गरे । देश र जनताका लागि आफ्नो प्राणको आहुति दिने थापामगर पहिलो सहिद भएको बताउँदै उनले महानगरले आवश्यक सहयोग उपलब्ध गराउने बताए । सहिदका सपना पूरा गर्न नसके सहिदको रगतले सराप्ने भन्दै मेयर जिसीले देशलाई समृद्ध बनाउँदै जनतालाई सुखी बनाउने अभियान पूरा गर्न सकेमात्र सहिदप्रति सच्चा श्रद्धाञ्जली हुने उल्लेख गरे । विद्यमान समस्याको समाधानका लागि अग्रसर हुनुपर्ने आवश्यकता औंल्याउँदै अब पनि केही नगर्ने हो भने सहिदको अपमान हुने भनाइ राखे ।...

गोरखा । ७० आंै राष्ट्रिय प्रजातन्त्र दिवश तथा चौथो निर्वाचन दिवश विभिन्न कार्यक्रम गरी मनाउने निर्णय भएको छ । जिल्ला समन्वय समितिका प्रमुख अशोककुमार गुरुङको अध्यक्षतामा आइतबार बसेको सरोकारवालाहरुको बैठकले फागुन ६, ७ र ८ गते विभिन्न कायृक्रम गर्न दिवश मनाउने निर्णय गरेको हो । दिवश मनाउनका लागि जिसस प्रमुख गुरुङको संयोजकत्वमा ७० सदस्यीय मुल समारोह समिति गठन गरिएको छ । फागुन ६, ७ र ८ गते सम्र्पूण सरकारी तथा गैरसरकारी कार्यालयहरुको सरसफाई गर्ने, साँझ दिपावली तथा दिप प्रज्वलन गर्ने, ७ गते गोरखाको पुरानो बसपार्क देखि जिसस हलसम्म प्रभातफेरी कार्यक्रम गर्ने निर्णय भएको जिल्ला समन्वय समितिका दिपक गुरुङले जानकारी दिए । यसैगरी प्रजातन्त्रसँग सम्बन्धी लेख रचना प्रकाशन तथा परिसम्बाद कार्यक्रम गर्न सञ्चार माध्यमलाई आग्रह गर्ने पनि निर्णय भएको छ । प्रजातन्त्र दिवशको सन्र्दभमा आफ्नो घर आँगन सफ...

गोरखा । नवौं जिल्ला स्तरिय राष्ट्रपती रनिङशिल्ड खेलकुद प्रतियोगिता चैत महिनामा गर्ने निर्णय भएको छ । जिल्ला भित्रका अन्तरपालिका माध्यामिक विद्यालय स्तरिय खेलकुद प्रतियोगिता चैतको २५, २६ र २७ गते सिरानचोक गाउँपालिकामा गर्ने निर्णय भएको जिल्ला खेलकुद बिकास समितिका उपाध्यक्ष शान्तसिंह बस्नेतले जानकारी दिए । नवौं जिल्ला स्तरिय राष्ट्रपती रनिङशिल्ड प्रतियोगिता निर्देशक समितिका संयोजक एवं जिल्ला समन्वय समितिका प्रमुख अशोककुमार गुरुङको अध्यक्षतामा आइतबार बसेको बैठकले उक्त निर्णय गरेको हो । सो प्रतियोगितामा जिल्लाका ११ वटै पालिकाका स्वर्ण र रजत पदक बिजेता विद्यार्थीहरुले सहभागिता जनाउन पाउने छन् । प्रतियोगितामा भलिबल कबडी, एथलेटिक्स् र मार्सलआर्ट विभिन्न विधामा प्रतिस्पर्धा हुने जनाइएको छ । बैठकले फागुन मसान्त भित्र सबै पालिकाले प्रतियोगिता गरी जिल्ला खेलकुद बिकास समितिमा बिजेता खेलाड...

