महराको फैसला आजै हुने
काठमाडौं – पूर्वसभामुख कृष्णबहादुर महराको मुद्दा जिल्ला अदालत काठमाडौंमा आइतबार पनि ‘हेर्दाहेर्दैमा’ रहेको छ। जिल्ला न्यायाधीश अम्बरराज पौडेलको इजलासमा फैसला लेखन नसकिएपछि हेर्दाहेर्दैमा रहेकाले मुद्दाको आज(सोमबार) फैसला हुने अदालतले जनाएको हो।
एक साताअघि बहस नसकिएपछि मुद्दा हेर्दाहेर्दैमा रहेको थियो। जबर्जस्तीकरणी उद्योगअन्तर्गत मुद्दा अनुसन्धानको क्रममा थुनामा रहेका महराले सफाई पाउने वा अभियोग प्रमाणित हुने क्रममा छ।
गत कात्तिक १८ मा जिल्ला न्यायाधीश सुदर्शनराज पाण्डेको इजलासले जबर्जस्तीकरणी उद्योगमा अभियोग लागेका महरालाई थुनामा राखी अनुसन्धान अघि बढाउन आदेश भएको थियो। संघीय संसदकै सभामुख पदमा रहेको व्यक्तिलाई आफ्नै कार्यालयमा कार्यरत कर्मचारीले जबर्जस्तीकरणी प्रयासको अभियोग लगाएको भन्दै थुनामा राखी अनुसन्धान गर्न आदेश भएको हो।
जिल्ला सरकारी वकिलको कार्यालय काठमाडौंले महराविरुद्ध ५...
