२०८३ बैशाख २४, बिहीबार १७:३२२०८३ बैशाख २४, बिहीबार १७:३२ By admin
नेपालअखबार,वीरगञ्ज । त्रिभुवन राजपथअन्तर्गत वीरगञ्जको मुख्य सडक (मेनरोड) विस्तार गर्ने तयारीविरुद्ध स्थानीय घरधनी तथा व्यवसायीहरू आन्दोलित भएका छन् । बिहीबार गण्डकदेखि मितेरी पुलसम्मका बासिन्दा र व्यवसायीहरूले ‘डोजर आतंक’ बन्द गर्न माग गर्दै मानव साङ्लो निर्माण गरी विरोध प्रदर्शन गरेका हुन् ।
प्रदर्शनमा सहभागीहरूले सडकको दुवैतर्फ उभिएर हातमा हात मिलाउँदै सडक विस्तारको वर्तमान योजनाप्रति असन्तुष्टि जनाएका थिए । उनीहरूले ‘हामी विकास र विस्तार चाहन्छौँ, तर वैकल्पिक उपाय खोजौँ’, ‘विकासको नाममा विनाश गर्न पाइँदैन’, ‘वीरगञ्जको मेनरोडलाई सहरी मार्ग कायम गर’ लगायतका नारा लेखिएका प्लेकार्ड प्रदर्शन गरेका थिए ।
स्थानीय घरधनीहरूले दशकौँदेखि कानुनी प्रक्रिया पूरा गरेर निर्माण गरिएका घर तथा व्यावसायिक संरचना भत्काउने तयारीले हजारौँ परिवार विस्थापित हुने र वीरगञ्जको पुरानो व्यापारिक अस्तित्व नै सं...