गाेरखा । सदरमुकाममा भ्याट सहितको दोहोरो लेखा प्रणाली तालिम सम्पन्न भएको छ । गोरखा उद्योग बाणिज्य संघको आयोजनामा तिन दिने तालिम भएको हो । जिल्लाका बिभिन्न पालिकामा ब्यवसाय संचालन गरिरहेका तथा सेवा मूलक संघसंस्थामा आवद्ध ४१ जनालाई तालिम दिइएको हो । भ्याट सहितको दोहोरो लेखा प्रणालीको अभिलेख राख्न, ब्यवसाय वा फर्महरुको लेखा प्रणाली चुस्त दुरुस्त बनाउनुका साथै क्षमता अभिबृद्धि, वर्तमान आर्थिक नीति नियमको जानकारी गराउने लगायतका उदेश्यले तालिमको आयोजना गरिएको संघका अध्यक्ष जीवनज्योती श्रेष्ठले बताए । तालिममा गोरखा नगरपालिका, पालु्ङटार नगरपालिका आरुघाट, सिरानचोक, अजिरकोट, शहिद लखन, भिमसेन थापा, वारपाक सुलिकोट र धार्चे गाउँपालिकाका प्रमुख व्यापारिक केन्द्रहरुका विभिन्न व्यवसायमा आबद्ध ४१ जनाको सहभागीता रहेको थियो । शुक्रबारदेखि सुरु भएको तालिमको आइतबार समापन गरिएको संघका कार्यालय ...

गोरखा । मानव सेवा आश्रममा रहेका बालबालिकाहरुको निशुल्क दन्त परीक्षण भएको छ । शनिवार संगम मेडिहेल्थ क्लिनिक गोरखाका दन्त चिकित्सकहरुले ३० जना बालबालिकाहरुको दाँत,गिजा र मुख सम्बन्धी जाँच गराएका हुन् । सो अवसरमा आश्रमका बाललिकाहरुलाई मन्जन ब्रस, साबुन, रुमाल लगायतका सरसफाईका सामग्री वितरण गरिएको संगम मेडिहेल्थ क्लिनिक सञ्चालक संगमबाबु श्रेष्ठले जानकारी दिए । उक्त क्लिनिकले दन्त सेवा सुरु गरेको अवसरमा आश्रमका बालबालिकाहरुलाई निशुल्क सेवा दिएको हो । यसैविच दाँत, गिजा र मुख सम्बन्धी समस्या देखिएका बालबालिकाहरुलाई थप उपचार पनि निशुल्क गराउने उनले जानकारी दिए । यस अघि संगम मेडिहेल्थ क्लिनिकले त्यहाँ रहेका बालबालिकाहरुको रक्त समूह पहिचान पनि गरिदिएको थियो । मानसिक रोग विशेषज्ञ डा.जयबहादुर खत्रीद्धारा उद्धार गरिएका मानिसहरुको निशुल्क मानसिक उपचार सेवा समेत उपलब्ध गराउँदै आएको श्रेष्ठले ब...

गोरखा । नेत्र विक्रम चन्द बिप्लवका गोरखा सेक्रेटरी लोकबहादुर वली सहित २ जनालाई प्रहरीले पक्राउ गरेको छ । दाङको तुलसीपुर घर भई हाल बिप्लव समुहका गोरखा सेक्रेटरीको जिम्मेवारीमा रहेका वली सहित जिल्ला सदस्य कृष्ण पन्तलाई जिल्ला प्रहरी कार्यालय गोरखाको टोलीले गोरखा नगरपालिका १३ स्थित मझुवादेउरालीबाट शुक्रबार पक्राउ गरेको बताएको छ । पक्राउ परेका जिल्ला सदस्य पन्त भने गण्डकी गाउँपालिका ४ फुजेलका रहेको प्रहरीको भनाई छ । बिभिन्न जिल्लामा अवाञ्छित कृयाकलाप संलग्न रहेको आरोपमा उनिहरुलाई प्रहरीले केहि समययता खोजतलास गरिरहेको र शुक्रबार मझुवाबाट निययन्त्रणमा लिई खानतलासी गर्दा विप्लव समुहको राजनैतिक प्रतिवेदन, पार्टीको झण्डा, चन्दा रसिद सहित नगद ३२ हजार, ३ थान मोबाइल र सिमकार्डहरु भेटिएको जिल्ला प्रहरी कार्यालय गोरखाले जनाएको छ । उनिहरुलाई नियन्त्रण लिइ थप अनुसन्धान भइरहेको प्रहरीको भनाई छ ।...